سوال للخبراء

[goga1963]

السلام عليكم ورحمة اللة وبركاتة
سوال الى الاخوة انا راكب سيارة هوندا سيفك شاريها من سنة ex موديل 92
ومنذ ان اشتريتها وهى بدور فى الصبح بالعافية يعنى لازم اكارك لها اكثر من 25 مرة
وعندما ارجع من الشغل الساعة 2 واركن السيارة الى المغرب ال7ونصف انزل نفس الحكاية
هل حد عندة فكرة دى تكون اية هل هى طلمبة البنزين ولا اية بالضبط
ارجو الرد
اخوكم اسامة من الفيوم

[SAMEH_FOUAD]

اهلا بيك ياباشا

بالنسبة للمشكلة اللى حضرتك بتقولها دية هتكون من الكربراتير

لان الطلمبة بتاعتك اللى بتشتغل بالميكانيكا لائما تدور او ماتدورش لان مافيهاش اتوماتيك

اولا بس انا عايزك تغير البوجيهات , تغير فلتر البنزين , تنظف الكربراتير وتروح عند مركز الصفا فى جراج جسر السويس تظبط حريق الهواء والبنزين بتوعة , وتنظف فلتر الهواء او تغيرة لو بقالة كتير

وان شاء الله الموضوع يتحل

[goga1963]

واللة انا عملت كل دة يااستاذ سمسم وان شاء سانفذ اللى انت قولتلى علية اللى ناقصنى وهى مركز الصفا هو داخل البنزينة ولا اية وفلتر الهوا لسة مغيرة بس اية اللى ممكن غير ذلك
وشكرا

[SAMEH_FOUAD]

طيب معلش ممكن تقولى حالة الكربراتير عاملة ازاى يعنى فى بوش فى الاكس

لان 25 مرة دية كتير جدا , واصلا ممكن تنيملك البطارية , عموما لازم تروح عند المركز دة , هيظبطلك الاداء جدا وهيقولك حالة الكربراتير
ومركز الصفا قبل البنزنية هتلاقية واخد ناصية الشارع هو مركز كبير وجامد جدا وبيظبط الكربراتير ب70 جنية

على فكرة عشان تتاكد من عمل الطلمبة كويس ممكن تفتح كونتاكت وتفك الخرطوم الواصل بالكربراتير وتشوف كمية البنزين اللى رايحه

[goga1963]

ان شاء اللة سانزل بكرة القاهرة وربنا يسهل

[goga1963]

وعلى فكرة انا نازل بكرة القاهرة اعمل شغل عند المهندس رشيد اللى فى امبابة

[tarekzein]

وعلى فكرة انا نازل بكرة القاهرة اعمل شغل عند المهندس رشيد اللى فى امبابة

طيب ياباشا ممكن عنوانه عشان نحط الداتا بتاعته فى المنتدى

أنا عارف إمبابه كويس

قولنا الوصف حتى لو مش عارف العنوان

[goga1963]

ش 45 خلف حميات امبابة بجوار مسجد بشير السلام

[tarekzein]

تسلم يا أسامه

[goga1963]

المشكلة انا روحت وضبط كل حاجة بس لاقيت انة اشترى لى الردياتير ب 550 جنية وتيوانى جديد
وقال لى انة احسن حاجة واعطى لى فلتر البنزين ب 35 جنية
وسير الكاتينة 90
بوجيهات 55
غطاء الردياتير 35
هل هذة الاسعار صح ام لا بس انا سائل عن الدياتير كان ب 400 عند دسوقى بس مو عارف اذا كان استيراد ولا اية

[khaledfox]

الرادياتير سعره غالى جدا
انا لسه جايب واحد زى الجديد ما شاء الله ب 400
بس معلش محدش بيتعلم بالساهل

[SAMEH_FOUAD]

المشكلة انا روحت وضبط كل حاجة بس لاقيت انة اشترى لى الردياتير ب 550 جنية وتيوانى جديد
وقال لى انة احسن حاجة واعطى لى فلتر البنزين ب 35 جنية
وسير الكاتينة 90
بوجيهات 55
غطاء الردياتير 35
هل هذة الاسعار صح ام لا بس انا سائل عن الدياتير كان ب 400 عند دسوقى بس مو عارف اذا كان استيراد ولا اية

اولا التايوانى عمرة ماهيكون زى الاصلى استيراد بس دة سعر التايوانى فعلا

سعر فلتر البنزين مظبوط 35 جنية

سير الكاتينة اللى جابة دة مش الاصلى هو جابة ماركة sun ودة تمنة 85 جنية وبيتغير كل 30000 الف كيلو

البوجيهات تمنها 50 جنية ngk

غطاء الردياتير لو اصلى ب80 جنية لو يابانى نظيف ب25 جنية

وسعر الردياتير استيراد اصلى ب400 جنية