Tweet
أنا ناوية إن شاء الله أجيب هوندا سيتي و أحب أعرف من الأعضاء إلي عندهم العربية إيه رأيهم في العربية العفشة و الموتور و التوكيل و أسعار قطاع الغيار ؟؟ أرجوكم أفيدوني
جزاكم الله كل خير
جزاكم الله كل خير
-
-
اهلا بحضرتك معانا
بالنسبة للهوندا سيتى السيارة مميزاتها جميلة بس سعرها مبالغ فية شوية لان الفاضية منها بقت ب127 الف جنية والفول اوبشن ب137 الف جنية
بالنسبة للراحة والماتور والعفشة السيارة جميلة جدا ومعمرة جدا
بالنسبة للخامات الداخلية للاسف كلها بلاستيك بس التقفيل بتاعها ممتاز واماكن التوزيع مثالية فى العربية وخصوصا مكان التخزين تحت الكنبة الخلفية
استهلاك البنزين فيها ممتاز بتعمل 220 كم بس الاستهلاك دة هتلاقية بعد اول 5000 الاف كيلو
بالنسبة للثبات بيقل بعد 140 لكن قبل كدة السيارة جميلة وماتورها هادىء وقوى والتكييف ممتاز وغير مؤثر على التسيارة من ناحية السحب
بالنسبة للتوكيل طبعا معروف توكيل هوندا انة كويس بس اسعارة عالية عن اى مكان تانى , لكن كقطع غيار للسيتى غالية قليلة جدا خارج التوكيل وبردة سعرها عالى بس مش زى التوكيل
السيارة ممتازة بس مسالة السعر المبالغ فية هو اللى بيخلى ناس كتير تبعد عنها[CENTER][SIZE=6]SEMSEM KANE سابقا[/SIZE][/CENTER]
[img2]http://nileup.com/up/uploads/nilemotors_13635570671.jpg[/img2] -
السيارة ممتازة في كل حاجة وتوكلى على الله , بس نصيحة منى هاتيها كسر زيرو (يعنى عاملة مثلا 5000 أو 10000 كيلو) هتنزل فى السعر على الأقل 15000 جنيهComment
-
العربية حلةوة جدا و شيك اوى ....بس الغريب فيها ان مفيش مؤشر حرارة فى لمبة بس معرفش دى ثقة زيادة وللا اية؟؟Comment
-
إسمح لي يا سمسم باشا إني أقتبس كلامك وأشرح زيادة شوية عنك. إنت في السيفيك عبارة عن موسوعة بشرية ولكن سيب السيتي للعبد لله :)المشاركة الأصلية كتبت بواسطة semsem kane مشاهدة المشاركة
طبعا للسائلة الكريمة أهلا بيكيك معانا في المنتدى. بالنسبة للسيتي فكلام سمسم باشا صحيح ولكن أحب أزود حاجات تانية. أنا ربنا كرمني بالعربية من حوالي 6 شهور موديل 2010 جبتها من توكيل التجمع ب 120 ألف وعملت بيها لحد دلوقتي 3500 كيلوا فقط لأني ما بتحركشي بيها كتير بعد القلق اللي بقينا فيه.
من حيث الشكل الخارجي فالسيارة رائعة جدا وملفتة للنظر جدا وكمان مش منتشرة ( يعني حتتعاكسي حتتعاكسي وإنتي راكباها)
أنا بلاحظ إن تقريبا كل الناس بتقعد تتلفت عليها .
من حيث الصالون الداخلي فالسيارة تعطيكي إحساس فخامة على شياكة على حبة رياضة. العدادات جميلة والتابلوه رائع. العيب الوحيد للصالون هو إن الأبواب بلاستيك. كان نفسي تبقى جلد أو حاجة ملمسها حلو مش بلاستيك رخم.
بالنسبة للوسع الداخلي فأنا كنت في حالة ذهول بصراحة. ما توقعش إنها تبقى واسعة قوي كده من جوا. طولي 185 سم وبعد ما ظبط الكرسي بتاع السواق على طولي بحيث أقعد مرتاح رجعت قعدت ورا ولقيتني قاعد مرتاح جدا ورجلي مرتاحة تماما. غير الكورولا الجديدة والكروز اللي تتخضي من كتر ما هما ضيقين من جوا.
العفشة ناشفة حبتين . يعني أنشف من الهيونداي عموما بس أنعم من الكيا. يعني ما تتوقعيش إنك حتركبي عربية ناعمة. وده جاي من إن العفشة لازم تكون ناشفة شوية عشان الثبات.
بالنسبة لإستهلاك البنزين فهي عربية موفرة لاقصى درجة، تحسي إنها 1300 أو 1100 سي سي مش 1500 رياضية.
العزل الصوتي أكثر من رائع
بالنسبة للثبات فبصراحة ما جربتهاش أكتر من 140 وبصراحة كانت جميلة وراسية على الطريق رغم إن الطريق كان مش ناعم خالص. أكتر من كده لسه ما جربتش.
الشنطة واسعة جدا جدا جدا.
طبعا أنا لا أنصح بشراء مستعمل مهما كان التأكد من حالته لأن أكتر من 90 % من المستعمل بيبقى فيه حاجة. ومابستحملشي إن العربية يبقى فيها حاجة وما بحبش إن أي حاجة تبقى فيها مشكلة. كله لازم يبقى على أكمل وجه. ده رأيي الشخصي خصوصا إن ما عنديش وقت خالص لحكاية إني أروح أصلح العربية وأقعد ألف بيها.
العربية فيها إيه بي إس رائع وناعم غير بتاع الانسر مثلا اللي تحسي إن في واحد بيزق رجلك من على الدواسة. وفيها إتنين إير باج أمامي.
العربية فقيرة من حيث الكماليات ودي حاجة تخنق قوي قوي قوي. وواضح جدا إن التوكيل شايل منها حاجات كتير حتى في الهاي لاين. ورغم كده حاطط سعر عالي. وطبعا سعر إعادة البيع غير معروف لأنها لسه يادوب نازلة من 2009 ولكن متوقع إنه يكون ضعيف.
من الآخر العربية حلو جدا ولكن ينقصها الكماليات .
لو قارنتيها بالسيراتو من حيث الكماليات زي البلوتوث والريموت والإنذار والمراية التعيم والسينسور فالسيراتو أحسن. ولكن من أي وجه تاني فالسيتي وتغلب السيراتو بكل المقاييس.
ويارب أكون قدرت أساعد
والسلام ختام
طبيب أسنان أحمد الفيوميبعدما طارده الكلب... وأضناه التعب
وقف القط على الحائط.. مفتول الشنب
قال للفأرة: أجدادي أسود. قالت الفأرة: هل أنتم عرب؟Comment
-
ألف شكر على اهتمامكم بس لو عملنا مقارنة بين هوندا سيتي 2011 و فورد فيستا 2011 ؟؟؟ أنا اسفة على الإزعاج بس أنا فعلاً الفورد كمان عجباني جداً و فيها كماليات كتير بس الناس بتخوفني من توكيل فورد إيه رأيكم؟Comment
-
تقيم محترم ... وعادلالمشاركة الأصلية كتبت بواسطة frozenfire مشاهدة المشاركةإسمح لي يا سمسم باشا إني أقتبس كلامك وأشرح زيادة شوية عنك. إنت في السيفيك عبارة عن موسوعة بشرية ولكن سيب السيتي للعبد لله :)
طبعا للسائلة الكريمة أهلا بيكيك معانا في المنتدى. بالنسبة للسيتي فكلام سمسم باشا صحيح ولكن أحب أزود حاجات تانية. أنا ربنا كرمني بالعربية من حوالي 6 شهور موديل 2010 جبتها من توكيل التجمع ب 120 ألف وعملت بيها لحد دلوقتي 3500 كيلوا فقط لأني ما بتحركشي بيها كتير بعد القلق اللي بقينا فيه.
من حيث الشكل الخارجي فالسيارة رائعة جدا وملفتة للنظر جدا وكمان مش منتشرة ( يعني حتتعاكسي حتتعاكسي وإنتي راكباها) أنا بلاحظ إن تقريبا كل الناس بتقعد تتلفت عليها .
من حيث الصالون الداخلي فالسيارة تعطيكي إحساس فخامة على شياكة على حبة رياضة. العدادات جميلة والتابلوه رائع. العيب الوحيد للصالون هو إن الأبواب بلاستيك. كان نفسي تبقى جلد أو حاجة ملمسها حلو مش بلاستيك رخم.
بالنسبة للوسع الداخلي فأنا كنت في حالة ذهول بصراحة. ما توقعش إنها تبقى واسعة قوي كده من جوا. طولي 185 سم وبعد ما ظبط الكرسي بتاع السواق على طولي بحيث أقعد مرتاح رجعت قعدت ورا ولقيتني قاعد مرتاح جدا ورجلي مرتاحة تماما. غير الكورولا الجديدة والكروز اللي تتخضي من كتر ما هما ضيقين من جوا.
العفشة ناشفة حبتين . يعني أنشف من الهيونداي عموما بس أنعم من الكيا. يعني ما تتوقعيش إنك حتركبي عربية ناعمة. وده جاي من إن العفشة لازم تكون ناشفة شوية عشان الثبات.
بالنسبة لإستهلاك البنزين فهي عربية موفرة لاقصى درجة، تحسي إنها 1300 أو 1100 سي سي مش 1500 رياضية.
العزل الصوتي أكثر من رائع
بالنسبة للثبات فبصراحة ما جربتهاش أكتر من 140 وبصراحة كانت جميلة وراسية على الطريق رغم إن الطريق كان مش ناعم خالص. أكتر من كده لسه ما جربتش.
الشنطة واسعة جدا جدا جدا.
طبعا أنا لا أنصح بشراء مستعمل مهما كان التأكد من حالته لأن أكتر من 90 % من المستعمل بيبقى فيه حاجة. ومابستحملشي إن العربية يبقى فيها حاجة وما بحبش إن أي حاجة تبقى فيها مشكلة. كله لازم يبقى على أكمل وجه. ده رأيي الشخصي خصوصا إن ما عنديش وقت خالص لحكاية إني أروح أصلح العربية وأقعد ألف بيها.
العربية فيها إيه بي إس رائع وناعم غير بتاع الانسر مثلا اللي تحسي إن في واحد بيزق رجلك من على الدواسة. وفيها إتنين إير باج أمامي.
العربية فقيرة من حيث الكماليات ودي حاجة تخنق قوي قوي قوي. وواضح جدا إن التوكيل شايل منها حاجات كتير حتى في الهاي لاين. ورغم كده حاطط سعر عالي. وطبعا سعر إعادة البيع غير معروف لأنها لسه يادوب نازلة من 2009 ولكن متوقع إنه يكون ضعيف.
من الآخر العربية حلو جدا ولكن ينقصها الكماليات .
لو قارنتيها بالسيراتو من حيث الكماليات زي البلوتوث والريموت والإنذار والمراية التعيم والسينسور فالسيراتو أحسن. ولكن من أي وجه تاني فالسيتي وتغلب السيراتو بكل المقاييس.
ويارب أكون قدرت أساعد :u_thin1[1]:
والسلام ختام
طبيب أسنان أحمد الفيومي
شكرا يا دكتور[CENTER][SIZE="3"][B]لازم يكـــون عنــــدك حنكــــة؟؟؟[/B][/SIZE]
[SIZE="3"]إلا هـــو يعنـــى ايـــة حنكـــة!!!![/SIZE]:Oc_sun1[1]:[/CENTER]
hamdymsr سابقاComment
-
طيب يا دكتور ايه رايك فى موضوع ان مفيش لمبة حرارة ده ؟؟الموضوع دة يقلق ........يعنى لقدر الله لو العربية ابتدت تسخن الواحد ميعرفش غير لما تنور احمر و ساعتها لازم اقف ؟؟ياريت لو حد عنده رد عن النقطة دى يفيدنىComment
-
على فكرة كل العربيات الجديدة كده ...المشاركة الأصلية كتبت بواسطة shero379 مشاهدة المشاركة
والكلام ده كلة متطبق من اواخر 2009 تقريبا الى الآن
كان معايا نيو اكسنت 2010 مكنش فيها مؤشر حرارة[CENTER][SIZE="3"][B]لازم يكـــون عنــــدك حنكــــة؟؟؟[/B][/SIZE]
[SIZE="3"]إلا هـــو يعنـــى ايـــة حنكـــة!!!![/SIZE]:Oc_sun1[1]:[/CENTER]
hamdymsr سابقاComment
-
اولا اهلا وسهلا بحضرتك فى قسم هوندا
ثانيا : الهوندا بصفه عامه إختيار موفق وصفقه رابحه وعن تجربه
انا معايا السيتى 2008 وطبعا دى كانت اخر سنه فى الشكل القديم وكان
مونورها 1300 سى سى مش 1500 زى موديلات من اول 2009 حتى اليوم .
العربيه ما شاء الله عليها أكتر من ممتازة ومع الأخذ فى الإعتبار إختلاف الشكل
الخارجى وكذلك سعة الموتور لكن الهوندا عموما بتتميز بالأتى :-
1- إحساس التميز والفخامه وذلك نظرا لأن الهوندا ماركه لها طابع خاص يعنى
لو لاحظتى أى موديل لأى عربيه هوندا حديث أو حتى قديم هتلاحظى التميز
الواضح فى التصميم الخارجى و فخامه وشياكه العربيه من جوة .
2- التميز الواضح لكل محركات الهوندا والأداء القوى مقارنه بمواتير ماركات تانيه
3- على الرغم من إرتفاع أسعر قطع الغيار لكنها فى نفس الوقت معمرة جدا
على سبيل المثال عندى فلتر البنزين فى عربيتى المفروض يتغير على 80000كم ، وبدون ذكر ماركات اخرى بعينها شوفى فلتر البنزين بيتغير كل اد لإيه .
4- توكيا محترم جدا جدا ويكاد يكون من القلائل المحترمين فى مصر وبيحترم
عملاؤة كويس جدا طبعا هو سعرة غالى لكن سعر مقابل جودة ونظام واحترام
للعميل يعنى على سبيل المثال من حوالى اسبوعين لوحه التحكم الخاصه بلوحه المفاتيه الموجودة بالباب الشمال الخاصه بالسائق لاحظت ان احد الزراير مش شغال وكذلك نفس الزرار فى الباب اليمين الخلفى .
روحت التوكيل صباحا وشرحت لهم المشكله اخدوا العربيه واتضح ان اللوحه نفسها وفى مكان المفتاح اللى مش شغال فيها مشكله ودة نتيجه لتسرب مياة وشوفت اللوحه بنفسى ودة معناة انها لازم تتغير وسعرها فى التوكيل 850 جنيه وحرصا منهم على العميل ولأنى ومنذ شرائى للعربيه حريص على عمل الصيانات الدوريه عندهم ولثقتهم فيا وإنى فعلا محافظ على العربيه .
غيروا لى الوحدة ومدفعتش حاجه خالص مع أن الموضوع دة يفترض إنه سوء إستخدام مش عيب صناعه . لكن الحمد لله هم ناس محترمين والحمد لله أنا بحافظ على عربيتى .
طبعا الموضوع دة لو فى توكيل تانى أعتقد كان هيبقى صعب أو يمكن مستحيل إنهم يتحملوا التكلفه دى .
5- جودة التقفيل فى عربيات هوندا هتلاقيها مختلفه تماما عن ماركات تانيه حتى ولو كانت الخامات بلاستيك، يكفى انك مش هتسمعى أصوات طرقعه او صفافير أو ما إلى ذلك وانتى ماشيه ولسه العربيه زيرو زى ماركات تانيه .
وكان عندى تجربه مع ماركه تانيه مشعورة جدا ومش هقول طبعا عليها علشان ملاك الماركه دى ميزعلوش منى والله كنت لسه فى الأف الأولى وكا عندى مشاكل اصوات فى التابلوة والكرسى الأمامى اليمين وقعدت معاهم لغايه صيانه 5000 كم لغايه ما حلوا المشاكل دى .
أخيرا من أهم عيوب السيارات الهوندا عموما والسيتى خصوصا سعر إعادة البيع المنخفض للأسف يعنى لو حضرتك بتغيرى العربيه بإستمرار و بعد فترة قصيرة يبقى هتكون الهوندا خسارة بالنسبه لك لأنك هتخسرى ولو مش فارق معاكى يبقى دى مش هتكون مشكله ، ولو حضرتك ناويه تحتفظى بالعربيه فترى طويله يبقى هتكون الهوندا لإختيار موفق إن شاء الله .
تقبلى تحياتى ...........
[SIGPIC][/SIGPIC]
[SIZE=4][COLOR=purple]علاء الشناوى
[/COLOR][/SIZE]Comment
-
لو عملنا مقارنة بينهم هو طبعا مش هينفع لان دية فئة سيدان والفورد فيستا هاتشباكالمشاركة الأصلية كتبت بواسطة yasminace مشاهدة المشاركة
بس عموما انا ركبت الفورد فيستا العربية منظرها من برة شيك جدا جدا ومن جوة الخامات بلاستيك بردة خلى بالك بس شكل التابلوة حميل اوى بس العربية ضيقة جدااااااااااااااااااااااااااااااااااااا بجد حرام على اللى صممها
لكن قطع غيار وتحمل ومحرك طبعا السيتى بدون نقاش عملية اكتر , فيها كل اللى انت عايزاة ومحتاجاة وتوكيل فورد انا ماجربتوش بس عموما العربية قطع غيارها غالية ومع ان العربية دية نازلة السنة اللى فاتت محدش شاف منها غير عربيتين بالعدد طول السنة دية لانها فعلا سيارة غير عملية بالمرة
وخلى بالك ان الشكل مش كل حاجة يعنى لما تقييمى عربية حاولى اخر حاجة تهتمى بيها الشكل ولازم طبعا يكون موجود بس اخر حاجة
بالنسبة ياباشا للمبة الحرارة فدلوقتى بقى الموضوع اوبشن يعنى فية عربية بتنزل موديل منها الهاف اوبشن مثلا مافيهاش عداد حرارة والهاى لاين بتاعها فيها عداد حرارةالمشاركة الأصلية كتبت بواسطة shero379 مشاهدة المشاركة
وعموما هو اى ارتفاع طفيف فى درجة الحرارة اللمبة دية بتنور مش بيسيبك لحد ماتوصل لل max ماتقلقش[CENTER][SIZE=6]SEMSEM KANE سابقا[/SIZE][/CENTER]
[img2]http://nileup.com/up/uploads/nilemotors_13635570671.jpg[/img2]Comment
-
بعدما طارده الكلب... وأضناه التعب
وقف القط على الحائط.. مفتول الشنب
قال للفأرة: أجدادي أسود. قالت الفأرة: هل أنتم عرب؟Comment
-
Comment