ارجو الرد بسرعه هوندا crx 1992

[nesren]

يا جماعه انا معروض عليه هوندا crx 92 فابريكه و الحمد لله كل حاجه شغاله فيها تمام بس مطلوب فيها 41 السعر ده اكيد هينزل طبعا :D بس انزل لحد كام ؟
هى العربيه عجبانى بس معرفش حاجه عن اسعار واماكن قطع الغيار ؟

ايه رايكو ياهنداااااااااااااااااااااوية

[SAMEH_FOUAD]

لو قدامك ال crx الكوبية يبقى تمنها كدة غالى لان قطع غيارها قليلة فى السوق وعموما لو هية دية يبقى هتعمل 35 الف لو حالة نظيفة

لكن لو قصدك على ال crx del sol الكابورلية يبقى سعرها كدة مناسب جدا

قطع الغيار فية حاجات متشابهة مع السيفيك وهتكون خاصة بالمحرك والعفشة الامامية , لكن بالنسبة للاكسسوارات الخارجية فدية نادرة وقليلة ومافيش منها غير اسنيراد وهتلاقيها فى السلام عند مدينة الحرفيين

عموما العربية دية كويسة بس للاسف قطع غيارها قليلة , سعرها بيقع بسرعة لانها بتقتصر على فئة معينة , قطع غيارها مش موجودة , لكن هية كعربية ممتازة بس للاسف السوق المصرى لية احكامة

لا انصحك بشرائها

[nesren]

شكرا يا باشا بس العربيه دخله دمااااااااااغى قووووووووووووووووووووووووى مش هعرف انساها بسهوله

[nesren]

على فكره نسيت اقلك انها honda crx del sol

[SAMEH_FOUAD]

طيب كويس بالنسبة لل crx del sol فطبعا العربية دية جميلة جدا ورياضية جدا بس بردة زى ماقولتلك قطع الغيار قليلة شوية بس اهون من ال crx الكوبية

وعلى فكرة ياريت يتم الكشف عليها كويس وياريت اعرف معلومات عنها اكتر يعنى حالة الصالون , حالة العفشة , حالة المحرك

وعلى فكرة لو العربية دية نظيفة يبقى 41 الف جنية سعر كويس جدا جدا لان كدة تقريبا اقل من سعرها ب4 الاف جنية

بس اهم حاجة يتم الكشف عليها كويس جدا وخصوصا السقف الكهرباء

[mimmohonda]

طيب مفيش ادامك واحد ليا كماااااااااااان ......وحتى انا ممكن اشتريها منك .....انا قلبت الدنيااااا ومشلاقى ....وهى فعلا عربيه وهميه....وقسما بالله لو خيرونى بينها وبين الكيا سيراتو كوبيه والله لاختارها مليون فى الميه

[homsa_pop]

طيب مفيش ادامك واحد ليا كماااااااااااان ......وحتى انا ممكن اشتريها منك .....انا قلبت الدنيااااا ومشلاقى ....وهى فعلا عربيه وهميه....وقسما بالله لو خيرونى بينها وبين الكيا سيراتو كوبيه والله لاختارها مليون فى الميه

و انا معاك يا باشا ......عايز واحدة ...او حتي سيفيك عادية بس نضيفة طبعا

[nesren]

يا فرحة ما تمت يا هونداااااااويه بعد ملقيت crx del sol وقلت خلاص هشترى العربيه اللى كان نفسى فيها لقيت فيها ايه
1 - الموتور بتاع السقف تعبان السقف بيطلع بالعاغيه وسقلت صاحب العربيه قلى الموتور عايز يتلف
2 - السقف نفسه مش بيتحرق سالت صاحب العربيه قلى الغبر اللى بتفتح السقف باظت فجبت واحده وطلعت مانيوال مش بتاعت crx del sol واللى غايظنى انه ركبها برده فطبعا السقف مش شغال
3- فى دخان ابيض خارج من الشكمان بس خفيف شويه مع ان شكل الموتور ما شاء الله
4 - بيقلى التكيف محتاج فريون
5 - فى شرخ بسيط فى البريبريز اللى ادام
اعمل ايه بقى يا هونداويه

[nesren]

اه نسيت اقول كمان ان باقى العربيه تمام وبيقلى الموتور 1600 v tech 250 hp فقلتله ازاى انا اللى اعرفه ان الموتور ده 160 hp قلى الموتور 175 hp و rpm لما بيجى على 5 hp بيزيد 50 hp

[SAMEH_FOUAD]

اولا عشان تبقى عارف ان سقف الcrx مكلف جدا وغالى جدا جداااااااااااا ونادر اوى , بالنسبة للمكنة اللى موجودة لو b16a يبقى الماتور دة 170 حصان واللى يقولك غير كدة قولة ربنا يهديك انا لو مرة اسمع كدة الصراحة طيب يخم فى 20 حصان انما فى 80 حصان مرة واحدة دية عربية تانية

لو العربية عجباك اخصم تمن السقف وتخصم مش اقل من 6000 الاف جنية للسقف فقط , وتخصم تمن بلوكة بوش ب5000 الاف جنية يبقى كدة انت العربية دية هتاخدها على 30 الف ان شاء الله

[nesren]

شكرا شكرا شكرا على المساعده

[EK4]

في عند منو في الحرفيين نص ورا كامل سليم 100%
ولون أحمر بتاع SiR
في ملحوظة
العربية دي اي غلطة في الشاسية فتحت السقف مبتشتغلش عدل
فتأكدي من أن الشاسية سليم صح
وان اسقف بيأفل في مكانو صح في الشنظة وعلي السقف

[amirrk]

صباح الفل
هي العربيه دي الي في المقطم؟؟؟
و انت خلصت فيها ولا لا؟

[nesren]

ايوه هى بس انا خلاص فكست من العربيه ديه عشان السقف والشنطه والموتور

[amirrk]

هو كان اخر كلام فيه كام؟؟؟