سؤال عن السيتي 2005

[حماده المصري]

ازيكم يا رجاله الهوندا

انا مضطر ابيع الالنترا اللي معايا بسبب ضايقه ماليه



ببص على السيتي في كونتاكنت كارز لقيت سعرها في رنج ال 55 الف مابين رشه ونضيفه ل فبريكه وكلهم ماشيبن في رنج ال 100 الف كيلو


انا بسال هل 100 الف كيلو متور 1300 على عربيه هوندا ده تبقى حالته حلوه ولا وحشه

وهل العربيه دي اساسا حلوه ولا وحشه من ناحيه العفشه والثبات والراحل

وسوال تاني برضو مهم هل هي بياعه في السوق ولا لا وهل العربيه دي فعلا ده سعرها ولا هي اقل من كده

[SAMEH_FOUAD]

العربية كويسة جدا كقيادة ونعومة يعنى انعم من الالنترا وماتورها مقارب ليها بس قبل ال140 كم بعد كدة اللالنترا هتعدى

بالنسبة لقطع الغيار اغلى من الالنترا بكتير وحاجاتها غالية ودة اللى مخلى سعرها يقع

لكن طبعا تقفيل وخامات والكلام دة كلة لصالح السيتى بكل تاكيد حتى صوت الماتور ناعم جدا وماتعرفش اصلا انة داير والفتيس الاوتو بتاعا ناعم وسلس فى نقلاتة بس غالى جدا تمنة من 15000 الف الى 20000 الف حسب قوة المحرك سواء 1500-1300

وبالنسبة ل100 الف كويس مش وحش بس اهم حاجة اكشف عليها كويس ووديها التوكيل لان لو فيها حاجة بعد ماشتيرتها هما اللى هيلبسوها

بالنسبة لسهولة بيعها فهى ليها زبونها يعنى لو حد غاويها مافيش مشاكل لكن كتير بيبعد عنها بسب غلاء قطع الغيار, عموما اقدر اقولك انها بردة تقيلة شوية يعنى لاتقارن نهائى بالسيفيك اللى بتتخطف

[OmaR_FekrY]

العربية كويسة جدا كقيادة ونعومة يعنى انعم من الالنترا وماتورها مقارب ليها بس قبل ال140 كم بعد كدة اللالنترا هتعدى

بالنسبة لقطع الغيار اغلى من الالنترا بكتير وحاجاتها غالية ودة اللى مخلى سعرها يقع

لكن طبعا تقفيل وخامات والكلام دة كلة لصالح السيتى بكل تاكيد حتى صوت الماتور ناعم جدا وماتعرفش اصلا انة داير والفتيس الاوتو بتاعا ناعم وسلس فى نقلاتة بس غالى جدا تمنة من 15000 الف الى 20000 الف حسب قوة المحرك سواء 1500-1300

وبالنسبة ل100 الف كويس مش وحش بس اهم حاجة اكشف عليها كويس ووديها التوكيل لان لو فيها حاجة بعد ماشتيرتها هما اللى هيلبسوها

بالنسبة لسهولة بيعها فهى ليها زبونها يعنى لو حد غاويها مافيش مشاكل لكن كتير بيبعد عنها بسب غلاء قطع الغيار, عموما اقدر اقولك انها بردة تقيلة شوية يعنى لاتقارن نهائى بالسيفيك اللى بتتخطف

+1111

بس معلش هضيف حاجات خفيفه

العربيه دى لا بتعرف تشوف كبوتها ولا شنطتها بعكس الالنترا
و شكل التابلوه احسن بكتير من الالنترا

و الصالون وااااسع جدا و ده لان تانك البنزين تحت الكرسى الامامى يمين 40 لتر

علشان كده المساحه ورا واسعه جدا و فى اماكن تخزين تحت الكنبه
الباور كهرباء برضو زى اللانترا بس اتقل حاجات خفيفه
فراملها ممتازه مع ان انها مفيهاش abs
ممكن تحس ان صوت موتورها عالى سنه لانه قريب من الكابينه و حجم حوض الموتور صغير فمعلى الصوت شويه
تكييفها اقوى من اللانترا بحكم انها يابانى
كراسيها اريح من اللانترا
اللالنترا اقوى من ناحيه الاداء لانها طبعا 1600
بس فى الثبات السيتى احسن

كده انا حاولت اعملك مقارنه سريعه بين اللانترا و السيتى و حاولت اطلعلك عيوب و مميزات كل عربيه منهم

[madinabaza]

انا بردو فكرت فيها يا جماعه وعايز اعرف قطع غيارها غالية بس موجوده برة ولا هدوخ عليها ؟؟ لان هيا سعرها حلو فعلا

[OmaR_FekrY]

انا بردو فكرت فيها يا جماعه وعايز اعرف قطع غيارها غالية بس موجوده برة ولا هدوخ عليها ؟؟ لان هيا سعرها حلو فعلا

قطع غيارها فى منه اللى غالى زى المرايات مثلا
و فى منها اللى معقول
بس هتلاقيها عند كل بتوع قطع غيار الهوندا

بس انا هاقولك على الحاجات االى جبتهالها
المرايه كف+ الازازه بدون وحده الكهرباء 600 جنيه
المرايه كامله بالكهرباء 750
الفانوس الاصلى الامامى يمين 900 جنيه
تيل فرامل تركى مش فاكر اسمه 75 جنيه
ثرموثتات لمروحه الردياتير 80 جنيه
كل الكلام ده من عند بخارى اللى فى الاميريه