السلام عليكم هونداوى جديد على الاخر بس عايز اعرف حاجه؟؟؟؟

[ramiborio85]

ازيكم يا اعضاء المنتدى الكرام
انا لسه جايب هوندا سيفيك موديل 80 معلش انا قديم شويه وجديد فى الهوندا فى نفس الوقت
بس انا عايز اغير موتور العربيه خالص وعايز اعرف من حضراتكم ايه انسب موتور يركب عندى مع العلم
انى لو ركبت من المواتير القديمه اركب موتور ايه وايه الافضل على العربيه 1300 والا 1500 والا 1600؟؟
الحاجه التانيه لو عايز اركب موتور من التسعينات مثلا ينفع ؟؟؟
ولو ينفع ايه افضل موتور يركب عندى 1300 والا 1500 وال 1600 وياترا ال vtec ممكن يركب عندى ؟؟
وعايز اعرف من حضراتكم اسعار المواتير بتاعه التمانينات تبتدى من كام؟؟
والمواتير التانيه التسعينات تعمل كام ؟؟
وال vtec يعمل كام لو ينفع يركب عندى
اخر حاجه معلش انا طولت عليكم انا اسف
مين افضل ناس اتعامل معاهم فى الحرفيين بخصوص المواتير وقطع الغيار؟؟
اسف للأطاله
وارجو الرد من حضراتكم
والسلام عليكم ورحمه الله وبركاته

[SAMEH_FOUAD]

اهلا بيك ياباشا ومبروك عليك السيارة واهلا بيك هونداوى جديد وعضو معانا فى المنتدى وان شاء الله تكون موجود فى المقابلة القادمة

دلوقتى بالنسبة لافضل محرك للسيارة هتجيب محرك 1300 سى سى بكود ej1 موديل 1981 دة قوتة 68 حصان و12 صمام وسعرة 3000 جنية شامل الفتيس

اى ماتور تانى هيركب مش بتاع العربية هتصرف كتير جدا + هيبوظ شاسية العربية + هتعمل تعديلات كتير اوى وهتدخل نفسك فى متاهات انت فى غنى عنها

ومواتير التسعينات عموما بتعمل من اول 3800 جنية الى 10000 جنية

هية المشكلة انك تلاقى المحرك دة لانة قليل هنا شوية عموما انزل عند مجدى الدسوقى فى الحرفيين احسن واحد تجيب منة حاجاتك وخصوصا المواتير لان لو فية حاجة هيرجعها من غير كلام

[tarekzein]

مبروك عليك الهوندا

وأهلا وسهلا بيك

رأيي أنزل بورسعيد أحسن

عمارات الإسكان والتعمير

[ramiborio85]

متشكر جدا لردك يا استاذ سمسم
الله يبارك فيك يا استاذ طارق
هوه الموتور ده فتيسه خمسه غيار والا اربعه ؟؟ لان اللى عندى اربعه غيار وتاعبنى اوى
وهل من الممكن انى ادخل الموتور بتاعى القديم فى الموتور التانى وادفع الفرق عند مجدى الدسوقى؟؟ وياريت لو رقم تليفونه يا استاذ سمسم اذا امكن
وياترى مصنعيه الميكانيكى تعمل فى حدود اد ايه ؟؟
وهل اى ميكانيكى كويس يعرف يركبو والا لازم ميكانيكى هوندا؟؟؟
والمقابله اللى جايه فين وامتى يا جماعه ممكن اعرف علشان اتشرف بناس زى العسل زيكم ويبقى ليا شرف معرفتكم

[SAMEH_FOUAD]

فتيسة اربعة غيار والاتوماتيك بتاعة نقلتين فقط بالنسبة للموضوع دة يبقى الاتفاق مع التاجر انك تبددل وتدفع الفرق ودة رقم تليفونة ارضى وموبايل عشان لو عايز تتكلم براحتك 26972022-0166660557بالنسبة للمصنعية 300 جنية يفضل بتاع هوندا المقابلة القادمة ان شاء الله تفاصيلها قريب جدا

[ramiborio85]

متشكر جدا على ردك الجميل واللى انا بثق فيه بصراحه من كتر ماشوفت ردودك على الاعضاء الكرام
بس انا عاوز اركب حاجه خمسه غيار علشان تعبت من الاربعه ده خالص بحس ان العربيه مخنوقه فى الاول وبعد كده بتبقى كويسه بس انا عايز اركب خمسه غيار هل فى من نفس نوع الموتور اللى حضرتك قولتهولى خمسه غيار ؟؟
ولو مفيش اجيب ايه تانى يكون مناسب على عربيتى بس برضو خمسه غيار؟؟
واسف للاطاله ولك جزيل الشكر

[ramiborio85]

وياترى لو عايز اركب 1400 او 1500 هل ينفع والعربيه تستحملو ؟؟
ولو ينفع ايه النوع اللى حضرتك تنصحنى بيه ؟؟
وسعره يكون كام ؟؟؟

[Mahmode]

مبروك عليك العربية وانضمامك لنادي ملاك هوندا. إن شاء الله قريبا حانضم ليكم

[SAMEH_FOUAD]

شوف هية المشكلة مش مشكلة سعة لترية اكتر من احيبلك المحرك اللى قوتة كويسة وتقدر تعمل بيها تسارع كويس عموما انت لو عايز ماتور 1500 سى سى اة عربيتك تستحملة عادى جدا مافيش مشاكل وهيبقى خمسة غيار ممكن تجيب ال em1 وهتجيب كود فتيسة gm87 والماتور دة قوتة فى حدود 68 حصان تقريبا والفتيس دة كويس جدا وخمسة غيار والماتور دة هيعمل 3200

[ramiborio85]

الله يكرمك يا استاذ سمسم
وشكرا لردك اللى بيخلينا نحب الهوندا اكتر واكتر
بس انا من الاخر مش عايز موضوع الموتور ده يعدى ال 3500 جنيه بمصنعيه الميكانيكى
فا ايه العمل ؟؟؟
واركب موتور اعلى من ال 1300 ينفع والا مش ينفع واصبر شويه ؟؟؟
وياريت لو فى صوره للموتور اللى تنصحنى بيه يا استاذ سمسم ولك جزيل الشكر

[ramiborio85]

بص ايه اللى حصل معايا
انا اول امبارح لسه مغير جوان وش السلندر والراجل الميكانيكى قاللى غير فلتر الزيت الصبح علشان مكتوم
واحنا كنا الساعه 3 الفجر قولتلو ماشى
تانى يوم نزلت بالعربيه مشوار بتاع محطتين كده من عندى تمام
وبعد كده لقيت لمبه الزيت منوره قولت اغير الفلتر وانا فى طريقى كده كده تمام
المكنه لقيتها بطلت وانا ماشى تمام
المهم زقيتها لغايه المشحمه والراجل قاللى طرمبه الزيت شكلها كده مش شغاله
اتصلت بالميكانيكى وجالى الراجل وغيرت فلتر الزيت بس كان واحد مستعمل لانى دوخت على فلتر الزيت بتاعها ملقيتهوش فقالى بتاع الشيفروليت ده يركب عندك بس لازم تشترى الطقم كلو ورجع قالى استنى اشوفلك واحد شغال تجرب بيه المهم ركبتو ومغيرش حاجه برضو اللمبه لسه منوره
المهم قطرت العربيه لغايه ورشه الميكانيكى
وبعد الفحص والتمحيص قاللى ان الترس بتاع الكامه متاكل وهوه الىى مش مشغل العمود بتاع الطرومبه بتاعه البنزين
مع ان العربيه كانت قبل ما اغير الجوان كانت ماشيه بس صوتها عالى وعايزه جوان بس ماشيه اول ما اغير جوان يقولى ان التروس متاكله قولت فى بالى طب لو التروس متاكله اشمعنى دلوقتى مكانت متشيش اصلا من الاول او العيب ده المفروض يظهر من الاول؟؟؟؟؟
ده على قد تفكيرى يعنى
المهم انا دلوقتى اما غيرت الجوان العربيه فاقت وكان صوتها كويس بس قبل اللمبه ما تنور بشويه سمعت صوت خبطات البساتم غريب جدا طا طا طا طا
هوه مكانش عالى بس انا عارف صوتها كان عامل ازاى
قوللى اعمل ايه يا عم سمسم
ولو ينفع اتصل بيك دلوقتى افهمك اكتر لو مش هضايقك او اعطلك يبقى كتر الف خيرك
اكتب الرقم وانا هتصل بحضرتك

[ramiborio85]

بص ايه اللى حصل معايا
انا اول امبارح لسه مغير جوان وش السلندر والراجل الميكانيكى قاللى غير فلتر الزيت الصبح علشان مكتوم
واحنا كنا الساعه 3 الفجر قولتلو ماشى
تانى يوم نزلت بالعربيه مشوار بتاع محطتين كده من عندى تمام
وبعد كده لقيت لمبه الزيت منوره قولت اغير الفلتر وانا فى طريقى كده كده تمام
المكنه لقيتها بطلت وانا ماشى تمام
المهم زقيتها لغايه المشحمه والراجل قاللى طرمبه الزيت شكلها كده مش شغاله
اتصلت بالميكانيكى وجالى الراجل وغيرت فلتر الزيت بس كان واحد مستعمل لانى دوخت على فلتر الزيت بتاعها ملقيتهوش فقالى بتاع الشيفروليت ده يركب عندك بس لازم تشترى الطقم كلو ورجع قالى استنى اشوفلك واحد شغال تجرب بيه المهم ركبتو ومغيرش حاجه برضو اللمبه لسه منوره
المهم قطرت العربيه لغايه ورشه الميكانيكى
وبعد الفحص والتمحيص قاللى ان الترس بتاع الكامه متاكل وهوه الىى مش مشغل العمود بتاع الطرومبه بتاعه البنزين
مع ان العربيه كانت قبل ما اغير الجوان كانت ماشيه بس صوتها عالى وعايزه جوان بس ماشيه اول ما اغير جوان يقولى ان التروس متاكله قولت فى بالى طب لو التروس متاكله اشمعنى دلوقتى مكانت متشيش اصلا من الاول او العيب ده المفروض يظهر من الاول؟؟؟؟؟
ده على قد تفكيرى يعنى
المهم انا دلوقتى اما غيرت الجوان العربيه فاقت وكان صوتها كويس بس قبل اللمبه ما تنور بشويه سمعت صوت خبطات البساتم غريب جدا طا طا طا طا
هوه مكانش عالى بس انا عارف صوتها كان عامل ازاى
قوللى اعمل ايه يا عم سمسم
ولو ينفع اتصل بيك دلوقتى افهمك اكتر لو مش هضايقك او اعطلك يبقى كتر الف خيرك
اكتب الرقم وانا هتصل بحضرتك

[SAMEH_FOUAD]

بص ايه اللى حصل معايا
انا اول امبارح لسه مغير جوان وش السلندر والراجل الميكانيكى قاللى غير فلتر الزيت الصبح علشان مكتوم
واحنا كنا الساعه 3 الفجر قولتلو ماشى
تانى يوم نزلت بالعربيه مشوار بتاع محطتين كده من عندى تمام
وبعد كده لقيت لمبه الزيت منوره قولت اغير الفلتر وانا فى طريقى كده كده تمام
المكنه لقيتها بطلت وانا ماشى تمام
المهم زقيتها لغايه المشحمه والراجل قاللى طرمبه الزيت شكلها كده مش شغاله
اتصلت بالميكانيكى وجالى الراجل وغيرت فلتر الزيت بس كان واحد مستعمل لانى دوخت على فلتر الزيت بتاعها ملقيتهوش فقالى بتاع الشيفروليت ده يركب عندك بس لازم تشترى الطقم كلو ورجع قالى استنى اشوفلك واحد شغال تجرب بيه المهم ركبتو ومغيرش حاجه برضو اللمبه لسه منوره
المهم قطرت العربيه لغايه ورشه الميكانيكى
وبعد الفحص والتمحيص قاللى ان الترس بتاع الكامه متاكل وهوه الىى مش مشغل العمود بتاع الطرومبه بتاعه البنزين
مع ان العربيه كانت قبل ما اغير الجوان كانت ماشيه بس صوتها عالى وعايزه جوان بس ماشيه اول ما اغير جوان يقولى ان التروس متاكله قولت فى بالى طب لو التروس متاكله اشمعنى دلوقتى مكانت متشيش اصلا من الاول او العيب ده المفروض يظهر من الاول؟؟؟؟؟
ده على قد تفكيرى يعنى
المهم انا دلوقتى اما غيرت الجوان العربيه فاقت وكان صوتها كويس بس قبل اللمبه ما تنور بشويه سمعت صوت خبطات البساتم غريب جدا طا طا طا طا
هوه مكانش عالى بس انا عارف صوتها كان عامل ازاى
قوللى اعمل ايه يا عم سمسم
ولو ينفع اتصل بيك دلوقتى افهمك اكتر لو مش هضايقك او اعطلك يبقى كتر الف خيرك
اكتب الرقم وانا هتصل بحضرتك

0103088605

تنورنى ياباشا فى اى وقت

بس انا عايز اعرف حاجة هو قشط حاجة من مش السلندر ؟؟؟؟؟

قصدك طلمبة الزيت مش البنزين