العربية مجنناني بجد وقربت أزهق... حراااااااام

[modyturbo]

السلام عليكم
الموضوع باختصار اني زهقت من السيفيك اللي معايا لدرجة والله العظيم اني ببقي نايم وعمال افكر في العربية والمشاكل اللي فيها العربية مخنوقة جداً والسحب زي الزفت من ساعة ما اشتريت العربية أنا معايا بيجو موديل 75 وبتجمع أسرع منها بمراحل... غيرت بوجيهات وفلتر هوا وزيت وفلتر زيت وزودت زيت الفتيس وظبط تاكيهات ونضفت الكربراتير وعملت عجين الفلاحة ورقصة القرد برده ما فيش فايدة كل ده كأنك يا ابو زيت ما غزيت..
نفسي حد يكون خبرة علي المنتدي يركب العربية يقوللي علي اللي فيها بالظبط.. والله أخلي الحاجة تدعيله والأجر والثواب عند الله.. ولا اراكم الله مكروه في هونداتكم

[Mahmode]

هيا موديل كام الهوندا ديا؟

[Hamdy Masria]

ان شاء الله فى مقابلة قريبة
ممكن تشرفنا واخوانا الخبرة يقدروا يفدوك

[tarekzein]

تعالى المقابله الجايه

وأوعدك

العصابه هتعمل عليها كونصلتوا

وتجيبلك المفيد

[tarekzein]

ان شاء الله فى مقابلة قريبة
ممكن تشرفنا واخوانا الخبرة يقدروا يفدوك

+1111111

ـــــــــــــــــــــــــــ

غير خطك ياحمدى

عينى وجعتنى

[modyturbo]

متشكر لردودكم... العربية موديل 1992 ex اتوماتيك 1500 cc.. يا تري المقابلة امتي بإذن الله عشان اتشرف فعلاً بيكوا لأنكم رجالة بمعني الكلمة وما بتسيبوش حد محتاس ابداً

[modyturbo]

[marq="3;right;3;scroll"]سبحان الله وبحمده سبحان الله العظيم[/marq]

[SAMEH_FOUAD]

ياباشا اهلا وسهلا بيك

دلوقتى انت مشكلتكم كلها فى السحب وان العربية مخنوقة

طيب اولا حاجة هل كشفت على الكربراتير اللى عندك دة ؟ ولا لأ

الكهرباء عندك اية نظامها يعنى مظبوطة العربية بترعش الاربى ام مش مظبوط

اخر مرة غيرت سير كاتينة امتى وهل حد فاهم هو اللى قسملك العربية والتاكيهات بردة ؟

[modyturbo]

ياباشا اهلا وسهلا بيك

دلوقتى انت مشكلتكم كلها فى السحب وان العربية مخنوقة

طيب اولا حاجة هل كشفت على الكربراتير اللى عندك دة ؟ ولا لأ

الكهرباء عندك اية نظامها يعنى مظبوطة العربية بترعش الاربى ام مش مظبوط

اخر مرة غيرت سير كاتينة امتى وهل حد فاهم هو اللى قسملك العربية والتاكيهات بردة ؟

يا باشا أهلا بيك انتا يا معلم الهوندا في مصر.. بالنسبة للكربراتير ما كشفتش عليه عند حد متخصص
بالنسبة للكهربا انتا عارف الموضوع اللي عندي بتاع الموبينة الخارجية
سير الكاتينة غيرته من شهر وغيرت البلية
بالنسبة للميكانيكي بتاع هوندا وياباني فقط

[M_Nabil]

لو العربية مظبوطة والكربراتير سليم ومغير فلتر البنزين بالاضافة للحاجات اللى أنت ذكرتها

احتمال يكون عندك الفتيس ضعيف ومأثر على السحب عموماً لو هتيجى المقابلة اللى جاية ان شاء الله يبقى حد من الناس الخبرة يبص عليها ويقولك مشكلتها اية بالضبط

[honda forever]

لو السحب عندك ضعيف مش العربيه مخنوقه عشان فى فرق يبقى ممكن يكون فتيس فيه ورق مفوت
أما لو مخنوقه ممكن يكون كربراتير
وهقولك على حاجه تعملها ممكن تفرق معاك وتعرف منها إذا كان الفتيس ضعيف ولا لأ
هتجيب الفتيس على 3 وتطلع بالعربيه وتجربها مشوار وشوف النتيجه خصوصا لما تيجى تهدى وتمشى تانى لو الخنقه لسه موجوده فده كربراتير فيه مشكله أما لو الخنقه راحت يبقى كده فتيس مفوت أو فيه مشكلة ما
وفى حاجه تانيه فى الطلعه بتاعت العربيه لو حسيت مع دوسه إكسراتير خفيفه إن صوت الموتور بيعلى ومفيش قدام الدوسه سحب يبقى غالبا الفتيس فيه مشكله
وإن شاء الله خير

[modyturbo]

لو السحب عندك ضعيف مش العربيه مخنوقه عشان فى فرق يبقى ممكن يكون فتيس فيه ورق مفوت
أما لو مخنوقه ممكن يكون كربراتير
وهقولك على حاجه تعملها ممكن تفرق معاك وتعرف منها إذا كان الفتيس ضعيف ولا لأ
هتجيب الفتيس على 3 وتطلع بالعربيه وتجربها مشوار وشوف النتيجه خصوصا لما تيجى تهدى وتمشى تانى لو الخنقه لسه موجوده فده كربراتير فيه مشكله أما لو الخنقه راحت يبقى كده فتيس مفوت أو فيه مشكلة ما
وفى حاجه تانيه فى الطلعه بتاعت العربيه لو حسيت مع دوسه إكسراتير خفيفه إن صوت الموتور بيعلى ومفيش قدام الدوسه سحب يبقى غالبا الفتيس فيه مشكله
وإن شاء الله خير

شكراً يا باشا علي الافادة بارك الله فيك