هام للهونداوية بخصوص البوجيهات

[SAMEH_FOUAD]

طيب هى البوجيهات ال ngk فعلا بتسحب بنزين كتير غير البوجيهات العادية لانى معايا اسكودا اوكتافيا a5 وماشية لغاية دلوقت 50 الف ولسه مغيرتش بوجيهات وبفكر اغيرلها حاجة احسن من الاصلى بتاعها بس خايف من استهلاك البنزين يزيد

لا طبعا ال ngk كويسة بس مش عارف اية اللى حصل واية اللى حصل فيها كل دة

وبالنسبة لاستهلاك البنزين طالما البوجية عندك بيحرق كويس يبقى الاستهلاك عندك هيبقى مظبوط

لكن مافيش حاجة اسمها بوجية بيحرق بنزين والتانى موفر للبنزين , لأ فية حاجة اسمها بوجية بيحرق كويس وبوجية مابيحرقش كويس فبيطلع البنزين نى وعشان تلاقى السحب اللى انت عايزة لازم تضغط اكتر وطبعا دة معناة بنزين ازيد

فاختيارك للبوجية ينطبق على ثلاث حاجات :

1- يكون نفس كود المحرك عشان يتوافق مع القوة الكهربائية للمحرك ومايبقاش شرارته ضعيفة

2- نوع كويس ونظيف

3- طريقة تخزينة تكون صحيحة عشان مايخدش رطوبة

ده يا باشا الكلام اللى قلته من أكتر من شهر البوجيهات رطبت معايا قبل 500 كيلو
بس هى الأكواد دى لل SiR ولا لل ex كمان مش فارق
وشكرا على النصيحه

الاكواد اللى انا قايلها للعادى سواء d16 او d15 وال b16a دة الرياضى

ماشاء الله لا قوة الا بالله,,,, يا رب يخليك لينا يا سمسم ويحفظك من كل شر علي كل المعلومات القيمة اللي انتا بتقولنا عليها,,,,

ربنا يخليك ياباشا وشكرا ليك

طيب ياريت يا خبراء الهوندا تقولولنا احسن أداء يطلع من بوجيهات نوعها ايه وأكوادها ايه ...؟
وأيه المناسب من البوجيهات لكل نوع من انواع المواتير بتاعتنا .
وياريت كل من عنده معلومة يقول ... وميكتفيش بالقراءة فقط .

ياعم احمد ماهو عندك الاكواد ارجع للمشاركة اللى فاتت هتلاقى الاكواد

ودلوقتى ال denso احسن

[Mahmode]

معلش يا سمسم باشا. إنت جبت المعلومة دي من فين؟ يعني هل إنت متأكد 100% إن كل الـبوجيهات ال ngk واخده رطوبة؟ ما يمكن مخزن واحد بس اللي حصل فيه القصة دي.

[SAMEH_FOUAD]

معلش يا سمسم باشا. إنت جبت المعلومة دي من فين؟ يعني هل إنت متأكد 100% إن كل الـبوجيهات ال ngk واخده رطوبة؟ ما يمكن مخزن واحد بس اللي حصل فيه القصة دي.

شوف ياباشا

اول حاجة تجربة شخصية

كنت لسة مركب البوجيهات جديدة ماكملتش 500 كم ومرة بدور العربية مش عايزة تدور ,روحت مطلع العدة وعملت وصلاتى واتاكد من سلامة

1- الكهرباء والموبينة والاسبراتير

2- سلامة جميع الحساسات

3- طلمبة البنزين شغالة بانتظام وبتودى للمحرك بقوة

طبعا قولت كدة يبقى مافيش غير البوجيهات فكيت البوجيهات لقيتها عليها كاربون ومرطبة جامد , روحت رايح جايب طقم denso والحمد لله بقالة معايا اكتر من 6 شهور

البوجيهات دية من عند مجدى الدسوقى

- جية الاستاذ طارق عمر معانا هنا فى المنتدى جابها من التوكيل وبردة مكملتش معاة 500 كم وعملت كدة

- وواحد زميلنا تانى عمل نفس الموضوع وبردة قطعت معاة

على العموم انا قولت تجارب شخصية وتجارب اصدقاء هنا فلازم طبعا انبة اخواتى على الموضوع دة عشان ماحدش يقع فى مشكلة ومش هيعرف يتصرف

[Mahmode]

أوك شكرا يا باشا على التحذير.