هل نوع زيت يأثر علي سحب ؟؟ واستخدم زيت ايه؟

[HotRide]

يا ناس يا مفتريه

انا لما سقط المكنه حطيط كالتيكس 1000 كيلو للتجربه مشيت بيه بتاع 300 كيلو وكان سحب ممتاز و بعدها غيرت مرتين شيل الاصفر وفلتر طبعا بس حسيت ان سحب قل كمان vtec kick صوتها مش باين زي الاول...هل زيت هو سبب ؟؟؟

وعايز زيت يستحملني و يستحمل الفرهضه و علي فكره شيل بينقص كل 1500 كيلو بتاع نص كيلو او اقل شويه

وموبيل 1 مش بحبو عايز حاجه تانيه

ويا جماعه في زيت اسمه castrol بس 4000 كيلو ب 140 جنيه ده كويس ؟؟؟
وشيل الازرق كويس ؟

وهل نوع زيت له علاقه بالسحب و الاداء ؟

[EK4]

يؤسفي اقولك ان لو عربيتك بتاكول زيت مع شل الأصفر
يبأ كدا عوزا شنبر او الأحسن لو تراجع علي المطور كويس علشان لو بتنأط زيت

الحلو المتعارف علي في الحر بتاع البلد هوا زيت شل الأزرق 10w-40
وده كويت للفحت زيت مانت بتأول
بس لو عربيتك فيها شنبر او زيت بينأط يبأ بدل مكونت بتزود زيت كل 1500K
هتزود كل (حوالي) 800k
اما بالنسبا للزيت بيفرق
فهوا بيفرء مش بالأحساس
انما بيفرء في سرعة انتشارة في المتور وقدرة علي الدخول مبين الحديد وبعضة
وفي نفس الوقت تحملة للحرارة والبرودة
يعني في زيت بيستخدم في البلاد البرد وفي زيت تاني للبلاد الحر
فنت لازم تأرا كتير في الحوار ده لو عاوز تفهم اوي
بس ملخص
شيل الأصفر غير مرجح للمواتير الرياضية وغير مرجح للناس الي بتطلع لـ RPM عالي كتير
الأزرق Semi-Synthetic يفضل علشان 1- مصنع بالخارج
2- بيستحمل درجات الحرارة العالية


ملحوظة عامة لازم تسخن قبل متتحرك بالعربية علشان الزيت يكون وصل لمستوي التفاعل الخاص به
وبردو اعمل شيك علي العربية الأول

[wildwest100]

هوا لسا فيه شل ازرق دا بقا عامل زى المخدرات

[M_Nabil]

لا موجود وسعره 180 أو 190 جنية حاجه زى كدة

[wildwest100]

ايوه موجود فين بالظبط انا دورت فى كل مصر وفى الاخر جيبت كاسترول ماجناتك

[M_Nabil]

شوفتوا من فترة مش بعيدة في بنزينه شل اللى في شارع دمشق

[EK4]

هوا فعلان بأعامل زي المخدرات بس كل شوية بص في بنزينات شل
وتمنه زي محمد نبيل مقال

[SAMEH_FOUAD]

زيت شيل الازرق جميل جدا بس عيبة حاجة واحدة لزوجتة بتضعف مع الحرارة العالية بعد اول 2500 كم لو انت من النوع اللى بتقرص كتير

وعلى فكرة هو غلى وبقى ب200 جنية بدل من 180 جنية

وهو اصلا زيت اوروربى وعشان كدة انا متاكد من نقطة انة غير مناسب لدرجة الحرارة العالية او للجو بتاع بلدنا عموما

وعلى فكرة يامحمد انت لو بتقول المكنة عندك بتاكل زيت بالكمية دية لان الكمية اللى انت قولتها دية مش قليلة دة يعتبر كتير جدا , فلازم تعمل اختبار كبس محرك

وبالنسبة للزيت انا والله بدور على احسن حاجة تكون ممتازة مع الهوندا

عموما الزيت موجود ومنتشر جدا لانهم جابوا الدفعة الجديدة وشكل العبوة اختلف

وهو بينقص بسرعة لانة الزيت الوحيد المعبىء خارج البلد وكان فعلا بقالة فترة كبيرة مختفى عن الاسواق لوقف الاستيراد ايام الثورة

[sanhory]

الكامة الواحدة مش المفروض ياكل زيت خالص لو سليم

حتى لو حطيت زيت تخليقي خفيف برده مبينقصش لو المكنة سليمة

المكن ده مش حساس من نوعية الزيت زي ال SiR

لكن انصحك ب كاسترول ماجناتيك فعلا كويس

[SAMEH_FOUAD]

انت جربتة ياسنهورى ناس بتشكر فية وناس بتقول وحش

[HotRide]

شباب يأسفني اقولكم اني كنت بقيس زيت علي مستوي العربيه مش بتبقي عدله وانا مش في بالي خالص و اكتشفت ده من شويه لقيت في زياده فوق علامه وروحت نزلت شويه منه لحد ما ظبط......خلاص كده هتوكل علي الله واحط شيل الازرق هو موجود ب190 تحت بتنا كمان و هجيب فلتر الاصلي ان شاء الله

شكرا يا رجاله :)

[sanhory]

انت جربتة ياسنهورى ناس بتشكر فية وناس بتقول وحش

قرينا عنه كتير انا و vjack و لقينا مكوناته بتتناسب جدا مع المواتير اللي عدا عليها عمر و بيستحمل المواتير الرياضية اللي فيها لفات موتور عالية زي ال sir و بقولوا ان مكوناته مصحوبة بشحنات ماجناتيك بتدخل في النتوءات الصغيره اللي في المحرك و تفضل فيها

و فيه ميزه كمان انه بسب الشحنات دي لما بتبطل المحرك مش كل الزيت بينزل تحت و بيتبقى نسبة زيت ماسكه في مكونات المحرك العلوية و دا مفيد جدا في الدواره الصبح

و ميزه كمان انك ممكن لو اضطريت تزود عليه اي نوع زيت عادي عشان المكونات المشحونة دي حتفضل ماسكه برده

و حاليا حاطناه في عربية vjack ال TYPE R و هوا بيشكر فيه و مبسوط من اداءه

و انا كام يو كده و ححط منه انشاء الله

[HotRide]

قرينا عنه كتير انا و vjack و لقينا مكوناته بتتناسب جدا مع المواتير اللي عدا عليها عمر و بيستحمل المواتير الرياضية اللي فيها لفات موتور عالية زي ال sir و بقولوا ان مكوناته مصحوبة بشحنات ماجناتيك بتدخل في النتوءات الصغيره اللي في المحرك و تفضل فيها

و فيه ميزه كمان انه بسب الشحنات دي لما بتبطل المحرك مش كل الزيت بينزل تحت و بيتبقى نسبة زيت ماسكه في مكونات المحرك العلوية و دا مفيد جدا في الدواره الصبح

و ميزه كمان انك ممكن لو اضطريت تزود عليه اي نوع زيت عادي عشان المكونات المشحونة دي حتفضل ماسكه برده

و حاليا حاطناه في عربية vjack ال type r و هوا بيشكر فيه و مبسوط من اداءه

و انا كام يو كده و ححط منه ان شاء الله

ده بكام و بيجاب منبن و كام كيلو ؟

[honda forever]

ده بكام و بيجاب منبن و كام كيلو ؟

+111111111111111

[sanhory]

ده بكام و بيجاب منبن و كام كيلو ؟

ده ب 220 من عند الوكيل بتاعه في مدينة نصر جمب انبي


مش فاكر بالظبت هو يا 7000 يا 10000