هوندا سيتى 2008 ام ياريس 2008

[tigar_tigar]

السلام عليكم ورحمة الله وبركاتة

دى اول مرة اعمل فيها موضوع فى المنتدى دة وبصراحة اللى شجعنى جدااا ان المنتدى متميز جدا ومتخصص كمان
والناس فية هلبفل جداااا احب ادخل فى الموضوع على طول عشان مطولش على حضراتكم


انا محتار جدااا ما بين السيتى 2008 والياريس بس انا منجذب شوية للسيتى وقلت اسمع استشاراتكم ليا
خصوصا ان ادامى سيتى 2008 مانيوال 1300 سى سى عاملة 95000 كيلو وب63000 يا ترى السعر مناسب ولا لاة وعاوز اعرف اراء ملاك العربية ورايهم ليا خصوصا انى نازل اعاين السيتى بكرة او بعدة بالكتيران شاء الله بس خايف عشان العربية مش متنشرة قوى ومش عارف السبب؟؟؟ هل دة عيب فيها ام ؟؟؟
ومش عارف اى حاجة عن العربية غير انها هوندا ودة اللى مشجعنى يا ريت اسمع نصيحتكم ليا

ولا خاب من استشار



ولكم منى جزيل الشكر
منتظر ردودكم ان شاء الله

[FrozenFire]

نأسف على التأخر في الرد
بص ياسيدي، أنا سقت الياريس كتير جدا، وهي باختصار شديد وفي رأيي الشخصي غلطة من غلطات تويوتا الكبيرة.

العربية ما فيهاش ثبات نهائي بعد ال 100، بترقص على الطريق السريع لما يكون فيه حتة مش معدولة (وبترقص يعني بترقص).

ورغم إن هي عالية عن الأرض لما لما إتنين بيقعدوا ورا، بتحك كتير في المطبات حتى لو عرضت على المطب.

مميزاتها هي التوفير البنزين وسعر إعادة بيع وأسعار قطع غيار أقل من السيتي.

نيجي بقى للسيتي الشكل القديم (أنا معايا الشكل الجديد)، أنا ما سوقتهاش قبل كده ولكن ركبتها مع واحد صحبي. باختصار عربية محترمة يعني إعكس كل عيوب اليارس تطلع مميزات السيتي.

وبصراحة ما أعرفشي معدل إستهلاكها ولا قوة موتورها مقارنة بالهوندا ولكن الهوندا معروفة بمواتيرها الجبارة.

عيوب السيتي هي سعر إعادة بيع مش حلو وأسعار قطع غيار غالية ولكن عربية معمرة جدا

من الآخر لو عايز عربية تستمع بيها يبقى السيتين ولو عايز عربية ما تخسرشي فيها كتير يبقى اليارس

وربنا يسهلك كل أمر

والسلام ختام

[Hamdy Masria]

من الآخر لو عايز عربية تستمع بيها يبقى السيتين ولو عايز عربية ما تخسرشي فيها كتير يبقى اليارس

وربنا يسهلك كل أمر

والسلام ختام

الدكتور جبلك الزتونة بتاعة الموضوع
وانا مع السيتى طبعا
انصحك حاول تجرب العربيتين وانت تعرف الفرق بنفسك
ممكن تتعب شوية وتشوف مكتب تأجير سيارات وتطلب كل عربية فى يوم مختلف
ويا سلام لو تمشى بيهم نفس المشوار ونفس الطرق
وجرب وقولنا عملت اية

[tigar_tigar]

الف شكر يا جماعة على ردكم وجااااااااااااااارى التجربة ان شاء الله

[khaleddapino]

مفيش مقارنه :)

[tigar_tigar]

مفيش مقارنه :)

يعنى ؟؟؟

[tigar_tigar]

انا شفت سيتى 2008
1300 سى سى

سعرها 62000
يا ترى السعر مناسب؟؟ ولا اية هيا حالتها حلوة


وشكرا على سرعة ردودكم

[SAMEH_FOUAD]

من حيث الشكل : السيتى تكسب

من حيث قوة المحرك : السيتى فى التسارع والياريس فى السرعة القصوى

من حيث الهدوء والعزل : السيتى

من حيث الخامات والتقفيل : افضل قليلا للسيتى لان التويوتا بردة تقفيلها كويس

من حيث نعومة العفشة : السيتى بجدارة

من حيث الثبات : تعادل للاتنين بس فرق السيتى عنها ب20 كم وتبدأ تحس باحساس الياريس

من حيث استهلاك البنزين : الياريس افضل ب30 كم فرق لان السيتى بتعمل 230 كيلو فى الصفيحة والياريس 250 الى 260

من حيث الرحابة : السيتى اوسع بكتير

من حيث قطع الغيار : الاتنين غاليين بس مش زى السيتى لان فعلا قطع غيارها اغلى

من حيث العمر الافتراضى : الياريس كويسة بس عفشتها وحشة بدب بسرعة , والسيتى كويسة جدا بس خلى بالك من الفتيس

من حيث الدهان : السيتى ماشاء الله علية اقوى من الياريس

اكصدام السيتى بيستحمل عن الياريس

سعر اعادة البيع :لصالح الياريس ودة طبيعة السيتى فى البلد

من حيث مواصفات الامان : السيتى فول اوبشن والياريس فقيرة جدا من الناحية دية

ارتفاع السيارة عن الارض لصالح السيتى حتى مع التحميل

يارب اكون قدرت اوضحلك الفرق

عموما السعر بتاع السيتى ينزل الى 60 الف بس اهم حاجة الحالة ركز فيها كويس وخصوصا الفتيس

[JapRuleZ]

ال toyota yaris صنع اليابان
مفروض تكون المقارنة خلصت لو الناس فاهمة

عل العموم اليارس خطاْ شاءع عنها هو موضزع ال stability ده السبب هو تسارع العربية الغريب فطبيعى عربية ماشية على 200 و عالية عل الارض عفشة نعمة و كاوتش رفيع هى مش مستعده لازم تبقى خفيفة
مع بعض التعديلات ممكن تمشى على 180 - 190 و انت مطمن

و هى بدون نقاش اسرع 1300 فى مصر و كل اللى معاهم يارس بيعددو اى جيتا باسات FSI octavia و ,mazda 3 , subaru شفت يارس طلعت من 316 حتى

تكنولوجيا العربية فارقة جدا عن الcity
اليارس موجودة فى جميع دول اوروبا و امريكا
اما الcity تصنيع thailand و تصدير للدول الفقيرة بتاعت العالم الثالث و نكرة فى الخارج

بالنسبة لراحة الاسرة فى الجلوس القبة فى ارضية المقصورة الخلفية غير موجودة فى اليارس يعطو احساس بالرحابة
اليارس واخدة جوايز كتير و لب EURO NCAP طبعا اعلى فى الامان ..... شى طبيعى
طبعا ال city ملهاش الاختبرات دى لأنها زى مقلتلك غير معروفة اصلا بره
لسه بتقارن يا مفترى

[SAMEH_FOUAD]

ال toyota yaris صنع اليابان
مفروض تكون المقارنة خلصت لو الناس فاهمة

عل العموم اليارس خطاْ شاءع عنها هو موضزع ال stability ده السبب هو تسارع العربية الغريب فطبيعى عربية ماشية على 200 و عالية عل الارض عفشة نعمة و كاوتش رفيع هى مش مستعده لازم تبقى خفيفة
مع بعض التعديلات ممكن تمشى على 180 - 190 و انت مطمن

و هى بدون نقاش اسرع 1300 فى مصر و كل اللى معاهم يارس بيعددو اى جيتا باسات FSI octavia و ,mazda 3 , subaru شفت يارس طلعت من 316 حتى

تكنولوجيا العربية فارقة جدا عن الcity
اليارس موجودة فى جميع دول اوروبا و امريكا
اما الcity تصنيع thailand و تصدير للدول الفقيرة بتاعت العالم الثالث و نكرة فى الخارج

بالنسبة لراحة الاسرة فى الجلوس القبة فى ارضية المقصورة الخلفية غير موجودة فى اليارس يعطو احساس بالرحابة
اليارس واخدة جوايز كتير و لب EURO NCAP طبعا اعلى فى الامان ..... شى طبيعى
طبعا ال city ملهاش الاختبرات دى لأنها زى مقلتلك غير معروفة اصلا بره
لسه بتقارن يا مفترى

اهلا بيك ياباشا

هو مش شرط تكون العربية متصنعة فى بلد غير بلدها عشان تبقى تعبانة ولدول العالم الثالث , وبعدين لو على كلامك كانت بقى الكورولا الجنوب افريقى ماتبعش منها حاجة , واكيد كمان حضرتك عارف ان الجيتا والباسات بقوا مكسيكى , والبى ام والمرسيدس مصرى عادى يعنى طالما الموضوع دة بيتم على يد خبراء هوندا ونفس كفاءة المكن والمكونات اصلية خلاص اية المشكلة

بالنسبة لموضوع الثبات انا شايف انهم متقاربين جدا والافضلية للسيتى بس بفرق قليل

ممكن تجرى ياريس 1300 مع سيتى 1300 وشوف مين اللى هيعدى بس الياريس هتجيب توب سبيد اعلى

معلش حضرتك كدة ممكن تقولى اوبشن الياريس اية , لانك اكيد ماتعرفش اوبشن السيتى

وهاتلى ياباشا الفول اوبشن منها وانا هاقولك على حاجات بسيطة بس من اوبشن السيتى مش موجودة فى الياريس اصلا

على فكرة السيتى موجودة فى كل مكان بالعالم دور هتلاقى ياباشا انت مش بتشترى عربية زيستافا دية هوندا

عشان تقول عليها للعالم الثالث والدول الفقيرة على اساس ان العربية عندنا ب2000 جنية دية ماشاء الله سعرها دلوقتى من الموديل الحالى وصل الى 130 الف جنية يعنى تجيب بيهم الياريس موديل السنة ومعاهم عربية مستعملة حديثة بردة

حضرتك ممكن تركب السيتى وتشوف فرق الراحة والرحابة قد اية مقارنة بالياريس دة كفاية تابلوة الياريس اللى داخل على قدم الراكب الامامى لو طويل شوية ولازم يرجع الكرسى وطبعا اللى وراة هيموت

بالنسبة للامان حضرتك ممكن تشوف الفيديوهات دية واحكم بنفسك

دة طبعا خاص للياريس

YouTube - ‪Toyota Camry vs Toyota Yaris - Crash test compatibilitأ  IIHS, Sicurauto.it‬‏

وعموما السيتى برة بتنزل باسم هوندا fit ario

وبردة واخدة اربعة نجوم فى التقييم

[JapRuleZ]

اهلا بيك ياباشا

هو مش شرط تكون العربية متصنعة فى بلد غير بلدها عشان تبقى تعبانة ولدول العالم الثالث
ال city مش موجودة فى العالم الاول زى مقولتلك قبل كده زى امريكا و اوروبا يعنى لو ماشى فو الشارع هناك فى new york او london و قولتلو honda city هيقوللك what are you saying ؟
i dont know what your talking about
, حتى ال الانترنت كله reviews عن ال city مواقع صينى فلبينى ماليزى تايوانى الزبالة دى
و السبب هو ان مستوى السارة لا يرتقى ان يتم تصديره الى امريكا و اوروبا لأنها عربية ..... جميلة

بعكس اليارس موجودة فى كل العالم و يتم تصنيعها فى اليابان و فرنسا
نضافة يبنى
وصلت يا منسق honda ؟

, وبعدين لو على كلامك كانت بقى الكورولا الجنوب افريقى ماتبعش منها حاجة
تويوتا ايجيبت وقفت استيراد ال south africa لكثرة المشاكل
و كون ان الناس بتشترى مش معناه ان الناس فاهمة و الدليل هو ال topic ده

والبى ام والمرسيدس مصرى عادى يعنى طالما الموضوع دة بيتم على يد خبراء هوندا ونفس كفاءة المكن والمكونات اصلية خلاص اية المشكلة جربت تسوق BMW صنع المانيا ؟ للاسف هناك فرق تايلاند ايه اللى انت جاى تقول عليه ايش جاب لجاب


وهاتلى ياباشا الفول اوبشن منها وانا هاقولك على حاجات بسيطة بس من اوبشن السيتى مش موجودة فى الياريس اصلا
العربيات دى فيها options كتير و cup holder زى الصينى عشان يغريك بالشراء
electric power steering عندك ؟



على فكرة السيتى موجودة فى كل مكان بالعالم دور هتلاقى ياباشا انت مش بتشترى عربية زيستافا دية هوندا
معلش اصل انا كلامى علمى
يظهر انك مقرتش الكلام بقوللك مش موجودة الا فى دول العالم الثالث ,ولا امريكا ولا اوروبا ولا اليابان
ممتعبنيش معاك بقووللك مجهولة بره مصر و الهند و بكستان و تايلاند و الصين و ماليزيا الخ.... الدول دى

دية ماشاء الله سعرها دلوقتى من الموديل الحالى وصل الى 130 الف جنية يعنى تجيب بيهم الياريس موديل السنة ومعاهم عربية مستعملة حديثة بردة سعر الموديل الحالى من اليارس 125الف





YouTube - ‪Toyota Camry vs Toyota Yaris - Crash test compatibilitأ. IIHS, Sicurauto.it‬‏
ال topic ده مقارنة city 2008 , yaris ماشى ؟

وعموما السيتى برة بتنزل باسم هوندا fit ario
Fit Aria و Fit Saloon من الصين و تايلاند


وبردة واخدة اربعة نجوم فى التقييم
تقييم ايه ده ؟
بص عندك فى العالم منظمتين اثنين للامان
اول واحدة فى امريكا IIHS فى امريكا و ال EURONCAP اللى فى EUROPE
اليارس موجودة و محققة نتايج جيدة
اما الcity
زى مقلتلك قبل كده نكرة مجهولة فى العالم المتحضر
مش موجودة اساسا على خريطة الامان ,ولا ال safety

[FrozenFire]

ال toyota yaris صنع اليابان
مفروض تكون المقارنة خلصت لو الناس فاهمة

عل العموم اليارس خطاْ شاءع عنها هو موضزع ال stability ده السبب هو تسارع العربية الغريب فطبيعى عربية ماشية على 200 و عالية عل الارض عفشة نعمة و كاوتش رفيع هى مش مستعده لازم تبقى خفيفة
مع بعض التعديلات ممكن تمشى على 180 - 190 و انت مطمن

خطأ شائع؟؟؟؟؟!!!!!!!!!!!!
هو حضرتك سقت الياريس قبل كده، ولا ركبت مع حد سايقها؟ مع إحترامي الكامل لحضرتك، حضرتك غلطان.
الياريس أسوأ عربية أنا ركبتها من ناحية الثبات على الطريق، أسوأ كتير من الفيرنا نفسها.
أول تجربة ليا مع الياريس كانت سنة 2009 وكانت 1500 أوتوماتيك. سقتها لظروف معينة من ميدان لبنان للساحل الشمالي رايح جاي في نفس اليوم. وكانت صدمتي الكبيرة إن العربية ما فيهاش أي ثبات بعد ال120. وحرفيا بترقص على الطريق لما بتيجي حتة عالية أو واطية وإنت بعد ال100. ده بالنسبة للثبات.
أما بالنسبة للعفشة العالية، فإحنا كنا 4 في العربية ودخلت على مطب مش عالي قوي وعرضت وكانت المفاجأة إن العربية حكت. إحنا بنبقى 5 في السيتي وما بعرضش ومابحكش في أي مطب.

و هى بدون نقاش اسرع 1300 فى مصر و كل اللى معاهم يارس بيعددو اى جيتا باسات fsi octavia و ,mazda 3 , subaru شفت يارس طلعت من 316 حتى

دي حقيقة فعلا. أخدت عربية صاحبي الياريس 1300 مانيوال لمدة شهر وكانت بصراحة أحسن تسارع شفته من موتور 1300. لأن هو ده الموتور بتاع الكرولا القديمة وزودوا عليه تكنولوجيا وركبوه على بودي أخف فكانت النتيجة رائعة.

تكنولوجيا العربية فارقة جدا عن الcity

فارقة في إيه بالظبط؟ مافيش أي تكنولوجيا زيادة حسيت بيها في الياريس. دا كفاية بس فارق تكنولوجيا الفيتيس بتاع السيتي عن الياريس.

اليارس موجودة فى جميع دول اوروبا و امريكا
اما الcity تصنيع thailand و تصدير للدول الفقيرة بتاعت العالم الثالث و نكرة فى الخارج

أستاذ سامح رد عليك في النقطة دي

بالنسبة لراحة الاسرة فى الجلوس القبة فى ارضية المقصورة الخلفية غير موجودة فى اليارس يعطو احساس بالرحابة

لأ، حضرتك فعلا شكلك كده ما ركبتش الياريس. أو إن حضرتك ما شوفتش إحنا بنتكلم عن إيه في السيتي. لا مجال للمقارنة بين رحابة السيتي والياريس. السيتي أرحب كتييييير من الياريس


اليارس واخدة جوايز كتير و لب euro ncap طبعا اعلى فى الامان ..... شى طبيعى
طبعا ال city ملهاش الاختبرات دى لأنها زى مقلتلك غير معروفة اصلا بره

طب خد دي

youtube - ‪honda city 2009 ancap crash test (4 stars)‬‏

ولا حضرتك ما بتعترفشي بالancap???

لسه بتقارن يا مفترى

إسمح لي أنا اللي أسأل حضرتك؟ إنت لسه بتقارن ياسيدي الفاضل؟؟؟؟

[FrozenFire]

وبعدين حضرتك بتقول مقارنتك على أساس علمي......

هو فين الأساس ده، وحضرتكك واضح تماما إنك ما ركبتش السيتي ولا مرة واحدة.

أنا بتكلم وأنا متأكد أنا بقول إيه لأني ركبت الياريس لفترة مش قليلة وعلى كافة أنواع الطرق، والحمد لله أنا من ملاك السيتي الشكل الجديد منذ 7 شهور. وكل يوم بيزداد حبي للعربية دي.

والسلام ختام

[SAMEH_FOUAD]

وبعدين حضرتك بتقول مقارنتك على أساس علمي......

هو فين الأساس ده، وحضرتكك واضح تماما إنك ما ركبتش السيتي ولا مرة واحدة.

أنا بتكلم وأنا متأكد أنا بقول إيه لأني ركبت الياريس لفترة مش قليلة وعلى كافة أنواع الطرق، والحمد لله أنا من ملاك السيتي الشكل الجديد منذ 7 شهور. وكل يوم بيزداد حبي للعربية دي.

والسلام ختام

مساء الفل ياباشا يارب تكون بخير

والله انا كان نفسى ارد علية بس لقيتة متعصب جدا ومصصم على اللى فى دماغة ومش عايز يغير المعلومات

انت عارف انا ركبت الياريس لفترة طويلة مش عايز اقول حاجة عشان ملاكها اكيد انت فهمتنى يعنى , ربنا يبارك لاصحابها فيها

واللى يقول يقول احنا عارفين يعنى اية هونداااااااااااااااااااااااااااااااااااااااااااااا ا

واللى شايف عربيتة جامدة لو دخل القسم دة هيعرف انها على قدها

[FrozenFire]

مساء الفل ياباشا يارب تكون بخير

والله انا كان نفسى ارد علية بس لقيتة متعصب جدا ومصصم على اللى فى دماغة ومش عايز يغير المعلومات

انت عارف انا ركبت الياريس لفترة طويلة مش عايز اقول حاجة عشان ملاكها اكيد انت فهمتنى يعنى , ربنا يبارك لاصحابها فيها

واللى يقول يقول احنا عارفين يعنى اية هونداااااااااااااااااااااااااااااااااااااااااااااا ا

واللى شايف عربيتة جامدة لو دخل القسم دة هيعرف انها على قدها

صباح الفل والجمال ياسامح باشا ياكبير الهونداوية يامسيطنا في كل حتة

هو متعصب ومصمم على رأيه فعلا، ولكن أنا بطلب منه إنه يركب السيتي ولو مرة واحدة بس وياريت لو يسوقها مشوار صغير عشان يعرف يقارن صح.

ودي مشكلة إن حد يتكلم من غير ما يعرف كل الآراء المحيطة بالموضوع، أنا بخاف أقول كلمة واحدة زيادة أو مبالغة في أي تفصيل في المقارنات، خوفا من إني أكون السبب في تضليل حد عايز يشتري عربية.

وعلى رأي المثل:
تعرف فلان؟
آه أعرفه.
طب عاشرته؟
لا.
يبقى ما تعرفوش.

والسلام ختام