عضو جديد في عصابة الهوندا من مكه (سامحني يا رب) (:

[Sherifmt]

أخواني ياريت تقبلو انضمامي معاكم في العصابة الجامدة دي أحب اعرفكم بنفسي انا أسمي شريف مهندس مصري عايش حاليا في مكه من شهرين وربنا كرمني واشتريت سيارة هوندا سيفيك 2005 مكيفة نص فل جير عادي ماشية 180 الف ومحتاجة شوية شغل واخوكو مزنوق ومحتاج نصاااائح علشان عربيتي في مصر كانت دوجان (بعتها قبل ما أسافر) واول مرة أركب ياباني فلو سمحتو انا هاكتب عن اللي في العربية وياريت تفيدوني بخبراتكم علشان حاجز ميعاد في التوكيل بعد بكرة ومتأكد انهم هيظبطوني في مبلغ محترم فممكن نصايحكم تساعدني انا أقلل المطلوب عملة وبالتالي المبلغ اللي هتظبط فية (:

-عداد البنزين لما بفول العربية مش بيعدي نص الامبير بيقف علي النص ولما بمشي بيها بينقص عادي وبعد 220 -2250 كيلو بس اللمبة بتاعته بتنور مع ان التانك 50 لتر ؟؟؟

-الأكزوزست (في الدوجان اسمة الفرن) اللي هو بداية الشكمان من الموتور فية شرخ علي الوش مش في الجنب وبيعمل صوت مع الجري مع العلم السيارة مش بتسخن فهل ممكن يتلحم ولا أغيرة أحسن وهل تمنه غالي ؟؟؟

-العربية بتكون تقيله شويه في الطلعة لما بتكون سخنة لكن وهي باردة بتطلع كويس وبنعومة وعلي السرعة العالية الموتور بيعلي لكن السرعة مش بتزيد وانا شاكك في الدسك والاسطوانة فهل ممكن أعرف متوسط الاسعار لو هغيرهم

-في تعريق زيت بسيط عند وش الموتور من الجنب ناحية علبة الفيوزات كان مجمع زيت قبل ما أغسل الموتور ولسة بيعرق فهل ده ممكن يكون تربيط ولا اولسيه ولا أيه ؟؟؟؟

-طبعا السيور انا مش عارف تاريخها أيه فكدا كدة لازم هغيرها كلها هي والفلاتر.لكن هل في فلاتر ممكن اغيرها بنفسي هوا او بنزين او تكييف

-الكشافات الامامية شكلها نضيف لكن أضائه ضعيفه هل في تصريفه ليها غير الزينون ؟؟

-فرامل اليد ضعيفة فهل ليها رجلاش زي الدوجان ؟؟

- اي حاجة تانية زيادة من عندكم يا اهلا بيها

انا بشكركم جدا مقدما وتحيا جمهورية مصر العربية

[SAMEH_FOUAD]

اولا اهلا بيك ياباشا ومرحبا بك فى قسم الهوندا وان شاء الله تلاقى كل اللى انت محتاجة وانا دلوقتى هرد عليك على كل سؤال حسب ترتيبة :

1- العيب الاول من عوامة البنزين بتتغير

2- الهيدر عندك افضل تجيبة استعمال لانة جديد هيبقى غالى جدا , وبالنسبة لانة يتلحم فصعب يتلحم وبلاش احسن

3- هو لحد دلوقتى العيب من الاسطوانة , طيب هات الرابع وارفع فرامل اليد على الاخر وابدأ اتحرك كأنك هتمشى بالعربية وشوف العربية هتبددى تبطل او ترعش ومشوار بدال الدبرياج وصل لحد فين لو لقيتها بطلت بعد كتير يبقى العيب من الاسطوانة لكن لو لاقيتها بطلت وانت بترفع رجلك بمسافة قليلة يبقى كدة العيب فى طلمبة البنزين غالبا

4- طالما عند وش الماتور من فوق يبقى كدة جوان وش التاكيهات + اربع اولسيهات بوجيهات يعنى تجيب الطقم كامل , لو مش عايز تغيرة هات سيليكون ومشية علية واقفل هتلاقى التسريب راح بس ابقى نظف السطحين كويس ( وش السلندر + غطاء التاكيهات )

5- طبعا لازم تغير السيور كلها ( كاتينة + باور + تكييف + دينامو ) اهم حاجة الكاتنية يبقى اصلى والباقى يابانى مش مشكلة

6- هتلاقى اللمض الاصلية اللى عندك 55 وات غيرها وهات لمض اقوى منها لائما تشوف فية عندك cut-out للنور ولا لأ عشان ممكن مايكونش راكبلها فمخليها ضعيفة

7- انت عشان عندك السيارة طنابير خلفية فلازم يتعملها رجلاش كل فترة ولما بتتظبط بتظبط معاك فرامل كويس , وعندك رجلاش فرامل اليد من عند الكنسول الاوسط فى السيارة هيطلع وتظبط رجلاش فرامل اليد

8- الاضافات بقى :

1- غير الزيت المناسب لجالة المحرك
2- غير البوجيهات
3- راجع على مياة الردياتير والقربة
4- قيس قوة الدينامو والبطارية
5- راجع ضغط الهواء فى الكاوتش واكشف على حالتة

6- ربط العفشة كلها وشوف محتاجة اية

7- اكشف على منسوب زيت الفتيس

وان شاء الله خير والف مبروك مقدما

[Sherifmt]

ربنا يكرمك الف شكر علي زوقك وسرعة ردك... كتر الله خيرك (:

[FrozenFire]

اولا اهلا بيك ياباشا ومرحبا بك فى قسم الهوندا وان شاء الله تلاقى كل اللى انت محتاجة وانا دلوقتى هرد عليك على كل سؤال حسب ترتيبة :

1- العيب الاول من عوامة البنزين بتتغير

2- الهيدر عندك افضل تجيبة استعمال لانة جديد هيبقى غالى جدا , وبالنسبة لانة يتلحم فصعب يتلحم وبلاش احسن

3- هو لحد دلوقتى العيب من الاسطوانة , طيب هات الرابع وارفع فرامل اليد على الاخر وابدأ اتحرك كأنك هتمشى بالعربية وشوف العربية هتبددى تبطل او ترعش ومشوار بدال الدبرياج وصل لحد فين لو لقيتها بطلت بعد كتير يبقى العيب من الاسطوانة لكن لو لاقيتها بطلت وانت بترفع رجلك بمسافة قليلة يبقى كدة العيب فى طلمبة البنزين غالبا

4- طالما عند وش الماتور من فوق يبقى كدة جوان وش التاكيهات + اربع اولسيهات بوجيهات يعنى تجيب الطقم كامل , لو مش عايز تغيرة هات سيليكون ومشية علية واقفل هتلاقى التسريب راح بس ابقى نظف السطحين كويس ( وش السلندر + غطاء التاكيهات )

5- طبعا لازم تغير السيور كلها ( كاتينة + باور + تكييف + دينامو ) اهم حاجة الكاتنية يبقى اصلى والباقى يابانى مش مشكلة

6- هتلاقى اللمض الاصلية اللى عندك 55 وات غيرها وهات لمض اقوى منها لائما تشوف فية عندك cut-out للنور ولا لأ عشان ممكن مايكونش راكبلها فمخليها ضعيفة

7- انت عشان عندك السيارة طنابير خلفية فلازم يتعملها رجلاش كل فترة ولما بتتظبط بتظبط معاك فرامل كويس , وعندك رجلاش فرامل اليد من عند الكنسول الاوسط فى السيارة هيطلع وتظبط رجلاش فرامل اليد

8- الاضافات بقى :

1- غير الزيت المناسب لجالة المحرك
2- غير البوجيهات
3- راجع على مياة الردياتير والقربة
4- قيس قوة الدينامو والبطارية
5- راجع ضغط الهواء فى الكاوتش واكشف على حالتة

6- ربط العفشة كلها وشوف محتاجة اية

7- اكشف على منسوب زيت الفتيس

وان شاء الله خير والف مبروك مقدما

بسم الله ماشاء الله، عيني عليك باردة. أسطووووووووووووووورة وموسوعة

[Kareem.ElAraby]

ما شاء الله عليك يا سمسم
ربنا يحفظك و يخليك للهونداويه
انا عاوز أجيب هوندا عشان اتعامل معاك ( الغايه لما أحيب ال s200 و أشد معاك

[tarekomar66]

اهلا وسهلا بيك فى العصابه
واعتقد ان سمسم جاوب على كل اسألتك كما هى عادته "" ربنا مايقطع ليه عاده ""

وليا طلب بما انك فى مكه المكرمه ان تدعى لكل المصريين بالهدايه والعمل الجاد
وتدعى كمان للعصابه الهونداويه ان ربنا يوفقنا اننا نقدر نعمل مقابله

[egyptiandiver]

ما شاء الله

[tarekzein]

اهلا وسهلا بيك فى العصابه
واعتقد ان سمسم جاوب على كل اسألتك كما هى عادته "" :b4_388:ربنا مايقطع ليه عاده:b4_388: ""

وليا طلب بما انك فى مكه المكرمه ان تدعى لكل المصريين بالهدايه والعمل الجاد
وتدعى كمان للعصابه الهونداويه ان ربنا يوفقنا اننا نقدر نعمل مقابله

هههههههههههههههههههه

كارثه أنت ياروقه

واحشنى والله

[Sherifmt]

شكرا يا رجاله علي الحفاوه والدعوات من قلبي في الحرم ربنا يهدينا ويراضينا ويولي من يصلح لينا (:

[FrozenFire]

أهلا وسهلا بيك معانا في العصابة ياباشمهندس

وإن شاء الله تستفاد هنا كتير قوي

[wael ahmed]

اهلا بيك يا بشمهندس
منور قسم الهوندا :)

[Sherifmt]

شكرا يارجالة بس كنت عايز أعرف هو سير الكاتينة عادي ولا جنزير حديد ولو حديد بيتغيركل كام الف كيلو

[SAMEH_FOUAD]

سير الكاتينة عادى وبيتغير حسب النوع

لو اصلى 80000 الف

لو يابانى كل 40000

[Sherifmt]

الف شكر يا سمسم يا جامد انا غيرت سير الكاتينة والشداد و فعلا المشكلة طلعت من طرمبة النزين لكن للأسف مش لاقيها والتوكيل قالولي تمنها كاملة بالفلتر بالعوامة ب 2400 ريال ومش موجودة هيطلبوهالي من اليابان في خلال 3 اسابيع والهيدر مش موجود حتي أستعمال ولسة عامل موضوع طالب فية مشورة الزملاء عن اسعار القطع دي في مصر.

ومحتاج مشورتك انا أشتريت هيدر رياضي جديد زيرو شكلة مختلف عن اللي راكب فيها من غير كاتم الصوت ومفيش فية مكان اركب حساس الشكمان فيه واللي اشتريتو منة قالي اني ممكن افتح في اي مكان في الهيدر و اركب الحساس هل ينفع او هل لو لغيت الحساس فيها مشكلة ولا الأحسن ادور علي الهيدر الأصلي وشكرا مرة تاني علي مجهوداتكم

[SAMEH_FOUAD]

الف شكر يا سمسم يا جامد انا غيرت سير الكاتينة والشداد و فعلا المشكلة طلعت من طرمبة النزين لكن للأسف مش لاقيها والتوكيل قالولي تمنها كاملة بالفلتر بالعوامة ب 2400 ريال ومش موجودة هيطلبوهالي من اليابان في خلال 3 اسابيع والهيدر مش موجود حتي أستعمال ولسة عامل موضوع طالب فية مشورة الزملاء عن اسعار القطع دي في مصر.

ومحتاج مشورتك انا أشتريت هيدر رياضي جديد زيرو شكلة مختلف عن اللي راكب فيها من غير كاتم الصوت ومفيش فية مكان اركب حساس الشكمان فيه واللي اشتريتو منة قالي اني ممكن افتح في اي مكان في الهيدر و اركب الحساس هل ينفع او هل لو لغيت الحساس فيها مشكلة ولا الأحسن ادور علي الهيدر الأصلي وشكرا مرة تاني علي مجهوداتكم

ياباشا ربنا يخليك

دلوقتى حساس الشكمان دة ضرورى جدا ولازم يتركب لان من غيرة هتلاقى المكنة تقيلة جدا فى السحب , واستهلاك البنزين بتاعها عالى , وهتلاقى دخان اسود من الشكمان , لمبة الاعطال هتلاقيها منورة

فانا انصحك انك تجيب الهيدر الاصلى وبلاش الاسبورت دة لانة بيعلى صوت المكنة + انة مافيهوش مكان لحساس الشكمان