تقيم السيتي 2010 بعد تجربة قيادة على طريق العين السخنة.....

[FrozenFire]

اولا شكرا على المهود الرائع ....ثانيا بمناسبة ظبط الكاوتش ...انا ربنا وفقنى و جبت سيتى 2011 و كنت عايز اسال على الضغط المظبوظ للعجل علشان فى التوكيل قالوا لى اظبط كله على 28 و بعدين لقيت مكتوب على الابواب 32 الخلفى و 30 الامامى ...حضرتك عملت ايه؟؟

أولا مبروك عليك العربية وربنا يديك خيرها ويكفيك شرها.

هما في التوكيل قالوا لي 28 أو 30 بس أنا ظبطه على 30، والعربية تمام. هما قالوا لك 28 عشان الحر.

ومن كام يوم روحت غيرت الهوا اللي في الكاوتشات بنيتروجين، فرق مع العربية فعلا. وحتحس بيه لما تغيره.

في كام نصيحة عايز أقول لك عليهم:

أولا لازم تركب كسوة أو فرش جلد للعربية عشان لون الفرش بتاعها فاتح وبيتوسخ بسرعة قوي. وعقبال ما تركب الجلد إوعى تشيل البلاستك اللي مغطي الكراسي.

العربية الحمد لله ما بتوطاش على الأرض لما حد بيركب وار ولكن خلي بالك إن أوطى جزء في العربية هو الشكمان من ناحية اليمين، فلو داخل على مطب عالي ومعاك ناس كتير في العربية حاول تخلي الجزي اليمين اللي في النص برة المطب خالص. عشان هو اللي بيحك.

ما تعملشي صيانة غير في التوكيل لأنها عربية نادرة جدا وقليل اللي بيفهموا فيها

والسلام ختام

[ahmedsamir5edr]

شكرا لك علي التقرير الجميل

[kar!m]

حمدا لله على سلامتك يا دكتور .. و تسلم ايدك على التقرير الجميل.

و العربية دى فعلا من العربيات الكويسة بس للأسف مش واخده حقها عشان فقيرة شوية فى الكماليات بالنسبة للسيراتو و الالنترا .. و احنا شعب بنفضل البصمة و حساسات المطر اللى عمرنا ما هنستخدمهم عن اليه بى اس و الاير باجز.

العربية فعلا محترمة و شيك و مميزة و كفاية قفلة الباب بتاعها و قعدتها و سحبها .. اللهم بارك لك فيها و لكل ملاكها.

و بتجيب ال 200 بسهولة.

[shero379]

أولا مبروك عليك العربية وربنا يديك خيرها ويكفيك شرها.

هما في التوكيل قالوا لي 28 أو 30 بس أنا ظبطه على 30، والعربية تمام. هما قالوا لك 28 عشان الحر.

ومن كام يوم روحت غيرت الهوا اللي في الكاوتشات بنيتروجين، فرق مع العربية فعلا. وحتحس بيه لما تغيره.

في كام نصيحة عايز أقول لك عليهم:

أولا لازم تركب كسوة أو فرش جلد للعربية عشان لون الفرش بتاعها فاتح وبيتوسخ بسرعة قوي. وعقبال ما تركب الجلد إوعى تشيل البلاستك اللي مغطي الكراسي.

العربية الحمد لله ما بتوطاش على الأرض لما حد بيركب وار ولكن خلي بالك إن أوطى جزء في العربية هو الشكمان من ناحية اليمين، فلو داخل على مطب عالي ومعاك ناس كتير في العربية حاول تخلي الجزي اليمين اللي في النص برة المطب خالص. عشان هو اللي بيحك.

ما تعملشي صيانة غير في التوكيل لأنها عربية نادرة جدا وقليل اللي بيفهموا فيها

والسلام ختام

اولا شكرا جدا لذوق حضرتك و الواحد فعلا استفاد جدا من المنتدى
انا فعلا لاحظت موضوع الفرش ده و رحت ركبت فرش عند جينز كار ...هو التفصيل غالي شوية بس شغلهم يستاهل هم بس معوفوش يعملوا غطاء لمسند اليد الامامى بين الكرسيين لانه للاسف متركب كبس مش بمسامير
ثانيا انا كان عندى سؤالين لو مفيهاش ازعاج :
اولا ايه موضوع النيتروجين ده ؟؟يعنى ده حاجة اسهل فى السواقة وللا مفيد للعفشة ؟؟و بالمناسبة العربية اللى معانا مواصفات خليجية مكتوب كدة على الباب ...بقى معقول يبقى المصنع عارف ان عندنا الجو حر و ينسى و هو بيكتب ضغط الاطارات ؟؟:) طبعا انت عارف ان الموضوع ده مهم علشان استهلاك البنزين و المحافظة على الاطارات
ثانيا فى التوكيل قلولى متبصش على اى حاجة فى العربية غير مية المساحات لحد متجلنا و احنا بنظبط كل حاجة بس الموضوع ده قالقنى يمكن لانى اول مرة اركب زيرو ...فهل فعلا ده عادى و مبصش على اى حاجة لحد الصيانة عادى ؟؟
و اسف مرة تانية على الازعاج

[FrozenFire]

شكرا لك علي التقرير الجميل

الشكر لله، نورت قسم الهوندا

حمدا لله على سلامتك يا دكتور .. و تسلم ايدك على التقرير الجميل.

و العربية دى فعلا من العربيات الكويسة بس للأسف مش واخده حقها عشان فقيرة شوية فى الكماليات بالنسبة للسيراتو و الالنترا .. و احنا شعب بنفضل البصمة و حساسات المطر اللى عمرنا ما هنستخدمهم عن اليه بى اس و الاير باجز.

العربية فعلا محترمة و شيك و مميزة و كفاية قفلة الباب بتاعها و قعدتها و سحبها .. اللهم بارك لك فيها و لكل ملاكها.

و بتجيب ال 200 بسهولة.

الله يبارك فيك، فعلا بتجيب ال200 بسهولة، أنا لسه ما جبتش ال 200 ولكن 160 على عدد لفات محرك 3500 من أصل 6500 معناها إنها تجيب ال200 مرتاحة.

[FrozenFire]

اولا شكرا جدا لذوق حضرتك و الواحد فعلا استفاد جدا من المنتدى
انا فعلا لاحظت موضوع الفرش ده و رحت ركبت فرش عند جينز كار ...هو التفصيل غالي شوية بس شغلهم يستاهل هم بس معوفوش يعملوا غطاء لمسند اليد الامامى بين الكرسيين لانه للاسف متركب كبس مش بمسامير
ثانيا انا كان عندى سؤالين لو مفيهاش ازعاج :
اولا ايه موضوع النيتروجين ده ؟؟يعنى ده حاجة اسهل فى السواقة وللا مفيد للعفشة ؟؟و بالمناسبة العربية اللى معانا مواصفات خليجية مكتوب كدة على الباب ...بقى معقول يبقى المصنع عارف ان عندنا الجو حر و ينسى و هو بيكتب ضغط الاطارات ؟؟:) طبعا انت عارف ان الموضوع ده مهم علشان استهلاك البنزين و المحافظة على الاطارات
ثانيا فى التوكيل قلولى متبصش على اى حاجة فى العربية غير مية المساحات لحد متجلنا و احنا بنظبط كل حاجة بس الموضوع ده قالقنى يمكن لانى اول مرة اركب زيرو ...فهل فعلا ده عادى و مبصش على اى حاجة لحد الصيانة عادى ؟؟
و اسف مرة تانية على الازعاج

ما تشغلشي بالك قوي بموضوع الضغط ده، خليك على 30 حلو، أما بالنسبة للنيتروجين فهو حيفرق في نعومة العربية وفي الثبات، دا غير إنه بيحافظ على الكاوتش ويخليه يكمل ال 50 ألف كيلوا من غير ما يبوظ، وغير كده ما بينقصشي زي الهوا العادي، يعني مرة كل شهر كده أو أتنين تشيك عليهم مش كل أسبوع

أما بالنسبة للصيانة فكل اللي عليك فقط إنك تحجز ميعاد في التوكيل وتروح في الميعاد، وهما بيقوموا بكل حاجة. ودي ميزة الزيرو، أنا لسه عامل ال 5000 النهاردة ودي كانت تاني مرة بعد صيانة الألف. ولا بفكر في أي حاجة في العربية مطلقا ‘إلا الكاوتشات والغسيل.

[abd_el_7amid]

مليت نيتروجين منيين وبكام؟؟؟ عشان انا عايز اعمل الموضوع دا

[Mzeid]

ربنا يباركلك في العربية و في بنتك يا دكتور و يحفظهم لك :)

[Mdesouky]

حمدا لله على سلامتك يا دكتور .. و تسلم ايدك على التقرير الجميل.

و العربية دى فعلا من العربيات الكويسة بس للأسف مش واخده حقها عشان فقيرة شوية فى الكماليات بالنسبة للسيراتو و الالنترا .. و احنا شعب بنفضل البصمة و حساسات المطر اللى عمرنا ما هنستخدمهم عن اليه بى اس و الاير باجز.

العربية فعلا محترمة و شيك و مميزة و كفاية قفلة الباب بتاعها و قعدتها و سحبها .. اللهم بارك لك فيها و لكل ملاكها.

و بتجيب ال 200 بسهولة.

اسمحلى اقوللك مستحيل تجيب بيها 200 مش عشان اى حاجة بس فى استحالة عملية العربية "electronically limited" على 190!

[Mdesouky]

أنا شخصيا بحب العربية دى جدأ بس الثبات مش جامد قوى كده يعنى و لا يمكن عشان انا عمرى ما بسوق فى خط مستقيم :)
بالاضافة لان كمان ال "body roll" فيها عالى قوى لو بتاخد غرز كتير بين حارتين بس هاتحس بيها قوى و هى فعلا عفشتها مؤلمة قوى على الحصى و الحاجات دى بس عربية عبقرية . اول حاجة صحابى لاحظوها معايا اننا باخد الملفات جوه القاهرة فى مدينة نصر على 30و40 و عادى .
بس اننا للاسف معايا الموديل اللى مش متجنط مش متخيل العربية دى مع 150 ك اتقل و جنوط اعرض ممكن تعمل بيها ايه على الطريق ؟؟؟؟!

[Mdesouky]

جربت تجيب ال d3 و تحرق عليه لغاية 7 rpm ???!! :) جرب و قوللى :)

[FrozenFire]

ربنا يباركلك في العربية و في بنتك يا دكتور و يحفظهم لك :)

الله يبارك فيك، وشكرا لزوقك ونورت قسم الهوندا

اسمحلى اقوللك مستحيل تجيب بيها 200 مش عشان اى حاجة بس فى استحالة عملية العربية "electronically limited" على 190!

تصدق إني أول مرة أعرف إنها محددة إلكترونيا.........

أنا شخصيا بحب العربية دى جدأ بس الثبات مش جامد قوى كده يعنى و لا يمكن عشان انا عمرى ما بسوق فى خط مستقيم :)
بالاضافة لان كمان ال "body roll" فيها عالى قوى لو بتاخد غرز كتير بين حارتين بس هاتحس بيها قوى و هى فعلا عفشتها مؤلمة قوى على الحصى و الحاجات دى بس عربية عبقرية . اول حاجة صحابى لاحظوها معايا اننا باخد الملفات جوه القاهرة فى مدينة نصر على 30و40 و عادى .
بس اننا للاسف معايا الموديل اللى مش متجنط مش متخيل العربية دى مع 150 ك اتقل و جنوط اعرض ممكن تعمل بيها ايه على الطريق ؟؟؟؟!

هاهاهاهاهاها يمكن فعلا عشان ما بتمشيش في خط مستقيم، وبعدين البودي رول بصراحة لسه ما أخدتش بالي منه، وبالنسبة للملفات فهي فعلا جميلة فيها.

جربت تجيب ال d3 و تحرق عليه لغاية 7 rpm ???!! :) جرب و قوللى :)

نجرب ونشوف كده الأخبار إيه؟؟؟؟؟؟؟؟؟

[tarekzein]

هوه نهايه الرد زون عندك كام يادكتور

[FrozenFire]

مليت نيتروجين منيين وبكام؟؟؟ عشان انا عايز اعمل الموضوع دا

أنا عملته هنا في المنوفية، ولكن من كام شهر كده شوفت بنزينة في القاهرة بتعمله. على طريق الأوتوستراد وإنت جاي من المعادي في إتجاه مدينة نصر قبل جامعة الأزهر ونادي السكة حتلاقي بنزينة على إيدك اليمين تحت كوبري 6 أكتوبر. أنا عملته ب20 جنيه للأربع كاوتشات عشان الراجل معرفة. بس هو الرنج بتاعه 25 أو 30.

ونصيحة إعمله حتحسه فرق مع العربية خصوصا في المناطق الخشنة من الطريق.

[FrozenFire]

هوه نهايه الرد زون عندك كام يادكتور

الرد زون بتبدأ من 6750 بالظبط