الميه بتنقص لما أشغل التكييف

[tsaid]

السلام عليكم يا عصابة
أنا عندي مشكلة ان المية في العربية بتنقص جامد لما أشغل التكييف فترة طويلة و بلاقي غطاء القربة مش مربوط كويس مع اني ببقي رابطة كويس
و هيه أصلا بتنقص حبة صغيرين من القربة لو مشيت مشوار طويل من غير تكييف أو لو قرصت علي العربية
يا تري ديه مشكلة قربة الميه وللا ايه؟؟


عندي سؤال كمان هوه المفروض ان غطاء الرادياتير بيسمح للمية تروح للقربة علشان يخفف الضغط و لما العربية تبرد الميه بترجع تاني للرادياتير, طب الكمية اللي مفروض تروح للقربة بتيقي اد ايه؟؟ أصلي بلاقي القربة مليانة علي أخرها لما العربية تكون سخنة هل ده الطبيعي؟؟

[M_Nabil]

ممكن يكون عندك تسريب مياة بالتالى لازم تكشف كويس على دورة التبريد أو يكون في مشكلة في غطاء القربة أو غطاء الريداتير

العربية بتسخن معاك ولا الحرارة طبيعية؟

[lord_of_egypt22]

هات غطا ريداتير جديد اصلي بالكاوتشه بتاعته

[SAMEH_FOUAD]

السلام عليكم يا عصابة
أنا عندي مشكلة ان المية في العربية بتنقص جامد لما أشغل التكييف فترة طويلة و بلاقي غطاء القربة مش مربوط كويس مع اني ببقي رابطة كويس
و هيه أصلا بتنقص حبة صغيرين من القربة لو مشيت مشوار طويل من غير تكييف أو لو قرصت علي العربية
يا تري ديه مشكلة قربة الميه وللا ايه؟؟


عندي سؤال كمان هوه المفروض ان غطاء الرادياتير بيسمح للمية تروح للقربة علشان يخفف الضغط و لما العربية تبرد الميه بترجع تاني للرادياتير, طب الكمية اللي مفروض تروح للقربة بتيقي اد ايه؟؟ أصلي بلاقي القربة مليانة علي أخرها لما العربية تكون سخنة هل ده الطبيعي؟؟

زى ماقالك كدة محمد نبيل باشا دة عيب غطاء الردياتير لان مع التكييف الحمل والضغط بيزيد على المكنة والغطاء عندك البلف بتاعة وحش عشان كدة دايما بتلاقى غطاء القربة مهوى لان الضغط فيها بيزيد عن الطبيعى فبتلاقى المياة بتهرب من غطاء القربة وعموما بردة فية عندك عيب فى غطاء القربة انة خفيف فحاول تعملة تخشينة او تغيرها خالص


بالنسبة لاجابة السؤال التانى

غطاء الردياتير وظيفتة انة مع ارتفاع درجة غليان الماء فى الردياتير الضغط بيزيد معاها فعشان مايسببش انفجار مع زيادة الضغط عن المعدل الطبيعى تيجى بقى هنا وظيفة الغطاء فبيقوم البلف بتاعة فاتح بواسطة الضغط الموجود داخل الردياتير وبيسمح بمرور المياة والهواء داخل القربة ليتم التخلص من الضغط العالى عن طريق انخفاض درجة حرارتها ثم ارجاعها مرة اخرى الى الردياتير عندما يبدأ الضغط فى الانخفاض وايضا يتم انخفاض درجة حرارتها

[Hamdy Masria]

نفس العيب ده كان عندى ... وعلى فكرة موديل عربيتى نفس موديل عربيتك تقريبا
مع احترامى لكل الكلام اللى اتقال والتشخيص ... طبعا كل الكلام سليم ولازم تراجع على الغطاء والردياتير وتتأكد انة سليم
الحاجة بقى اللى مش هتتخيلها لأنها جننتى وقعدت فترة كبيرة لغاية ما عرفت سبب العيب
هتلاقى كهربة العربية بتاعتك مش مظبوطة
عربيتى كانت بتعمل نفس المشكلة وبعد عناء اكتشفت ان المكنة مأخرة كهرباء بس من الكتينة .. يعنى الصنايعى اللى ركب الكتينة مكنش مقسم صح وكانت نطة منة سنة وكمان كان فيها تاكيهات الحريق مقفولين
روح لميكانيى كويس وخلية يشوفلك التقسيمه عندك مظبوطة ولا لأ
وياريت لو تخلية يظبطهالك على زنب الفبريكة ... وجرب وهتلاقى العربية بقت حاجة تانية خالص
مش هتسخن مع التكييف وهتلاقى سحبها وتجميعها بقى احسن بكتير وهتلاحظ ان العربية مش مستحملة دوسة البنزين بتاعتك
جرب وبلغنا عملت اية

[tsaid]

الحرارة طبيعية الحمد لله
أنا هغير غطاء الرادياتير و القربة إن شاء الله
و برضة هكشف علي كهربة العربية زي ماقال hamdymsr لأني كمان فعلا حاسس إن العربية سحبها وحش أوي
ألف شكر يا رجالة أنا هعمل الحاجات ديه و هقولوكو الأخبار إن شاء الله

[tsaid]

زى ماقالك كدة محمد نبيل باشا دة عيب غطاء الردياتير لان مع التكييف الحمل والضغط بيزيد على المكنة والغطاء عندك البلف بتاعة وحش عشان كدة دايما بتلاقى غطاء القربة مهوى لان الضغط فيها بيزيد عن الطبيعى فبتلاقى المياة بتهرب من غطاء القربة وعموما بردة فية عندك عيب فى غطاء القربة انة خفيف فحاول تعملة تخشينة او تغيرها خالص


بالنسبة لاجابة السؤال التانى

غطاء الردياتير وظيفتة انة مع ارتفاع درجة غليان الماء فى الردياتير الضغط بيزيد معاها فعشان مايسببش انفجار مع زيادة الضغط عن المعدل الطبيعى تيجى بقى هنا وظيفة الغطاء فبيقوم البلف بتاعة فاتح بواسطة الضغط الموجود داخل الردياتير وبيسمح بمرور المياة والهواء داخل القربة ليتم التخلص من الضغط العالى عن طريق انخفاض درجة حرارتها ثم ارجاعها مرة اخرى الى الردياتير عندما يبدأ الضغط فى الانخفاض وايضا يتم انخفاض درجة حرارتها

طب أنا عندي غطاء رادياتير تاني لما بركبة المية مبتزيدش في القربة خالص حتي و العربية سخنة بس بتنقص من الرادياتير نفسه, هل الغطاء ده يبقي بايظ برضة؟؟

[SAMEH_FOUAD]

طب أنا عندي غطاء رادياتير تاني لما بركبة المية مبتزيدش في القربة خالص حتي و العربية سخنة بس بتنقص من الرادياتير نفسه, هل الغطاء ده يبقي بايظ برضة؟؟

اة طبعا دة يبقى بايظ 100×100

[tsaid]

اة طبعا دة يبقى بايظ 100×100

يبقي كده إن شاء الله أغير غطاء و قربة
ألف شكر يا سامح باشا