هتركب اية لو فكرت تغير هوندتك ؟؟؟

[SAMEH_FOUAD]

اخوانى واعزائى

السلام عليكم ورحمة الله وبركاتة جميعا

طبعا الموضوع دة كنت بسمعة كتير اوى وحبيت اشاركوا فية عشان اعرف ارائكوا ( اللى بيركب الهوندا مابيعرفش يركب غيرها )

دلوقتى اكيد بعد تفكير طويل كلنا استقرينا على الهوندا

طيب لو حبيت بقى تغير الهوندا وتركب عربية زيرو مثلا بس طبعا يكون سعرها معقول مش مثلا تقولى m5 يعنى

واكيد الى بيغير العربية لازم تكون مواصفات الجديدة اعلى من القديمة واحسن فى كل حاجة

هتركب اية ؟؟؟؟؟؟؟؟؟؟؟؟ وهتفكر فى اية

عموما انا اللى خلانى عملت الموضوع دة حاجتين

ركوبة العربية فى قمة من التناغم والراحة فى القيادة

كنت مسافر بالعربية بجد ياجماعة مش لاقى كلام يوصف احساسى غير ربنا يديمها علينا نعمة وعلى فكرة مش عربيتى بس لأ دة عربيتن بالظبط سافرت بيهم بردة نفس الشعور مع اختلاف حاجات بسيطة بس العربية تحححححححححححححححححححححفة بجد

ياريت بقى تشاركونا ارائكوا وكل واحد يحب يركب اية لو غير هوندتة , هل هيخرج من الهوندا ولا هيكمل فى المنظومة فائقة القوة والراحة

[sanhory]

سمسم باشا اخبارك ايه يا بوب

لو حنتكلم في الهوندا ممكن 2010
لو حنتكلم في ماركة تانية و زيرو تبقى فيات برافو 1400 تيربو

وربنا ما يحوجنا للتغير انا كدا مبسوط

[wael ahmed]

هوندا برضه

[SaberMan]

نيسان x-trail عشان ساعات بحتاج عربيه رباعى و لو بأمكانيات بسيطه بس برضو الهوندا عشق صعب تغيره و الحلم أكورد زيرو .

[medododo]

نيسان قاشقاي 2000 سي سي

[SAMEH_FOUAD]

عشان بقى اصعبها عليكما لما تقولوا العربية مش اسم او شكل وخلاص

لأ تتقارن من حيث :

1- قوة المحرك هل هتبقى مثلا زى ال sir

2- الثبات

3- الاعتمادية

4- اسعار قطع الغيار من حيث سعرها وتوافرها

لان الصراحة مش شايف اجابات تدل على تجربة هذة السيارات الجديدة

[SAMEH_FOUAD]

سمسم باشا اخبارك ايه يا بوب

لو حنتكلم في الهوندا ممكن 2010
لو حنتكلم في ماركة تانية و زيرو تبقى فيات برافو 1400 تيربو

وربنا ما يحوجنا للتغير انا كدا مبسوط

تمام ياباشا انت عامل اية ياحبيبى

اول اختيار تمام

تانى اختيار مانصحكش

ثالث اختيار هو دة الاجمد ( ثبات + قوة + شكل + اوبشن ) عايز اية تانى انا عن نفسى اى عربية بركبها عمرى ماحسيت باحساس الهوندا فيها

[mimmohonda]

انا عن نفسى هوووونداوى مدى الحياه انشاء الله ....الحمدلله انى معايا هوندا

[tarekomar66]

انا مش ناوى اغير الهوندا دا حتى بفكر اشترى موتوسيكل هوندا 250 تريلا

[Hamdy Masria]

ان شاء الله هوندا برضوا ... بس موديل اعلى

[Yones]

اكيد هوندا طبعا ويارب تكون هوندا اكورد احدث موديل

[SaberMan]

انا مش ناوى اغير الهوندا دا حتى بفكر اشترى موتوسيكل هوندا 250 تريلا

تمام كده بقيت هونداوى أصيييل أخوك سبق cb4 super four رغم المغريات فى الشرى اى ماركه تانيه ممكن تجيب حاجه موديل أعلى و سى سى أكبر فضلت هوندا برضو

[khaleddapino]

ان شاء الله ناوى اسيب هوندتى 94 معايا على طول حتى لو جبت زيو علشان مقدرش اشوف حد تانى راكب فيها
ده غير اننا بنتكلم مع بعض كل يوم من البلكونه هههههههه

حغير بقى ان شاء الله فى الخطه الجديده و بعد تفكير عميق لانى هونداوى متعضب لدرجه انى مش بسمع اى مقارنه بينها و بين اى عربيه تانيه

المهم العربيه الجديده

mercedes kompressor 2011
مش فاكر اوى بس الى كنت شوفتها كانت c230
و عايز لونها فرانى

و شكر خاص لسامح باشا على الموضوع الجميل ده

[waled4u]

سمسم باشا والله مانا عارف اسيب المنتدى ولا الهوندا انا الفتره اللى فاتت فكرت اجيب اوكتافيا a42003وركبتها مع واحد صاحبي قبل الشراء وكان عاجبني فيها العلو عن الأرض خصوصا الطرق عندنا زى الفل بس بقيت أقارن بينها وبين الهوندا ف الثبات والملفات بسرعات عاليه وصوت الموتور والسحب بمنتهى الهدوء والقوه والاعتماديه ف السفر وقطع الغيار والاسعار وكل مره الهوندا تكسب فصليت استخاره وبعد ما عملت اعلان ع النت لبيع الهوندا جالى اكثر من 30تليفون لقيت نفسي برد عليهم بأني غيرت رأى ومش هبيع طبعا حسيت براحه بجد وقررت ما اسبش الهوندا الا على هوندا تانيه اعلى فى المواصفات وبس وقفلتها فى راسي اني مش هلاقي بجد مواصفات احسن من كده خصوصا بعد ما سمعت وشفت عن الماركات التانيه وعلى فكره يا جماعه فيه توكيل شهير له عربيه فى السوق تمنها 130الف جنيه عفشه العربيه كلها استعمال خارج ومش جديده وحاليا فيه بلاغ لان العربيه عملت حادث بواحد معرفه والعجله الاماميه سابت العربيه ومشيت ومعاها المقص والكوبلن فقلت الحمد لله وربنا يستر انا بمشي 180ك ومش حاسس اني بجرى الا لما بشوف العربيات التانيه حواليا علشان كده اللى هيبيع منكم الهوندا لا هو مننا ولا نعرفه وهنغني له عواد باع هوندته يا ولاد واللى بيأيدني يقولى وعمرك متميز يا سمسم وبجد عالم سمسم بس بتاع الهوندا

[Yones]

سمسم باشا والله مانا عارف اسيب المنتدى ولا الهوندا انا الفتره اللى فاتت فكرت اجيب اوكتافيا a42003وركبتها مع واحد صاحبي قبل الشراء وكان عاجبني فيها العلو عن الأرض خصوصا الطرق عندنا زى الفل بس بقيت أقارن بينها وبين الهوندا ف الثبات والملفات بسرعات عاليه وصوت الموتور والسحب بمنتهى الهدوء والقوه والاعتماديه ف السفر وقطع الغيار والاسعار وكل مره الهوندا تكسب فصليت استخاره وبعد ما عملت اعلان ع النت لبيع الهوندا جالى اكثر من 30تليفون لقيت نفسي برد عليهم بأني غيرت رأى ومش هبيع طبعا حسيت براحه بجد وقررت ما اسبش الهوندا الا على هوندا تانيه اعلى فى المواصفات وبس وقفلتها فى راسي اني مش هلاقي بجد مواصفات احسن من كده خصوصا بعد ما سمعت وشفت عن الماركات التانيه وعلى فكره يا جماعه فيه توكيل شهير له عربيه فى السوق تمنها 130الف جنيه عفشه العربيه كلها استعمال خارج ومش جديده وحاليا فيه بلاغ لان العربيه عملت حادث بواحد معرفه والعجله الاماميه سابت العربيه ومشيت ومعاها المقص والكوبلن فقلت الحمد لله وربنا يستر انا بمشي 180ك ومش حاسس اني بجرى الا لما بشوف العربيات التانيه حواليا علشان كده اللى هيبيع منكم الهوندا لا هو مننا ولا نعرفه وهنغني له عواد باع هوندته يا ولاد واللى بيأيدني يقولى وعمرك متميز يا سمسم وبجد عالم سمسم بس بتاع الهوندا

اؤيدك فى رأيك وربنا يخليلك هوندتك