الحقونى بسرعة لو سمحتوا

[bakser]

انا معايا سيفيك 2008 المهم انا كنت راجع من السفر والبنزين على شرطتتين المهم رجعت وطلعت ونزلت بعد يومين نزلت ادور العربية لقيتة مبتدورش قلت قاطعة بنزين المهم روحت جبتلها بنزين ومليت نص التنك بردة مش بتدور المكنة بتلقط وبتلف بس مبتدورش يعنى مش بطارية ولا سيور كلمت الميكانيكى قالى ممكن تكون طرمبة البنزين هوة جايلى كمان ساعتين .. كلمت بتاع قطع الغيار قالى الطرمبة اليابانى ب 450 مش الاصلى والاصلى مش موجودة دى فعلا طرمبة بنزين ولا ايه افيدونى بسرعة ونبى

[medododo]

بص جرب كده افتح الكونتاكت 3 دقائق وبعدين دور ان شاء الله تدور

[Yones]

احتمال تبقى طلمبة بنزين او مارش طالما مش بتقوم بس ضرورى الميكانيكى يقدر يحدد بحيث متغيرش حاجة ممكن متطلعش سبب العطل

[SAMEH_FOUAD]

طيب دلوقتى انت بتقول طلمبة بنزين ( طيب نعرف ازاى انها طلمبة بنزين ولا لأ ؟؟؟؟؟

اولا تخلى حد يفتح الكونتاكت لو سمعن صوت البنزين يبقى كدة الطلمبة شغالة

انا بقى دلوقتى شاكك فى حاجة بس تعمل الاختبار الاول عشان تتأكد

[VTEC]

رأيى بلاش تخلى الميكانيكى يعمل فيها حاجه,, خدها واطلع على التوكيل افضل ممكن تكون مشكله بسيطه والميكانيكى يعك ويبوظلك حجات تانيه

[bakser]

شكرا على رددوكم يارجالة الحمد لله طلع فيوس اللى ضارب الف شكر

[tarekzein]

الحمد لله إنها طلعت بسيطه

بس نصيحه متخليش التنك يفضى منك تانى

حاول تخليه عالربع كويس

عشان تحافظ على الطرمبه