مشكلة واريد المساعدة

[caras]

انا معايا هوندا اكورد 82 وامبارح كنت ماشى على طريق اكتوبر وبعدين لمبة الزيت نورت فرحت على طول مدى مور ووقفت فعرفت ان سير الكاتينة اتقطع المهم اتصلت باتنين ميكانيكية ومحدش ردى يجى فقطرت السيارة لمكان امان ورحت جبت السير وجبت ميكانيكى ورجعت ففك واشتغل ولقى اويلسيل عند السير جايب زيت فقالى هات واحد جديد وهاتلى سير دينامو وسير باور زى الى كانو راكبين المهم جبتهم ومكنش عارف يركب السيور وكان بيقولى دول الظاهر مش بتوعها ولا الى كانو فيها وفى الاخر ركبهم وجيت اجرب العربية مفيش سحب وفى تسقيف والعربية مش قادرة تطلع اى مطلع وفى صوت خشولة والموتور داير فقالى فى طنبورة تحت كبيرة دى كان ليها حاجة واتكسرت ومعمولها مسمار فعشان كدة الصوت ظاهر المهم سيبتة ومشيت وركنت العربية ومش عارف اعمل اية

[Yones]

معلش قدر الله وماشاء فعل بس هل كده فعلا السير اتقطع وتم تغييره ولا مجرد تسريب فى الاويل سيل ؟؟ وبالنسبة لسير الكاتينة هل هو كاوتش ولا جنزير اصل لو اتقطع لاقدر الله والعربية ماشية ممكن يعوج الصبابات
وبالشكل ده اعتقد انك محتاج ميكانيكى متخصص فى الهوندا يشوفلك المشكلة ويحلها وكمان مستنيين اراء اعضاء المنتدى

[caras]

شكرا ياستاذ يونس على ردك السريع
هو فعلا السير طلع مقطوع وكان الاويل سيل بيجب زيت وانا فعلا محتاج ميكانيكى متخصص بس مش عارف فين لان انا ساكن فى اكتوبر

[Yones]

طيب الميكانيكى عمل تشيك على الصبابات وشاف هل هيا سليمة ولا حصلها اعوجاج ؟ ممكن تبقى هيا السبب

[caras]

لا مكشفش

[HotRide]

طيب اولا قدر الله ما شاء فعل

بص الحمد لله مواتير الهوندا مش بتتأثر بقطع سير الكاتينه الصباب مش بيحصله حاجه

دلوقتي كل الي حصل انه ركب سر الكتينه من غير ما بقسم و لا حاجه و كتر خيرها انها ماشيه
انت تمشي بيها تاتا كده لاقرب مكيانيكي هوندا و يظبطلك الليه و تقسيمه ويشوف الطنبوره مالها
قولي انت ساكن فين و اوصفلك اقرب حد ليك

[tarekzein]

طيب حد يفهمنى بالراحه كده

أيه اللى ممكن يحصل لو غيرت طمبورة الكرنك

ومظبتش التقسيمه

بس واحده واحده الله يكرمكم

[caras]

شكرا على ردك ياخى hotride انا ساكن فى اكتوبر وياريت تلاقيقلى ميكانيكى قريب لانى بجد تعبت

[SAMEH_FOUAD]

طيب حد يفهمنى بالراحه كده

أيه اللى ممكن يحصل لو غيرت طمبورة الكرنك

ومظبتش التقسيمه

بس واحده واحده الله يكرمكم

انت دلوقتى عشان تفك طنبورة الكرنك لازم تشيل سير التقسيمة كلة وكل السيور الواصلة زى الباور , التكييف , الدينامو

فطبيعى لما تجيى تركب الطنبورة الجديدة تقسم من اول وجديد

ولو انت ركبت كدة عشوائى اكيد طبعا مش هتلاقى صوت ماتور لأ هتلاقى صوت غريب وسحب زفت ولو مشيت عليها كدة هيبهدل المحرك جامد جدا

[SAMEH_FOUAD]

انا معايا هوندا اكورد 82 وامبارح كنت ماشى على طريق اكتوبر وبعدين لمبة الزيت نورت فرحت على طول مدى مور ووقفت فعرفت ان سير الكاتينة اتقطع المهم اتصلت باتنين ميكانيكية ومحدش ردى يجى فقطرت السيارة لمكان امان ورحت جبت السير وجبت ميكانيكى ورجعت ففك واشتغل ولقى اويلسيل عند السير جايب زيت فقالى هات واحد جديد وهاتلى سير دينامو وسير باور زى الى كانو راكبين المهم جبتهم ومكنش عارف يركب السيور وكان بيقولى دول الظاهر مش بتوعها ولا الى كانو فيها وفى الاخر ركبهم وجيت اجرب العربية مفيش سحب وفى تسقيف والعربية مش قادرة تطلع اى مطلع وفى صوت خشولة والموتور داير فقالى فى طنبورة تحت كبيرة دى كان ليها حاجة واتكسرت ومعمولها مسمار فعشان كدة الصوت ظاهر المهم سيبتة ومشيت وركنت العربية ومش عارف اعمل اية

دلوقتى واضح من الصوت ان العربية الحمد لله مافيهاش اى حاجة اتأثرت لما السير اتقطع ودة الحمد لله ميزة من مميزات الهوندا

بالنسبة بقى للدنيا اللى اتلخبطت عندك دية سببها التقسيمة لان اللى ركب السير ماظبتش الكاتينة

بالنسبة لطنبورة الكرنك فدية بيبقى ليها مسمار وقفل صغير جدا بس مهم جدااااااااااااااااااااااااا فلازم تتأكد من ان طنبورة الكرنك سليمة وان المسمار بتاعها كويس + القفل موجود

ولما تربط كلة لازم يكون بمفتاح عزم مش مفتاح وخلاص

[SAMEH_FOUAD]

شكرا على ردك ياخى hotride انا ساكن فى اكتوبر وياريت تلاقيقلى ميكانيكى قريب لانى بجد تعبت

عموما اقرب واحد ليك من اكتوبر رشيد فى امبابة دة اقرب واحد ليك

ولا انصحك بأن حد يعملك الليلة دية غير واحد متخصص هوندا

[caras]

عموما اقرب واحد ليك من اكتوبر رشيد فى امبابة دة اقرب واحد ليك

ولا انصحك بأن حد يعملك الليلة دية غير واحد متخصص هوندا

طيب اروح بيها الحرفيين لو ينفع وتنصحنى بمين هناك ولا رشيد ومكانة فين بالظبط وشكرا ليك جدا على ياستاذ سمسم على الافادة المهمة دى

[douha_wise]

طيب اروح بيها الحرفيين لو ينفع وتنصحنى بمين هناك ولا رشيد ومكانة فين بالظبط وشكرا ليك جدا على ياستاذ سمسم على الافادة المهمة دى

رشيد هذا وراء مستشفى حميات امبابة و هو يتبع محل الاميران لقطع غيار الهوندا بعمارات البترول بالمهندسين امام سور نادى التوفيقية و تليفون صاحب محل قطع الغيار و هو المهندس احمد : 33033710
ممكن تتصل به و تنسق معه و بيفتح بعد 11 ص ماعدا الأحد و ربنا يوفقك و يعينك

[Kareem.ElAraby]

متابع

[caras]

شكرا ياستاذdouha-wiseوربنا يكرمك