موضوع مفيد لكل اعضاء المنتدى الكرام ان شاء الله

[khaledfox]

اخوانى بعد التحيه
كنت عايز اقول على موضوع حيفيد ناس كتير مننا ان شاء الله
انا فى الفتره الاخيره كنت بجدد عربيتى
طبعا اغلب الكلبسات و مسامير كتير فقدت فى الموضوع ده بسسب جهل الصنايعيه والسرعه فى الفك وعدم الخبره
طبعا لما جيت اركب الفبرات والخوص والكلبسات تانى لاقيت اغلبها حروفها مكسره ومش نافعه تانى
جه فى بالى ان مره كنت فى الحرفيين ولاحظت ان فيه محل متخصص فى الكلبسات والمسامير بس
رحتله لانى مش عندى حل تانى
وكانت المفاجئه انى لاقيت عنده اغلب الحاجات اللى انا عايزها مع انى ماكنتش اتوقع ابدا انى الاقيها خالص عند حد مش بيبيع استيراد وكمان قالى ان اى مسمار او كلبس مش عند بيقدر يصنعه او يبعته بره مصر يتعمل (بجد تحفه اوى)
الغريب بقى فى الموضوع ان الشاب اللى واقف فى المحل فاهم اوى وعارف الكلبسات دى بتاعت اى عربيه وده جابلى ذهول فى عقلى على الرغم انه متواضع اوى بس بسم الله ماشاء الله عليه مهندس يعنى
يعنى اى كلبس او مسمار مش لاقيه روحله وانت ان شاء الله تلاقيه
اسمه المصرى لجميع انواع المسامير والصواميل والكلبسات
موبيل 0180077761-----01893102201
اسهل طريق لو انت جاى من ناحيه الدائرى ودخلت الحرفيين خلى الثلاثى على يمينك( بتاع الزجاج) و بص على شمالك لحد ما تلاقى مطعم جمبرى صغير حيكون هو جنبه على طول
و بالتوفيق ان شاء الله
اخوكم خالد

[tarekomar66]

مشكووووووور يا خلود

[Yones]

شكرا ياخالد بجد ربنا يكرمك الرفايع دى لما بتضيع فعلا بتجنن الواحد

[omdaHonda]

شكرا يا خالد

[wael ahmed]

شكرا ياباشا فعلا الموضوع ده مكلف جداا وبالذات لو هتدور عليهم استيراد وهيتنكوا عليك كمان ويغلوا عليك وانت بتبقى مضطر انك تاخدوهم

وده يعلم الواحد لما يجيى يشد عربيته يفك كل حاجه ويحتفظ بيها وبالذات الكلبسات والرافيع

[khaledfox]

الف شكر يا جماعه
ده اقل واجب بالنسبه للمنتدى و جميله علينا
و ربنا يقدرنا ونساعد بعضنا كلنا

[tarekzein]

تمام يا تعلب

بس برضه عليك مخالفه عشان مجيتش المقابله

ياللا تتعوض بعزومه للهونداويه فى عربيتك

[Donzi]

شكرا على الإفادة و جزاك الله خير

[mahlove]

شكرا ياخلود على المعلومة الجامدة دى

بس لو كانت بدرى شوية.. احسن انا لسة مشترى 10 كلبسات بتوع المزرابين ب 100 جنيه من عند مجدى الدسوقى

[khaledfox]

opsss معلش بقى النصيب
وان شاء الله كل المقابلات انا جاى فيها

[honda forever]

شكرا يا باشا وربنا يباركلك

[mmharoun]

تسلم على المعلومات الجمدة دى يا فوكس دة اولاً أما ثانياً مجيتشى المقابلة الى فاتت لية كدة احنا الهنداوية لينا عندك حق عرب صح يا عصابة ولا ايه

[khaledfox]

صح يا زعيم
بس والله غصب عنى معلش تتعوض ان شاء الله

[lord_of_egypt22]

بارك الله فيك
انا كمان بجدد عربيتي بس ربنا وفقني وعاين كال مجموعه مسامير وكلبسات في شنط بلاستيك
والخوص والجلود شادد عليها بلاستر
الفايده الحقيقية من موضوع حضرتك هو الحرص علي كماليات الاصليه من الضياع بدل اللف والوخه