استفسار هوندا 2008 !!

[bakser]

سلامو عليكم وكل سنة وانتم طيبين بمناسبة شهر رمضان

انا كان عندى استفسار بسيط

انا عندى الهوندا بتاعتى لما اجى اشغل التكييف بحس برعشة بسيطة وتروح علطول دة وانا دايس فرامل وبردو مثلا لما اقفل الازاز بتاع العربية واعمل لود بتيجى نفس الرعشة وبردو لما ارعش النور العالى بحس بنفس الرعشة هيا بتيجى وتروح علطول الكلام دة وانا دايس على الفرامل انما طول ما انا ماشى مفيش الكلام دة وبردة وانا ماشى فى الزحمة والتكييف شغال اول ما مروحة التبريد اول ما تشتغل بتيجى الرعشة دى وتروح
المهم روحت لكهربائى قالى ان الهوندا كدة لان الدينامو اللى فيها 75 ومش هياثر معاك فى حاجة قالى لو عاوز الرعشة دى تروح هاتلها دينامو 95

انتوا ايه رايكوا فى الكلام دة

[mmharoun]

متابع للمعرفة

[hosammoner]

وعليكم السلام ورحمة الله وبركاته وكل سنه انت طيب انا كمان عندى نفس مشكلتك دى بس مع التكييف بس وهيا ملهاش اى تاثير على حاجة واعتقد ان كلام الكهربائى صح لان معظم العربيات السيفيك كده انا هبقى اجيب بطاريه امبير عالى ممكن تخلى الموضوع ده يروح

[bakser]

لا ما انا سالتة نفس السوالل انى اجيب بطارية 70 قالى ملهاش علاقة وعلشان ياكدلى عمالى وصلة بطارية وبردو فى نفس الموضوع هوة قالى ان السيفيك نازل فيه العيب دة وعدلوة فى 2010 بس مش عارف بقى ايه الحقيقة مستنى راى بقيت العصابة

[SAMEH_FOUAD]

لا ما انا سالتة نفس السوالل انى اجيب بطارية 70 قالى ملهاش علاقة وعلشان ياكدلى عمالى وصلة بطارية وبردو فى نفس الموضوع هوة قالى ان السيفيك نازل فيه العيب دة وعدلوة فى 2010 بس مش عارف بقى ايه الحقيقة مستنى راى بقيت العصابة

عموما السيفيك كلها لازم تحس بيها برعشة عند فصل التكييف او تشغيلة سواء فى اى موديل ودة ناتج عن ضعف فى الكهرباء بتاعة السيارة , والشركة نفسها محلتش العيب دة والدليل انة بينزل لحد دلوقتى بنفس العيب

وانا غالبا من وجهة نظرى يعنى , ان العيب دة ناتج من حاجة اخرى وهية ضعف فى الايدل الخاص بالسيارة لانى مرة جيبت الايدل ونظفتة كويس جدا وعليت شوية السلانسية بتاع السيارة بس معداش ال950 لفة والموضوع دة اختفى تماما واول لما رجعتها لاصلها اول لما يجى التكييف يكون فاصل ويشتغل تلاقى الاربى ام نزل بتاع 150 لفة وطلع تانى فى ثانية

[M_Nabil]

ده طبيعى في كل الهوندات فعلاً زى ما سمسم باشا قال