استفسار عن عيوب هوندا سيتى

[polabx]

السلام عليكم

كل عام و انتم بخير

انا عجبانى قوى الهوندا سيتى و بفكر اغير العربية الى معايا بالهوندا سيتى

كنت سمعت عن عيبين فى الهوندا سيتى و حابب اتاكد من مالكيها

العيب الاول ان تنك البنزين موجود فى الامام اسفل الكرسيين الامماميين مما يجعلة عرضة للخبطات - هل هذا صحيح ؟

العيب الثانى ان الموتور بيركبلة 8 بوجية كل بيستم 2 بوجية - هل هذا صحيح ؟

و اللى شاف عيوب تانية ممكن يقولى عليها علشان اخد قرار

و لكم الف شكر و تقدير

[SAMEH_FOUAD]

اهلا بيك ياباشا ونورت القسم

بالنسبة للهوندا سيتى فطبعا اختيار موفق جدا من كل حاجة حتى نقطة الثبات تمت معالجاتها عن طريق خفض السيارة وزيادة العرض عن الموديلات السابقة , وعلى فكرة فية عربيتين هوندا خدوا احسن سيارات فى فئتهم فى العالم وكانت السيتى واحدة منهم

ماتورها هايل بجد وقوى

بالنسبة لمكان التانك بتاعها ففعلا دة صحيح هو موجود فى المنتصف الامامى للسيارة ولكن لايجعلة عرض للخبطات فهو بعيد تماما

ايوة السيتى اتنين بوجية لكل سيلندر ودةاسمة dual spark

بس دية ميزة مش عيب عشان يقلل ال miss fire ( او فاقد الحريق ) هو دة كل الهدف منها وبالتالى بتحسن اداء الماتور بس بنسبة بسيطة

[polabx]

اهلا بيك ياباشا ونورت القسم

بالنسبة للهوندا سيتى فطبعا اختيار موفق جدا من كل حاجة حتى نقطة الثبات تمت معالجاتها عن طريق خفض السيارة وزيادة العرض عن الموديلات السابقة , وعلى فكرة فية عربيتين هوندا خدوا احسن سيارات فى فئتهم فى العالم وكانت السيتى واحدة منهم

ماتورها هايل بجد وقوى

بالنسبة لمكان التانك بتاعها ففعلا دة صحيح هو موجود فى المنتصف الامامى للسيارة ولكن لايجعلة عرض للخبطات فهو بعيد تماما

ايوة السيتى اتنين بوجية لكل سيلندر ودةاسمة dual spark

بس دية ميزة مش عيب عشان يقلل ال miss fire ( او فاقد الحريق ) هو دة كل الهدف منها وبالتالى بتحسن اداء الماتور بس بنسبة بسيطة

شكرا جزيلا ليك و لاهتمامك

ربنا يكرمك

[mezo_88]

احب اضيف حاجة بس ان موضوع 2 بوجيه دا فى الموتولا ال i-dsi الى هو 1.3
اى استفسار عن السيتى الشكل القديم انا فى الخدمة العربية معايا من 2006 و الحمد لله رغم انها اقل فئة فى الهوندا لكنها برقبت عربية تانية فى فئة اكبر امتلكها

[eng_maged]

التنك فعلا في الامام ولكن ده مش عيب عشان بيدي مساحه تخزين تحت الكنبه اللي ورا - هو بس مشكلة التنك انه صغير 40 لتر فقط

البوجيهات 8 وده ميزه عشان توفر في البنزين وفعلا توفيرها رهيب

العيوب الاخرى:
الكاوتش صغير على حجمها
الكمالبات قليله في الفئه العاديه

[FrozenFire]

التنك فعلا في الامام ولكن ده مش عيب عشان بيدي مساحه تخزين تحت الكنبه اللي ورا - هو بس مشكلة التنك انه صغير 40 لتر فقط

البوجيهات 8 وده ميزه عشان توفر في البنزين وفعلا توفيرها رهيب

العيوب الاخرى:
الكاوتش صغير على حجمها
الكمالبات قليله في الفئه العاديه

إنت فين ياراجل مختفي خالص كده ليه؟ حمد الله على السلامة

بالنسبة للتنك فأنا شايف إنه مش صغير أبدا تقريبا نفس الفئة في كل العربيات تانكها 40، دي حتى الأوبترا 30

[Ghost2]

السلام عليكم

بالنسبة للسيتي .. اولا بالنسبة للي حضرتك سألت عليه فا موضوع تنك البنزين ده صحيح لكن لايمثل اي خطر على راكبي السيارة .. يعني التنك مش في الكبوت في دعامات قوية جدا في الجوانب عشان لا قدر الله التصادم الجانبي ... اما بالنسبة حكاية الاتنين بوجيه ... فا دي كمان صحيحة والهدف منها تقليل الاستهلاك .. وفعلا العربية دي استهلاكها غريب للبنزين .. هتحس انك راكب عربية 1800 سي سي و بتسحب بنزين عربية 1100 سي سي .... اما عن التقفيل وجودة الخامات .. حضرتك هتستمتع جدا بالعربية .. خصوصا سلاسة العربية وسرعة استجابة الموتور اللي بيديك كفاءة عالية جدا واستهلاك قليل .. .. مساحة التخزين الخلفية في الشنطة اكثر اكثر اكثر من رائعة .. نيجي للصالون .. طبعا راحة الركاب فيه معقولة جدا .. بتقعد مرتاح اوي وفي المشاوير الطويلة مش بتحس باي تعب .. بالنسبة للتكييف .. فا مش محتاج كلام لانك هتركب هوندا ... الثبات .. العربية ثابته جدا لحد 180 وفي الملفات لحد 140 .. يعني امان اكتر من اي عربية في فئتها .موضوع الشكل ده نسبي من شخص لاخر بس هي لما تشوفها هتقول عبيها سيارة اوروبية مش يابانية .. خصوصا الخلف تحس انها واخدة من بي ام كتير . طبعا افضل انك تجيب الكاملة منها عشان الجنوط والشبور وخلافه من الكماليات .. وتقبل تحياتي

[tarekzein]

التنك فعلا في الامام ولكن ده مش عيب عشان بيدي مساحه تخزين تحت الكنبه اللي ورا - هو بس مشكلة التنك انه صغير 40 لتر فقط

البوجيهات 8 وده ميزه عشان توفر في البنزين وفعلا توفيرها رهيب

العيوب الاخرى:
الكاوتش صغير على حجمها
الكمالبات قليله في الفئه العاديه

تحياتى ياباشا

وحمدا لله على السلامه

مفتقدين مشاركاتك بشده

[eng_maged]

إنت فين ياراجل مختفي خالص كده ليه؟ حمد الله على السلامة

بالنسبة للتنك فأنا شايف إنه مش صغير أبدا تقريبا نفس الفئة في كل العربيات تانكها 40، دي حتى الأوبترا 30

فعلا بقالي كتير مدخلتش على الموقع شكرا لسؤالك

بس على فكره الاوبترا 60 لتر وده انا متاكد منها

[eng_maged]

تحياتى ياباشا

وحمدا لله على السلامه

مفتقدين مشاركاتك بشده

شكرا ياباشا انا متواجد اهه وتحت امرك علطول
على فكره التنك تحت كرسي الراكب الامامي يمين

[SAMEH_FOUAD]

فعلا بقالي كتير مدخلتش على الموقع شكرا لسؤالك

بس على فكره الاوبترا 60 لتر وده انا متاكد منها

تمام كدة

[shero379]

العربية حلوة بس نصيحة فعلا هات الهاى لاين .....فرق السعر اقل من فرق الكماليات و خصوصا انك ممكن متعرفش تضيف كماليات مهمة بعد كدة و الا حتخرج من الضمان زى الانذار مثلا

[koke_lancer]

مبدئيا انا عايز اتكلم على الستى موديل 2004 الى هيا اول شكل مبدئيا العربية دى شكلها وحش وحش اوى قبيح يعنى
و من شكلها تثبتلك انها مش ثابتة على الطريق خالص اعادة السعر زى الزفت يعنى ابيعها ب اقل من 60 الف و هيا 2004 و ابيع كرستالة
ب 55 موديل 1998 العربية دى شركة هوندا ندمت انها صنعتها و حاسة انها غلطة
بالنسبة لاخر شكل انا بحبوة بصراحة و تحفة بس المشكلة فى اعادة البيع زى الزفت على فكرة الكلام بتاعى دة منقول من صديقى (زى اخويا) هو الى عندو العربية دى هو اشتكى من حاجات تانية كتير بس انا مش قادر اكتبها و الصيام تاعبنى جدا

[eng_maged]

يفضل مراجعة الموضوعين دول

http://www.nilemotors.net/Nile/191751-5.html

http://www.nilemotors.net/Nile/190680-5.html

[OmaR_FekrY]

مبدئيا انا عايز اتكلم على الستى موديل 2004 الى هيا اول شكل مبدئيا العربية دى شكلها وحش وحش اوى قبيح يعنى
و من شكلها تثبتلك انها مش ثابتة على الطريق خالص اعادة السعر زى الزفت يعنى ابيعها ب اقل من 60 الف و هيا 2004 و ابيع كرستالة
ب 55 موديل 1998 العربية دى شركة هوندا ندمت انها صنعتها و حاسة انها غلطة
بالنسبة لاخر شكل انا بحبوة بصراحة و تحفة بس المشكلة فى اعادة البيع زى الزفت على فكرة الكلام بتاعى دة منقول من صديقى (زى اخويا) هو الى عندو العربية دى هو اشتكى من حاجات تانية كتير بس انا مش قادر اكتبها و الصيام تاعبنى جدا

ابه ده ؟! مين بس اللى قال لحضرتك الكلام ده كله .... مع احترامى لحضرتك الكلام ده كله غلط
بسم الله ماشاء الله العربيه معايا السيتى 2005 ثابته جدا و باخد بيها ملفات و غرز على 160 ولا بحس بحاجه و عموما مفيش عربيه هوندا مش ثابته و بالنسبه للشكل لا مش وحش اوى للدرجه دى و لا قبيح ... هو بس مش حلو زى تصميم السيفيك او الاكورد
و بالنسبه للسعر انا شايف ان معظم العربيات اليابانى موديل ال 90's محافظه جدا على سعرها و مبيقلش غير كل فتره و حاجه بسيطه ... وبرضو سعر اعاده البيع فى السيتى مش زفت يعنى الخساره الطبيعيه و المتوقعه الف الفين بس ... و كل حاجه و ليها سعرها يعنى متقارنش عربيه موديل 2005 بعربيه موديل 98 من حيث السعر لانهم مختلفين فى كل حاجه تقريبا و و فى امثله من دى كتير زى المرسيدس الزلموكه موديل 85 و بتتباع لحد دلوقتى ب 120 الف و الحالات الشاذه منها و الكابورليه بيوصلوا لحد ال 170 الف !!