العربية دية موديل كام

[donmedo]

السلام عليكم
كل عام وانتم بخير يا اعضاء المنتدى واعاد الله عليكم رمضان بالخير واليمن والبركات
ادخل في الموضوع انا باختصار بعشق الهوندا سيفيك عشق غير طبيعي و خاصة النوع دة فانا عايز اعرف العربية دية موديل كام و موجودة في مصر ولا صعب الاقيها والمواتير اللي بتنزل فيها ولو فية منها سيدان يبقى اخبارة اية بختصار عليز أعرف عنها كل حاجة والف شكر

[M_Nabil]

وعليكم السلام ورحمة الله

دى هوندا سيفيك 96-00 كوبيه والعربية موجودة عادى في مصر بس مش منتشرة بدرجة انتشار السيدان وكل فترة بتلقى واحدة معروضه للبيع وبتنزل بمواتير كتير 1500 و 1600 كامة واحدة أقوهم 130 حصان VTEC بعضها أوتوماتيك وفي مانيوال وفي بيكون مسقط ماتور SiR اللى بيكون 160 أو 170 حصان ...

وفي منها موديل Si امريكى أصلية موديل 99-00 (EM1) بتنزل من المصنع بمحرك SiR توين كام بقوة 160 حصان VTEC بلون واحد فقط هو ( Electron Blue ) بس دى مش موجودة هنا ..

السيدان نفس الموديل موجود برضه بنفس المحركات السابق ذكرها على حسب الفئة SiR , VTi , EXi , LXi

[gellish]

في إعلانين عن عربيتين سيفيك كوبية استيراد من المانيا نظام معوقين و اللينك اهو:
cars.com.eg

[donmedo]

الف شكر على ردودكم بس هو في موديلات بردة 96-00 بس الفوانيس من ورا مختلفة ومش عارف بقى بصراحة هي سيدان ولا كوبية بس بيبقى شكلها مختلف من ورا تماما ومعلش عشان تاعبكوا معايا بقى

[M_Nabil]

أيوة فعلاً ودى بتكون سيفيك سيدان أمريكى وكندى وبيكون الفانوس كبير وعريض شوية عن العادى

[gellish]

أيوة فعلاً ودى بتكون سيفيك سيدان أمريكى وكندى وبيكون الفانوس كبير وعريض شوية عن العادى

+1
أحب اضيف ان العربيات دي بتكون سيدان موديلات 99+2000 فقط و بلإضافة للسوقين الأمريكي و الكندي ايضا في السوق الياباني فقط