هوندا سيفك 1993

[eldmrane]

انا بفكر في هوندا سيفك موديل 93 بس سامع عن si .ونوع تاني sir هوة اية الفرق واعرفهم ازاي وياريت لو سعرها دلوقتي يعمل كام والعربية دية قطع غيارها عالية ولا لاء وياريت بردو اعرف العربية دية واطية زي الناس مابتقول ياعني ماينفعش اركب فيها 3 افراد ورة وشكرا

[Ghost2]

السلام عليكم
اولا لو حضرتك ناوي تجيب هوندا سيفيك من 92 لحد 95 وعربية نضيفة يبقى حضرتك هتستمتع بيها جدا
موضوع المواتير ده الفرق في العزم و القدرة الحصانية .. يعني مثلا في اصدار من ال sir حوالي 170 حصان وهو موتور 1600 سي سي برده .. بس هتحس انك راكب اكتر من 2500 سي سي واستهلاكه ممتاز .... انصحك تجيب عربية موديل 93 وتكون نضيفة ومش مشكلة si او sir لانك ممكن تشتريها وتسقط الموتور اللي انت عايزه .. المهم تكون العربية سليمه ,... وموضوعى قطع الغيار ده .. العربية حاجاتها ببلاش ..وموضوع الغلو او الرخص ده نسبي من واحد للتاني .. يعني الرخيص عندك ممكن يبقى غالي عند غيرك .. اما بالنسبة لموديلها فا اسعارها مش غالية ..كثبات .. حدث ولا حرج ... كارتفاع .. هي شكلها قريبة جدا من الارض ..انما هي ارتفاعها طبيعي جدا .. و موضوع انك لو حملتها تلاته ورا دي .. اي عربية لو حملتها كلها بتقرب من الارض انشالله تكون رولز رويس .. بس الهوندا هتكون اختيار كويس .. واسعارها بتبدأ من 40 لحد 55 على حسب الحالة والموتور اللي فيها .. والكماليات .. وتقبل تحياتي ..واي سؤال فني اوي .. ممكن تسأل اخونا سمسم .. ده منسق قسم هوندا .. وهو ما شاء عبقري في الموضوع ده

[SAMEH_FOUAD]

هو طبعا 2 GHOST قالك كل حاجة ماخلاش حاجة لحد يقولها

محرك ال sI لو الاصلى بتاعها بيبقى 2 كامة من غير VTEC وقوتة 130 حصان وفيها كل الاوبشن
او بتبقى مغيرة محرك او نسخة اوروبية بتبقى نازلة بمحرك 1600 كامة واحدة قوتة 125 حصان

وطبعا ال SIR بيبقى كامتين قوتة 170 حصان مزود ب VTEC وبيبقى متسقطلها

لان ال SiR الاوريجينال نادرة جدا وعشان تفرقها عن بعض بيبقى بكود الشاسية لو EG9 تبقى SIR سيدان , EG6 هتبقى SIR هاتشباك لو SI هتبقى EH9

[eldmrane]

الف الف شكر للردود يا رجالة وباذن الله قريب ابقي معاكو في القسم انشاء الله

[Ghost2]

ان شاء الله

[eldmrane]

معلش عشان جاهل ياعني الفرق ما بين si وال sirبيبقي الماتور بس مافيش فرق في الشكل ولا في الكماليات وولا العفشة ولا حاجة

[Ghost2]

لا طبعا هو في فرق .. يعني ال sir ال original بتنزل فيها Abs + airbags اما ال si لا العدادت بتكون مختلفة بردة .. وطبعا فرق موتور وفيتيس وعموما ال sir اللي في مصر هنا كلها خليجي

[eldmrane]

طيب معلش يا باشا هتقل عليك شوية لو العربية نضيفة وكاملة فاتحة سقف ومش مهم عندي الاتوماتيك تسوي كام والعربية دية بياعة ولا اية ظروفها انا معايا جوليت وهبيع بعد العيد باذن الله ومحتار بين السيفك والبي ام الام فورتي والانسر الكريستالة فعايز اعرف سعرها كام الهوندا

[Ghost2]

لو كاملة sir هتعمل فوق الخمسين لو حالتها نضيفه ... ولو si هتعمل حوالي 47