مسابقه الرمضانيه - اعتذار عن عدم اكمالي لها

[HotRide]

السلام عليكم

ارجو قبول اعتذاري عن تقديم باقي حلقات و كفايه عليه اوي 10 حلقات و ارجو من سامح تكمله المسابقه بدل عني

و ترتيب الفائزين من حلقه 1 - 9

1- Vjack
2- Hamdymasr
3- semsem kane
4- hamdymasr
5- no comment
6- MNabil
7- no comment
8- sanhory
9- Vjack
10- (معرفش سامح الي يحدد)

و شكرا

[Ghost2]

يا رب يكون السبب اللي منع حضرتك خير ... وان شاء الله ترجع تكمل انت المسابقة برده.. بس انت كده هتقلق العصابة عليك

[OmaR_FekrY]

فيه ايه يا ممدوح .... انت فى حاجه ضايقتك ؟؟!

[M_Nabil]

ليه يا ممدوح ما المسابقة كانت ماشيه كويس، عموماً انا كنت مقرر عدم الاشتراك فيها لأسباب احب احتفظ بيها لنفسى

[SAMEH_FOUAD]

اية يابو محمد لية كدة يادوحة كدة الاعضاء هيزعلوا

وبعدين انت لو اعتذرت انا كمان هعتذر عشان مش هقدر اخد مكانك غير يوم الجمعة بس

[SAMEH_FOUAD]

ليه يا ممدوح ما المسابقة كانت ماشيه كويس، عموماً انا كنت مقرر عدم الاشتراك فيها لأسباب احب احتفظ بيها لنفسى

محمد باشا

لية ياباشا بس هو فية حد زعلك

يعنى تبقى انت ومحمد ممدوح هو فية اية ياجماعة

خلاص ياجماعة وانا كمان زعلان

[vjack]

ليه يا ممدوح ما المسابقة كانت ماشيه كويس، عموماً انا كنت مقرر عدم الاشتراك فيها لأسباب احب احتفظ بيها لنفسى

اخدتها من طرف لساني
وانا كمان عندي أسباب برضو احتفظ بها لنفسي
ودى كانت أصلا الأسباب من الاول إني أشيل من بياناتي هوندا واخليها بالريموت كنترول :d
بس أتمنى إن يكون ممدوح بخير وتكون أي أسباب تانية مش مشكلة

[SAMEH_FOUAD]

انا الحمد لله كلمت محمد ممدوح واطمنت علية

واقنعتة انة يكمل معاكوا الاسئلة من اول يوم السبت ان شاء الله لان بكرة دة يوم السؤال بتاعى

عموما يارجالة نتمنى الاتى :

1- الاجابة يجب ان تكون كاملة يعنى مثال نوع العربية يتكتب صح , والموديل بتاعها يبقى صح

2- النتيجة ستكون لصالح المشاركة التى تمت كتابتها الاول اذا كانت صحيحة


دلوقتى ياجماعة الاسئلة اللى بتبقى مطروحة اسئلة عامة يعنى مش فنية والناس بتبقى موجودة ماشاء الله ربنا يزيد ويبارك وفى الاخر نلاقى 3 او 4 مشاركات بس هما اللى ردوا من 30 مشاهدة هل الكلام دة ينفع ؟؟؟؟؟؟؟؟؟؟؟؟؟؟؟؟

المسابقة دية معمولة عشان نزود دخول الاعضاء مش عشان يتفرجوا بس كالعادة , عموما نتمنا ان يكون فية اهتمام اكتر من كدة ياجماعة

وكل سنة وانتم طيبين

[Yones]

فكرة المسابقة جميلة وعجبانى بجد بس المشكلة انى دايما بدخل متأخر للاسف وبلاقى الشباب كلهم جاوبوا ومبلحقش عشان كده للاسف مش بعمل ردود فى موضوع المسابقات
بس فكرة حلوة وياريت تستمر

[tarekzein]

كمل يامحمد ياممدوح

أمال الهدايا مين هياخدها

[mmharoun]

لعل المانع خير يا دوحة بس الحمد الله سمسم كدة طمنا واكيد اكيد فى حاجة وكبيرة كمان هى الى زعلاتك من فرد من العصابة بس الحمد الله سمسم حبيب الملاين حلها وكل عام وانتم بخير دخلنا خلاص اه فى النصف الثانى من الشهر الكريم يعنى اوسطة رحمة ورحمة بنا بقى يا دوحة وكمل المسابقة مش كدة ولا ايه يا عصابة
لعصابة تريد دوحة ولا نعمل ثورة ثورة والى الامام هههههه

[mmharoun]

انا اسف حصل خطأ فى الكتابة الا وهوشهر رمضان اوله رحمة ونصفة مغفرة واخرة عتق من النار
فارحم بنا من مسابقات سمسم باشا الصعبة شويات احياناً ههههههههههههه وكمل انت المسابقة ومغفرة من الذى زعلك منا يا دوحة والمسامح كريم

[OmaR_FekrY]

محمد باشا

لية ياباشا بس هو فية حد زعلك

يعنى تبقى انت ومحمد ممدوح هو فية اية ياجماعة

خلاص ياجماعة وانا كمان زعلان

لا بقى لو انتوا زعلانين انا كمان هزعل و نخربها و نجيب ضرفها

انا الحمد لله كلمت محمد ممدوح واطمنت علية

واقنعتة انة يكمل معاكوا الاسئلة من اول يوم السبت ان شاء الله لان بكرة دة يوم السؤال بتاعى

عموما يارجالة نتمنى الاتى :

1- الاجابة يجب ان تكون كاملة يعنى مثال نوع العربية يتكتب صح , والموديل بتاعها يبقى صح

2- النتيجة ستكون لصالح المشاركة التى تمت كتابتها الاول اذا كانت صحيحة


دلوقتى ياجماعة الاسئلة اللى بتبقى مطروحة اسئلة عامة يعنى مش فنية والناس بتبقى موجودة ماشاء الله ربنا يزيد ويبارك وفى الاخر نلاقى 3 او 4 مشاركات بس هما اللى ردوا من 30 مشاهدة هل الكلام دة ينفع ؟؟؟؟؟؟؟؟؟؟؟؟؟؟؟؟

المسابقة دية معمولة عشان نزود دخول الاعضاء مش عشان يتفرجوا بس كالعادة , عموما نتمنا ان يكون فية اهتمام اكتر من كدة ياجماعة

وكل سنة وانتم طيبين

يا سمسم عدد المشاهدات الكتير دى علشان يا بتوصل متأخر مبتلحقش ... يا الاسئله بتبقى صعبه !! بس :)

فكرة المسابقة جميلة وعجبانى بجد بس المشكلة انى دايما بدخل متأخر للاسف وبلاقى الشباب كلهم جاوبوا ومبلحقش عشان كده للاسف مش بعمل ردود فى موضوع المسابقات
بس فكرة حلوة وياريت تستمر

+1

[SAMEH_FOUAD]

خلاص ياجماعة عشان احل مشكلة الوقت دية

المسابقة هيبقى ميعادها الساعة الخامسة مساءا يوميا عشان الكل يبقى موجود

كدة متهيألى الموضوع بقى احلى شوية