استفسار مهم :)

[XxMaDaxX]

السلام عليكم
كنت عايز استفسر عن حاجة
ايه احسن...هوندا سيفيك بيسك ولا مازدا 3 هاي لاين
ويا ريت الرد بموضوعية

[Ghost2]

هوندا طبعا بدون تفكير .. وده عشان الاعتمادية ... مش عشان الكماليات .. شوف السيفيك التسعينات .. وشوف مازدا 3 2008 هتلاقي الهوندا عمرها ما بتعجز علطول شباب

[SAMEH_FOUAD]

شوف ياباشا دلوقتى بالنسبة للمازدا 3 والسيفيك عشان اقارنلك بموضوعية

من حيث قوة المحرك : طبعا السيفيك

الاعتمادية : الاتنين ممتازين

الثبات : الاتنين ممتازين وان كنت اميل الى السيفيك لانها افضل من ناحية الايروداينمك

استهلاك البنزين : متقاربين جدا

الرحابة : السيفيك كويسة مش واسعة اوى ولا ضيقة مظبوطة لكن المازدا ضيقة جدا

الخامات : السيفيك طبعا بدون شك

التكييف : السيفيك والمازدا كويسين جدا

الكماليات : المازدا تكسب

قيمة مقابل السعر : هيبقى ليها وجهتين لو انت اللى يهمك الثبات والقوة والاعتمادية يبقى الهوندا ادفع فيها وانت مطمن , لكن لو بتبص من ناحية الاوبشن يبقى المازدا تكسب

وخلى بالك ان اغلى فئة فى المازدا 161 الف تقريبا يعنى بسعر الفاضية من السيفيك

بس هتستغنى عن الاوبشن مقابل ( القوة , الثبات , الاعتمادية )

وفى الاخر القرار يرجعلك انا قولتك الفروقات مابينهم ولك الاختيار

بس عموما انا لو مكانك السيفيك بكل ثقة وانا مش مهم عندى الاوبشن لانة اكيد مش هستخدمة الا نادرا لكن اللى بتستخدمة قوة محرك ثبات راحة , رحابة وطبعا وسائل الامان متوافرة سواء baseline او high line

[XxMaDaxX]

انا متشكر جدا ليكم و لاستاذ سمسم على الرد التفصيلي
و ان شاء الله تبقى العربية الاحسن من نصيبي...بس سؤال اخير...هي الفاضية من السيفيك الكماليات اللي فيها وحشة ولا كويسة وتمشي الحال

[Ghost2]

لا كماليتها كويسة طبعا .. الزيادة في الفئات الاعلى انا بصنفة اكسسوار مش كماليات .. وعموما انت هتستمتع بيها جدا ومش هتحس انها فاضية وصلي استخارة وتوكل على الله

[Mahmode]

هيا مش فاضية أوي يعني. فيها مثبت سرعة إزاز ومرايات كهربا. فتيس أوتو. باور سنتر ريموت. وخلي بالك باقي الكماليات تعرف تركبها على راحتك بعدين على قد احتياجك. أنا شايف المهم فيهم الجنوط (ّحوالي 8-10آلاف جنيه)وفوانيس الشبورة(حوالي 2000جنيه) وتحكم الكاسيت من الطارة (حوالي 900-1000جنيه).

[SAMEH_FOUAD]

هو اهم فرق مابين ال lxi , vti هو نظام ال
vsa ( vehicle stability assistance) او نظام الثبات المساعد
ودة طبعا نظام مهم جدا لثبات السيارة على المنحنيات الحادة

وغير multi function , sun roof , leather seats
دية تعتبر اهم الحاجات اللى بتبقى بتميز ال vti عن ال lxi

[Yones]

شوف ياباشا دلوقتى بالنسبة للمازدا 3 والسيفيك عشان اقارنلك بموضوعية

من حيث قوة المحرك : طبعا السيفيك

الاعتمادية : الاتنين ممتازين

الثبات : الاتنين ممتازين وان كنت اميل الى السيفيك لانها افضل من ناحية الايروداينمك

استهلاك البنزين : متقاربين جدا

الرحابة : السيفيك كويسة مش واسعة اوى ولا ضيقة مظبوطة لكن المازدا ضيقة جدا

الخامات : السيفيك طبعا بدون شك

التكييف : السيفيك والمازدا كويسين جدا

الكماليات : المازدا تكسب

قيمة مقابل السعر : هيبقى ليها وجهتين لو انت اللى يهمك الثبات والقوة والاعتمادية يبقى الهوندا ادفع فيها وانت مطمن , لكن لو بتبص من ناحية الاوبشن يبقى المازدا تكسب

وخلى بالك ان اغلى فئة فى المازدا 161 الف تقريبا يعنى بسعر الفاضية من السيفيك

بس هتستغنى عن الاوبشن مقابل ( القوة , الثبات , الاعتمادية )

وفى الاخر القرار يرجعلك انا قولتك الفروقات مابينهم ولك الاختيار

بس عموما انا لو مكانك السيفيك بكل ثقة وانا مش مهم عندى الاوبشن لانة اكيد مش هستخدمة الا نادرا لكن اللى بتستخدمة قوة محرك ثبات راحة , رحابة وطبعا وسائل الامان متوافرة سواء baseline او high line

بجد مفيش كلام فعلا بعد كده
+1000

[hany63]

اهم كماليه فى vti الشيفت اللى فى الطاره وبصراحه انا شايفه حاجه مهمه عشان بيخلى النقله تنزل بسرعه و نعومه بمجرد اللمس وكمان تقدر تثبت الرابع انما lxi ما تقدرش تثبت الرابع اخرك d3
و طبعا الزينون الاصلى احسن مية مره من التركيب