السحب قرفنى !!

[OmaR_FekrY]

مساء الفل عليكوا يا عصابه
دلوقتى انا عندى مشكله كبيره فى السيتى
من حوالى سنتين لما العربيه جت
كان سحبها فوق الممتاز و هاديه
و صوتها ناعم
و Rpm دايما واطى حتى مع السرعات العاليه
و كنت بجمع بيها لل 180 مرتاح جدا
مرت الايام
و من حوالى اسبوع كده فتحت الكبوت و فكيت فلتر الهواء
( K&N original with kit )
و غسلته و نشفته و كله تمام و ركبته تانى زى م كان
و من يومها
و العربيه زى الزفت فى السحب و التجميع
و لما تجيب ال 130 ببقى حاسس انها هتفرقع
و rpm بيبقى على 3 و نص مثلا
و صوتها عالى على السلانسيه

و يوم الاقى ال rpm على 900 اللى هو العادى و يوم الاقيه معدى ال 1 بشويه
انا خلالالاص هتجنن و بدأت اكره العربيه

شفولى حل الله يخليكوا علشان لو فضلت كده
هبيعهـــــــــا

[tarekzein]

ياعمر يافكرى

انت بتجاوب نفسك

فلتر الهوا مبتغسلش بالميه

بيتنفض بالهوا بس

وطبيعى يتسد لما يتغسل لأنك بتقفل المسام بتاعته

غير الفلتر وشوف النتيجه

[hany63]

فلتر k&n ليه 2 سبراى واحد ترش الفلتر وهو متوسخ لمدة 5 دقائق وبعدين تشطفه بالميه والثانى ترش بيه الفلتر بعد ما ينشف عشان ياخد طبقة الزيت الاصليه والطقم بيتباع عند عادل وجدي فى الحرفيين ب 120 جنيه او تخليه يعمله ب 20 جنيه فى المره

[eng_maged]

ممكن اعرف حضرتك جايب الفلتر ال k&n منين وبكام والسيتي اللي معاك الشكل القديم ولا الجديد وهل فرق معاك ولا لا

[OmaR_FekrY]

ياعمر يافكرى

انت بتجاوب نفسك

فلتر الهوا مبتغسلش بالميه

بيتنفض بالهوا بس

وطبيعى يتسد لما يتغسل لأنك بتقفل المسام بتاعته

غير الفلتر وشوف النتيجه

لا انا غسلته بالحاجات بتاعته الاسبراى يعنى بس محططتش التانى اللى هو زى الزيت كده ده و غالبا بيبقى لونه احمر :)

فلتر k&n ليه 2 سبراى واحد ترش الفلتر وهو متوسخ لمدة 5 دقائق وبعدين تشطفه بالميه والثانى ترش بيه الفلتر بعد ما ينشف عشان ياخد طبقة الزيت الاصليه والطقم بيتباع عند عادل وجدي فى الحرفيين ب 120 جنيه او تخليه يعمله ب 20 جنيه فى المره

ايوه م هو ده يا باشا انا عملت الكلام ده كان واحد صاحبى جايبهم و قال يجرب فياا :)

ممكن اعرف حضرتك جايب الفلتر ال k&n منين وبكام والسيتي اللي معاك الشكل القديم ولا الجديد وهل فرق معاك ولا لا

لا هو حضرتك العربيه كانت جايه بيه كامل بكل حاجته و اللى معايا سيتى 2005 و بالنسبه لموضوع الفرق انا مجربتش قبل كده عربيه منه بس بالفلتر العادى ... بس مره كنت سوقت سيتى 2005 مانيوال و بالفلتر الاصلى ( بتاع العربيه يعنى ) و محستش بقرف يمكن كمان عربيتى كانت فايقه اكتر عنه ... بس للاسف معرفش حصلها ايه

[Mik_t4]

مش عارف بصراحة بس هو اكيد الفلتر
جرب تمشي من غيرة هههههههههههههه

[OmaR_FekrY]

مش عارف بصراحة بس هو اكيد الفلتر
جرب تمشي من غيرة هههههههههههههه

لا يبقى استحمل السحب احسن ههههههههههههههههه

[Mik_t4]

هههههههههههههههههه صدقني ممكن تعملها تجرب السحب بس
تكون في مكان نضيف مفيهوش تراب وكدا
وتفكة وتسحب مرة او 2 اكيد هتحس بالفرق في الطلعة ولو خايف اوي ممكن تحط قماشة قطن خفيفة علي الماسورة الي بيركب عليها الفلتر وتجرب سحبة كدا ولا 2 لو من الطلعة حسيت ان في تغيير يبق الفلتر خانقها
لو نفس النظام يبق دور علي حاة تانية

[OmaR_FekrY]

هههههههههههههههههه صدقني ممكن تعملها تجرب السحب بس
تكون في مكان نضيف مفيهوش تراب وكدا
وتفكة وتسحب مرة او 2 اكيد هتحس بالفرق في الطلعة ولو خايف اوي ممكن تحط قماشة قطن خفيفة علي الماسورة الي بيركب عليها الفلتر وتجرب سحبة كدا ولا 2 لو من الطلعة حسيت ان في تغيير يبق الفلتر خانقها
لو نفس النظام يبق دور علي حاة تانية

فكره برضو حوار حته القماش دى :))

[Mik_t4]

انا بيتهيالي الواحد يجيب الكمامة الطبية الي بتتحط علي الوش دي ايام الاوبئة ويحطها علي ماسورة الفلتر
دي بتمنع الفايرس يدخل مش هتمنع التراب؟؟؟ ولا فلتر ولا وجع دماغ والموتور هياخد هوا براحتة ولما تبوظ تتغير ب 2 جنية باين ههههههههههههههه

[OmaR_FekrY]

انا بيتهيالي الواحد يجيب الكمامة الطبية الي بتتحط علي الوش دي ايام الاوبئة ويحطها علي ماسورة الفلتر
دي بتمنع الفايرس يدخل مش هتمنع التراب؟؟؟ ولا فلتر ولا وجع دماغ والموتور هياخد هوا براحتة ولما تبوظ تتغير ب 2 جنية باين ههههههههههههههه

لا كانز بيبسى و اخرمها حتى كمان تعمل صوت :)) بس دى غاليه ب 2.5 ههههه

[Mik_t4]

لا كانز هتدخل تراب ههههههههههههههههههههه