استفسار بخصوص ابيع ولا اظبط هوندا سيفيك 1993

[WeCa]

السلام عليكم

انا اشتركت في المنتدي دا النهرده وبصراحه ابهرني 3 حاجات
أولا : حب الناس في تعاونها مع بعض
ثانيا : ان الناس دي فاهمه يعني ايه هوندا كويس قوي
ثالثاً : السرعه في الردود والاستفسارات الهادفه

لاكن عندي استفسار بسيط
انا عندي عربيه هوندا سيفيك موديل 1993
فابريكه بره وجوه , ومعايا من حوالي 11 سنه , مش بستهلكها كتير " اغلب استهلاكها في السفر " والوالد مش بيسافر كتير , الحج شدها من حوالي 4 سنين كده وغير 4 باب + سنتر لوك + 2 اكصدام + عفشه كامله

حالياً ابيعها ولا اظبط فيها ؟؟ ايهما احسن ؟؟ ولو ظبطها كامله هتكلفني كام ؟؟
تظبيط موتور + عفشه كامله + سمكره + اكصدامات وكساحات + فرش وعدادات واللذي منه

ولو بعتها هتعمل كام علي حالتها دي ؟؟
العربيه حاليا حالتها كويسه جدا وحصان علي الارض , لاكن فيها تقشير في الاكصدامات + عضعضه خفيفه في الرفارف يعني تكتفي بسمكري ورش + شغل عفشه

مع انها ما اترشيتش ولا بره ولا جوه

[WeCa]

نسيت اقول حاجه , التابلوه مفهوش خدتجريحات ولا تقطيمات , الموتور اللي في العربيه كاربيراتير مش انجيكشن
الطاره مش باور ,
ودي كل حاجه علشان اكون صريح في كلامي

عاوز اعرف هتكلفني كام في تظبيطها تظبيطات " كامله " او اعرف سعرها هيجيب كام لو بعتها علي حالتها دي؟؟

[Ghost2]

كاملة وهترضيك وهتركب عربية سبور من حوالي 5 الي ست الاف جنيه وده شامل المصنعيات طبعا .. وخليك معانا واحنا هنقولك تجيب حاجتك منين وتروح لصنايعية مين عشان تستلم عربيتك مفيهاش غلطة

[SAMEH_FOUAD]

اهلا بيك معنا انت كدة معاك سيفيك el

وعموما انت بتقول ان والدك لسة مظبط العفشة من اربع سنين يعنى العفشة لسة جديدة لان لو انت جيبت العفشة الاصلية هتعيش كمان 10 سنين او ازيد وبعد كدة تبتدى تغير

عموما طبعا الهوندا لا يعلى عليها فى كل حاجة بس انت لو عايز تركب عربية صح يبقى ظبطها واحنا معاك لو عايز اى استفسارات

[WeCa]

اولا انا عاوز اغير موتور واجيب موتور VTec انجيكشن , وده سألت عليه في الحرفيين عمل 7 الاف جنيه بالضفيره والموتور ال SIR عامل 15 الف جنيه بالضفيره , يعني 6 الاف غير الموتور ؟؟ + ان انا سألت علي علبة الدريكسيون كامله ب 2800 جنيه في المعادي - لان انا عاوز اقلب الطاره باور

سألت واحد قالي تكلف حوالي 15 الف جنيه تظبيطات

[WeCa]

ولو فكرت اني اشتري نص قدام واعمله نظام حشو , لاكن موتور النص يبقي فيتيك هيكلفني كام ؟؟ وهل مع نظام النص القدماني هضطر برضه اني اغير علبة الدريكسيون علشان الباور ؟؟

[wildwest100]

لو قلنا مكنة يبقى sir مثلا تعمل 7000 او 8000 اتوماتك
دوكو وسمكرة دى انتا وشطارتك فى الفصال مع الصنايعية ونوعية الدوكو اللى هتشتريها
الرفايع التانية دى تدخلها فى 2000 او 3000 لو قلنا هتجيب كشافات عدسات قدام ووروا وكساحات وفلتر اسبور وماسورة وزينون
نيجى بقا للجنوط بردو لازم تحدد انتا هتركب جنط مقاس كام لانو هيفرق فى الفلوس والكاوتش

[Mik_t4]

شدها يا باشا هو حد لاقيها دلوقت؟؟؟؟؟
والاسعار الي انت سالت عليها دي تقريبا مبالغ فيها

[WeCa]

اسعار المواتير دي جبتها من ناس في الحرفيين , متخصصين مواتير هوندا

[SAMEH_FOUAD]

محرك b16a ( SiR اتوماتيك ب7000 الاف جنية كامل + العفشة كمان
ونفس المحرك بس مانيوال بيعمل 10 الاف جنية

علبة الدركسيون كاملة 1200 جنية من غير البارات ب900 جنية

طلمبة الباور سعرها 175 جنية , خزنة زيت الباور ب75 جنية , الخراطيم الخاصة بعلبة الباور ب 200 جنية

عايز اى حاجة قبل ماتشترى اسالنا هنا هنوجهك صح بإذن الله

[Mik_t4]

محرك b16a ( sir اتوماتيك ب7000 الاف جنية كامل + العفشة كمان
ونفس المحرك بس مانيوال بيعمل 10 الاف جنية

علبة الدركسيون كاملة 1200 جنية من غير البارات ب900 جنية

طلمبة الباور سعرها 175 جنية , خزنة زيت الباور ب75 جنية , الخراطيم الخاصة بعلبة الباور ب 200 جنية

عايز اى حاجة قبل ماتشترى اسالنا هنا هنوجهك صح بإذن الله

ايوة كدا الاسعار دي واقعية