المسابقة الرمضانية رقم 20

[SAMEH_FOUAD]

يارب يعنى المرة دية الاقى حد جاوب والله ماهيبقى السؤال اسهل من كدة



المطلوب :

العربية دية هوندا موديل اية ..........؟ واول انتاج تسويقى ليها سنة كام ..........؟

والمحركات المتوافرة بالقوة الحصانية ...........؟

[Hamdy Masria]

الصورة ملامحها ضايعة خالص

[OmaR_FekrY]

هوندا اكورد هاتش باك موديل 1990 و كان اول انتاج تسويقى ليها كان 1978

و كان فى منها محركات
1800
2000
2200
بس مش عارف كام hp !!

[Yones]

هيا فعلا شكلها كده هوندا اكورد الجيل التالت اللى فيها فوانيس متخفية
وكان انتاجها التسويقى من 1986-1989 (بالنسبة للجيل التالت)-(سيدان)
ونزلت بمحركات
1.6L A16A1 I4, 88 hp
1.8L A18A I4, 110 hp
1.8L B18A I4, 100 hp
2.0L A20A1/A20A2 I4, 98 hp
2.0L A20A3/A20A4 I4, 120 hp
2.0L B20A I4, 160 hp
2.0L B20A2 I4, 142 hp
2.0L B20A8 I4, 133 hp
المشكلة بقى فى الجيل التالت من الاكورد يشبه الجيل التانى من البريليود ففيه احتمال ضعيف انها تبقى بريليود الجيل التانى (1983-1987) بس انا برجح انها تبقى اكورد الجيل التالت عشان البريليود نزلت كوبيه بس

[SAMEH_FOUAD]

يعنى اعمل اية تانى اجيبلكوا السؤال ومعاة الاجابة والله حرام عليكوا بجد حتى المجهود مش عايزين تعملوة

عموما الاجابة : honda concerto



اللى عايز يعرف بقيت الاجابة يدخل يدور عليها

واعتقد ان الصورة قريبة جدا من صورة السؤال

وعموما دة كان اخر سؤال خلاص مش هحط اسئلة تانى

ربنا يقومكوا بالسلامة

[Yones]

يعنى اعمل اية تانى اجيبلكوا السؤال ومعاة الاجابة والله حرام عليكوا بجد حتى المجهود مش عايزين تعملوة

عموما الاجابة : honda concerto



اللى عايز يعرف بقيت الاجابة يدخل يدور عليها

واعتقد ان الصورة قريبة جدا من صورة السؤال

وعموما دة كان اخر سؤال خلاص مش هحط اسئلة تانى

ربنا يقومكوا بالسلامة

بصراحة ياسمسم انا اول مرة فى حياتى اسمع عن honda concerto بس كده الصورة وضحت جدا عن الصورة بتاعت السؤال وهيا بالشكل ده تشبه السيفيك الجيل الرابع بس الزجاج الخلفى والشنطة بتاعتها تختلف
بس عامة ياسمسم متزعلش نفسك كده بالعكس والله المسابقة اصلا فكرتها حلوة ومش معنى اننا موصلناش للحل الصح يبقى المسابقة مالهاش قيمة او مجهودك ضاع
اتمنى انك تستمر واحنا معاك ياسمسم

[SAMEH_FOUAD]

والله هية الناس لو حاولت هقدر اعرف ان فعلا فية مجهود بيتعمل لكن 38 مشاهدة ومافيش غيرك انت وعمر فكرى اللى بتجاوبوا اكيد طبعا ماينفعش

وعموما هية الناس مش عارفة ان المسابقة دية لية هدف تانى وهو معرفة معلومات عن سيارات هوندا اول مرة الناس تعرفها وتشوفها وتسمع عنها بدل ماهما الهوندا عندهم ( سيفيك واكورد )

عموما معلش ياباشا كان نفسى اكمل والله بس صدقنى خلاص وان شاء الله كمان مش هتقف على المسابقة دية وبس لأ مشاركاتى هتقل جدا لان فعلا حرام لما من اول رمضان لحد انهاردة المواضيع زى مهية والمشكلة ان الناس موجودة فى القسم طيب اية اللى مانعم والمسألة مش محتاجة حاجات فنية عشان محدش يرد وبعدين ماتقنعنيش ان كل السنين دية ومحدش اكتسب خبرة او فهم اى حاجة

وانا كلمت محمد ممدوح وقولتلة انى وقفت المسابقة وهو لو عايز يكملها هيكملها هو

[Yones]

والله هية الناس لو حاولت هقدر اعرف ان فعلا فية مجهود بيتعمل لكن 38 مشاهدة ومافيش غيرك انت وعمر فكرى اللى بتجاوبوا اكيد طبعا ماينفعش

وعموما هية الناس مش عارفة ان المسابقة دية لية هدف تانى وهو معرفة معلومات عن سيارات هوندا اول مرة الناس تعرفها وتشوفها وتسمع عنها بدل ماهما الهوندا عندهم ( سيفيك واكورد )

عموما معلش ياباشا كان نفسى اكمل والله بس صدقنى خلاص وان شاء الله كمان مش هتقف على المسابقة دية وبس لأ مشاركاتى هتقل جدا لان فعلا حرام لما من اول رمضان لحد انهاردة المواضيع زى مهية والمشكلة ان الناس موجودة فى القسم طيب اية اللى مانعم والمسألة مش محتاجة حاجات فنية عشان محدش يرد وبعدين ماتقنعنيش ان كل السنين دية ومحدش اكتسب خبرة او فهم اى حاجة


وانا كلمت محمد ممدوح وقولتلة انى وقفت المسابقة وهو لو عايز يكملها هيكملها هو

انا مقدر والله ياسمسم كل اللى بتقوله وحاسس بيه برضه بس اهو احنا بنحاول على الاقل اننا ننمى القسم بالمشاركات والغرض من المسابقة مفهوم وهو تجميع معلومات مفيدة عن انواع كتير مختلفة من الهوندا ومش منتشرة فى الاسواق المصرية اللى متعرفش غير السيفيك بس مش الاكورد كمان وانا مقدر مجهودك والله ومش عايزك تحبط نفسك
وبالنسبة لرمضان الوضع نايم اكيد عارف الصيام وصلاة القيام والناس مش نشيطة لكن بعد رمضان ان شاء الله نفوق القسم حتى لو يكون اقل عدد منا نواة التجديد ياسمسم ونجذب الاعضاء حوالينا فى الموضوعات الجديدة

[SAMEH_FOUAD]

انا مقدر والله ياسمسم كل اللى بتقوله وحاسس بيه برضه بس اهو احنا بنحاول على الاقل اننا ننمى القسم بالمشاركات والغرض من المسابقة مفهوم وهو تجميع معلومات مفيدة عن انواع كتير مختلفة من الهوندا ومش منتشرة فى الاسواق المصرية اللى متعرفش غير السيفيك بس مش الاكورد كمان وانا مقدر مجهودك والله ومش عايزك تحبط نفسك
وبالنسبة لرمضان الوضع نايم اكيد عارف الصيام وصلاة القيام والناس مش نشيطة لكن بعد رمضان ان شاء الله نفوق القسم حتى لو يكون اقل عدد منا نواة التجديد ياسمسم ونجذب الاعضاء حوالينا فى الموضوعات الجديدة

ياباشا احنا الكلام دة بنقولة من قبل رمضان بكتير ومافيش فايدة مع ان المفروض ان مواعيد الشغل بتقل واى واحد بيرجع بالكتير من الشغل الساعة 4 عصرا هينام هيقوم على الفطار وعندة ساعة قبل صلاة القيام , وعندهم الوقت من الساعة 1 بليل لحد الفجر فاضيين , ادى يوم اى واحد فى رمضان , لو خد من وقتة نصف ساعة فقط مايعملش فيها مشاركتين ثلاثة فى اى موضوع وتخيل بقى لو كل واحد فينا عمل مشاركتين ثلاثة هيبقى القسم عامل ازاى .

وبعدين انت عارف ان الموضوع دة يتقال لو انت مش لاقى حد متواجد فى القسم لكن بسم الله ماشاء الله تلاقى المتواجدين اكتر من عشرين واحد والمشاركات زى ماهية من اول رمضان
قولنا نعمل مسابقات ولا الدموع لان حجتهم الاول الاسئلة الفنية مالناش دعوة بيها ومش هنعرف نشخص اعطال او نقول اسعار والكلام دة , طيب بعدنا عن دة كلة واصبح الكلام دة مش محتاج غير مجهود منك بسيط على صفحات النت عشان تدور على الاجابة ( اعتقد دة ابسط حاجة ) موجودة وبردة نفس الكلام الحلقة محدش بيرد عليها غير 2 بالعدد و43 مشاهدة ( دة ينفع ) فيها اية لو يجرب هو لازم يقول الاجابة صح لإئما مايقولش خالص هو احنا عاملين خاصية الاجابة الواحدة فقط ولا ممكن تقول اكتر من اجابة اهم حاجة يكون جيبت الاجابة الاول

عموما ياباشا انا بس بتكلم كدة عشان حاجة واحدة ان الاقسام كلها بيتفاعلوا ومنشطين القسم بتاعهم واحنا زى ماحنا مافيش جديد لدرجة ان الناس بتمل من القسم دة لما بتدخل فية وانا اول واحد

واكيد انت عارف احنا اتكلمنا قد اية فى الموضوع دة وبردة مافيش فايدة

دة حتى موضوع المقابلة اللى عملة عمر فكرى محدش رد علية غير 3 او اربعة , والناس تدخل حتى ماتقولش كلمة اعتذار عن المقابلة يعنى يحسسونا انهم موجودين معانا مش ضيوف شرف ليس اكتر ( كل واحد عندة مشكلة يقولها وتتحل ) خلاص يبقى مايعرفش المنتدى ولا لية دعوة بية

انا والله بقيت بدخل على الاقسام التانية لانى فعلا بحس ان فيها ناس بتتكلم وبتشارك سواء بقى عندهم معلومات او ماعندهمش ( وللاسف القسم دة بقى القسم الثانوى اللى بدخل علية بعد ماكان القسم الاساسى )

اعتقد كدة كفاية واسف معلش طولت عليك

[SAMEH_FOUAD]

فى المشاركات دية الاستاذ تامر عامل موضوع بيسال فية على اسعار حاجات اعتقد انها بقت معروفة للاغلبية وشوف الموضوع اتعمل امتى وكام مشاهدة وللاسف النتيجة 0 فى الرد ( فية قسم كدة )

وشوف المسابقة رقم 20 وصلت ل53 مشاهدة واللى رد 2 فقط هل دة يعقل او ينفع



اسيبك مع الصور

[OmaR_FekrY]

والله هية الناس لو حاولت هقدر اعرف ان فعلا فية مجهود بيتعمل لكن 38 مشاهدة ومافيش غيرك انت وعمر فكرى اللى بتجاوبوا اكيد طبعا ماينفعش

وعموما هية الناس مش عارفة ان المسابقة دية لية هدف تانى وهو معرفة معلومات عن سيارات هوندا اول مرة الناس تعرفها وتشوفها وتسمع عنها بدل ماهما الهوندا عندهم ( سيفيك واكورد )

عموما معلش ياباشا كان نفسى اكمل والله بس صدقنى خلاص وان شاء الله كمان مش هتقف على المسابقة دية وبس لأ مشاركاتى هتقل جدا لان فعلا حرام لما من اول رمضان لحد انهاردة المواضيع زى مهية والمشكلة ان الناس موجودة فى القسم طيب اية اللى مانعم والمسألة مش محتاجة حاجات فنية عشان محدش يرد وبعدين ماتقنعنيش ان كل السنين دية ومحدش اكتسب خبرة او فهم اى حاجة

وانا كلمت محمد ممدوح وقولتلة انى وقفت المسابقة وهو لو عايز يكملها هيكملها هو

للاسف يا يونس كل كلمه قايلها سامح صح ميه فى الميه لدرجه ان باقى الاقسام بقت تتريق علينا
طيب انا النهارده منزلتش من البيت غير ساعه و قاعد طول اليوم فاتح المنتدى و الله مليش نفس اكتب مشاركه واحده من اللى شايفه قدامى و نزلت الساعه دى اودى العربيه للميكانيكى و سامح يعرف كميه المشاكل اللى عندى فى العربيه قد ايه و اهو رجعت لقيت القسم هو هو .. وده بالرغم من انى عايز اسالكوا فى حاجات كتيير جدا محتاجها بس جربت من اسبوع اعمل موضوع جديد كل يوم حتى لو تافه و ملوش لزمه زى انى اسال عن ظغط الكاوتش يتظبط على كام بس برضو نسبه مشاهده عاليه و رد واحد !!! ليه ؟!

[Yones]

ياباشا احنا الكلام دة بنقولة من قبل رمضان بكتير ومافيش فايدة مع ان المفروض ان مواعيد الشغل بتقل واى واحد بيرجع بالكتير من الشغل الساعة 4 عصرا هينام هيقوم على الفطار وعندة ساعة قبل صلاة القيام , وعندهم الوقت من الساعة 1 بليل لحد الفجر فاضيين , ادى يوم اى واحد فى رمضان , لو خد من وقتة نصف ساعة فقط مايعملش فيها مشاركتين ثلاثة فى اى موضوع وتخيل بقى لو كل واحد فينا عمل مشاركتين ثلاثة هيبقى القسم عامل ازاى .

وبعدين انت عارف ان الموضوع دة يتقال لو انت مش لاقى حد متواجد فى القسم لكن بسم الله ماشاء الله تلاقى المتواجدين اكتر من عشرين واحد والمشاركات زى ماهية من اول رمضان
قولنا نعمل مسابقات ولا الدموع لان حجتهم الاول الاسئلة الفنية مالناش دعوة بيها ومش هنعرف نشخص اعطال او نقول اسعار والكلام دة , طيب بعدنا عن دة كلة واصبح الكلام دة مش محتاج غير مجهود منك بسيط على صفحات النت عشان تدور على الاجابة ( اعتقد دة ابسط حاجة ) موجودة وبردة نفس الكلام الحلقة محدش بيرد عليها غير 2 بالعدد و43 مشاهدة ( دة ينفع ) فيها اية لو يجرب هو لازم يقول الاجابة صح لإئما مايقولش خالص هو احنا عاملين خاصية الاجابة الواحدة فقط ولا ممكن تقول اكتر من اجابة اهم حاجة يكون جيبت الاجابة الاول

عموما ياباشا انا بس بتكلم كدة عشان حاجة واحدة ان الاقسام كلها بيتفاعلوا ومنشطين القسم بتاعهم واحنا زى ماحنا مافيش جديد لدرجة ان الناس بتمل من القسم دة لما بتدخل فية وانا اول واحد

واكيد انت عارف احنا اتكلمنا قد اية فى الموضوع دة وبردة مافيش فايدة

دة حتى موضوع المقابلة اللى عملة عمر فكرى محدش رد علية غير 3 او اربعة , والناس تدخل حتى ماتقولش كلمة اعتذار عن المقابلة يعنى يحسسونا انهم موجودين معانا مش ضيوف شرف ليس اكتر ( كل واحد عندة مشكلة يقولها وتتحل ) خلاص يبقى مايعرفش المنتدى ولا لية دعوة بية

انا والله بقيت بدخل على الاقسام التانية لانى فعلا بحس ان فيها ناس بتتكلم وبتشارك سواء بقى عندهم معلومات او ماعندهمش ( وللاسف القسم دة بقى القسم الثانوى اللى بدخل علية بعد ماكان القسم الاساسى )

اعتقد كدة كفاية واسف معلش طولت عليك

لا ياسمسم مفيش تطويل ولاحاجة بالعكس انا كمان معاك فى كل كلامك ومتفق معاك واكيد فاكر لما بعتلك رسالة بخصوص افكار تطوير المنتدى بالمواضيع الجديدة ومحاولتى لعرض افكار جديدة لكن محدش اهتم للاسف مع انى والله اتمنى القسم ده يبقى افضل قسم وصدقنى انا عانيت برضه من نفس الموضوع ايام دراستى فى الكلية لما فكرت مع اصحابى اننا نعمل منتدى خاص بدفعتنا نعرض فيه خدمات للدفعة ده غير منتديات عامة فى كل المجالات عانينا كتير جدا فى الاول من قلة المشاركات وان محدش بيدخل ولا بيتابع ولا بيهتم بس شوية شوية الحمد لله عملنا جذب للناس فى المنتدى وابتدوا يشاركوا والمشاركات بقت بمعدل معقول
بص ياسمسم رأيى اننا لو فكرنا نعمل اى فكرة جديدة وجذابة شوية ونبتديها سوا ومجموعة الاعضاء النشيطين ممكن نعمل تغيير بس محتاجة صبر وفى الاخر يبقى عملنا كل اللى علينا وانا متاكد انك مقصرتش فى المنتدى

للاسف يا يونس كل كلمه قايلها سامح صح ميه فى الميه لدرجه ان باقى الاقسام بقت تتريق علينا
طيب انا النهارده منزلتش من البيت غير ساعه و قاعد طول اليوم فاتح المنتدى و الله مليش نفس اكتب مشاركه واحده من اللى شايفه قدامى و نزلت الساعه دى اودى العربيه للميكانيكى و سامح يعرف كميه المشاكل اللى عندى فى العربيه قد ايه و اهو رجعت لقيت القسم هو هو .. وده بالرغم من انى عايز اسالكوا فى حاجات كتيير جدا محتاجها بس جربت من اسبوع اعمل موضوع جديد كل يوم حتى لو تافه و ملوش لزمه زى انى اسال عن ظغط الكاوتش يتظبط على كام بس برضو نسبه مشاهده عاليه و رد واحد !!! ليه ؟!

كلامك صح ياعمر بس اعتقد اننا نصبر شوية لان لو انسحبنا من المنتدى وسيبناه يبقى معملناش حاجة وابقى طمنا عملت ايه فى عربيتك وايه اخر التطورات وبجد اوعى تفرط فى الاكورد عشان مش هتلاقى زيها انا عارف ان قطع غيارها قليلة وغالية بس بجد مميزة جدا ومحترمة قوى

[Ghost2]

بجد القسم بقى في النازل .. بس عايزين نعمل خطه انا سمسم وممدوح ونبيل وعمر ووائل امام والناس الموجودة دايما اننا نرجع القسم زي زمان .. وقريب ان شاء الله هنبقى انشط قسم في المنتدى