Hrv

[fishoobetary]

ايه رأيكو في ال
hrv
موديل
2005
؟؟؟؟؟

[hazem_zeta]

يا ريت حد يقول لنا اخبار العربية دى ايه علشان عايز اشتريها وبالنسسبة لسعرها ايه و قطع الغيار متوفرة فين و اسعارها ايه

[wellfine]

بص يا مان
العربيه ديه تقريبآ محدش يعرف عنها حاجه غير معلومات عامه ديه هتلاقيها عند سمسم
بس حد فينا هيكون جربها تقريبآ كده مش هتلاقي
المهم انا كنت عند مسعد و عدلي ( ميكانيكي هوندا فى الحرفيين) و كان بتكلم مع واحد عنده العربيه hrv المهم كان بيقلوه العربيه مبتسحملش الجري و ضعيفه, ده الانا سمعته عنها
نصيحه مني بلاش مش عشان الانا بقوله عشان العربيه ديه مش معروفه حتي عندنا مبالك بال الفي الشارع

[tarekzein]

والله أنا ركبيتها قبل كده مع زميل

بس معلوماتى مش هتفيدك كتير

المهم وفرة قطع الغيار وسعرها

قوة الموتور والعفشه

بالنسبالى لما ركبتها كانت تجربه مميزه

موتور هادى وقوى

عفشه ناعمه فى مطبات الصحراء

تكييف برررررررررد بجد

صالون واسع نسبيا

بس برده ده مش تقييم

ده مجرد إنطباع عنها

[memoo_1st]

بلاااااااااااااااااااااااااااااااااااااااااااااااا اااااااااااااش تجيبها.
بص يا باشا هيا عربية ممتازة وتوكيل محترم وخامات من جوة جميلة بس العربية دي نازلة من المصنع فيها عيب في الفتيس وبتغيرة وتجيب فتيس تاني.
والفتيس ب 39000 جنية فبلاش منها احسن.

[HISHAM80]

في حضرتك موضوع قديم عن العربيه في المنتدى حضرتك دور عليه بس على ما أفتكر كان بيشتكي منها

[SAMEH_FOUAD]

اولا اهلا بيك ياباشا معانا

بالنسبة مبدأيا للhrv العربية دية فية منها فئتين واحدة دفع امامى ودية محركها 1600 عادى بدون vtec وكامة واحدة ذات قوة 105 حصان وفتيس عادى بدون cvt , والتانية ذات محرك 1600 دفع رباعى ودية بفتيس cvt ومحرك كامة واحدة مزود بvtec وقوتة 122 حصان , دة عشان تبقى عارف الفرق مابين المحركين

بالنسبة للسيارة طبعا كجودة تقفيل + خامات وهدوء وعزل مافيش فيهم كلام لان دول حاجة معروفة عن هوندا

* بالنسبة للراحة فى القيادة طبعا بطبيعة العربية كارتفاع فهتخلى الاحساس بالمطبات منعدم بنسبة تفوق ال95%
بس للاسف دة لة تأثير مهم جدا على الثبات لان فعلا العربية دية ثباتها ضعيف وكمان المحرك بتاعها مش بالقوة المعهودة للهوندا لانها فعلا بطيئة مقارنة باخواتها مع ان وزنها خفيف لا يتعدى ال1200 كجم بالنسبة للدفع الامامى و 1300 تقريبا للدفع الرباعى

* العربية دة قطع غيارها قليلة فى الخارج والاستيراد وموجودة فى التوكيل بس غالية جدا بس حاجاتها موجودة

* العربية دية نازل فيها عيب فى الفتيس بيضرب بسرعة وتمن الفتيس استيراد 10000 الاف جنية وجديد 30000 الف جنية

غير كدة العربية مزودة بجميع وسائل الامان

* العربية مش واسعة ومش ضيقة يعنى مظبوطة جدا وتناسب الطرق الجميلة بتاعتنا بشدة وعايزة رعاية دائمة لان اى مشكلة فيها وخصوصا العفشة ممكن تقلب بحوادث لاقدر الله

* لو انت عايز العربية دية ماتعملش معاك اى مشاكل يبقى اركبها مانيوال هتريحك جدا

* سعر العربية فى السوق يتراوح مابين 60 الى 70 الف جنية حسب الحالة