ساعدوني .....

[mohammadaolo]

انا عاوزي اشتري سيفيك و لقيت 2 و محتار
الاوله,,,,,,
سيفيك 1993 SiR 170 حصان اوتو. .صيانة كاملة من 10000كم.مرايات كهربا ضم.فتحة سقف كهربا. زجاج كهربا.انذار.فوانيس رنجات . فابريقة دواخل.واتوماتيك . و مكيف. السعر 48000

الثانيه,,,,,,,,
1993 سيفيك Si دواخل فابريقةفلتر رياضى وحدة رفع رباعى تكييف ممتاز اوتوماتيك فتيس الاس اى الاصلى وماكينه الاس اى الاصلى مرايات ضم كهرباء كاوتش جديد جنوط 15 كاسيت سى دى سونى فتحة سقف اصلى كهرباء زينون عالى فوانيس رينجات امامى وكريستالات خلفى فرش جلد طبيعى تفصيل رخصه سنه مغيرة طقم سيرفيس كامل ولا تحتاج لاى مصريف. السعر 53000.

ارجو الافاده لحسان انا زهقت من البحث


و شكرا

[mohammedabdallh]

حضرتك اركب الاتنين وجرب على الطريق وشوف حضرك مستريح الانى وحده وتوكل على الله ومتنساش صلاة الاستخارة

[homsa_pop]

اول عربية منصحكش تروح تتفرج عليها اصلا سيئة جدا جدا
هتلاقي مكانها في جسر السويس عند ابن سندر كده

[tarekzein]

طبعا أنت مش هتاخد بكلام صاحب العربيه أيا كان

وهتروح تشوفها الأول

لو عجبتك بشكل مبدئى يبقى تكشف عليها

معجبتكش .... يبقى خلاص

[OmaR_FekrY]

طبعا انا مشوفتش ال2 بس حاسس ان التانيه احسن ... بس لازم تكشف عليها كويس و صلى صلاه استخاره و ان شاء الله ربنا يوفقك

[minicooper20]

اول عربية منصحكش تروح تتفرج عليها اصلا سيئة جدا جدا
هتلاقي مكانها في جسر السويس عند ابن سندر كده

متهانه جداااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااا

[mohammadaolo]

شكرا علي ردودكم...

[mohammadaolo]

اول عربية منصحكش تروح تتفرج عليها اصلا سيئة جدا جدا
هتلاقي مكانها في جسر السويس عند ابن سندر كده

هو حضرتك روحت عينتها و ايه مشكلته..

و شكرا للافاده..

[homsa_pop]

هو حضرتك روحت عينتها و ايه مشكلته..

و شكرا للافاده..

الشكل الخارجي متهانة جدا وخبطات كتير اوي ....والفوانيس معظمها مرحل عن الاكصدامات
والصالون في حالة مذرية
وطبعا انا لما شوفت كده مروحتش اكشف علي الموتور عشان اكون امين معاك

[mohammadaolo]

الشكل الخارجي متهانة جدا وخبطات كتير اوي ....والفوانيس معظمها مرحل عن الاكصدامات
والصالون في حالة مذرية
وطبعا انا لما شوفت كده مروحتش اكشف علي الموتور عشان اكون امين معاك

تسلم يا غالي ...

[checo4lamor]

بص يا باشا انا شايف ان الرجالة عرفين العربية الاولنية دى بس عمتا لو انا و قدامى العربيتين هكشف على البوهية و السمكرة الاول و يستحب العربية تبقا فبريكة بره و جواه او جوهة بس بره تكون رشة نظافة مش منزلة رفف و خلافه و لازم توديها لسمكرى جامد حتى لو هتديلو فلوس يبوصلك عليها و لو طلعو الاتنين نفس الحالة وفى البوهية و الصاج هطشف على المكنة و انا انصح بالمكنة الاولنية بس لازم تكون سلمية جدا و لو انت مرتاح للتنية لازم برضو تبقا مكنتها سليمة جدا لانها مش مستحبة المكنة قوية جدا بس مشكلها كتير و اسال مجرب انا طلع عينى معاها المكنة ال si لو متهانة هطلع عين ابو صحبها ولله كفرتنى استغفر الله العظيم فا لو تكشف على املكنة كويس اوى يبقا احسنلك و دخلها على اسكنر و شوف كل حاجة عشان دى مصيبة المكنة غالية جدا و مش بتتعمر و اغلب العربيات دى مع شباب زينا و بيبقا شاريها يجرى بيها و خلاص و مش فاهم عنها حاجة و تلقيها يكبس على ابوها و معاملة زى الزفت لحد ما بتجبي اخرها فا خد رحتك اوى فى الكشف على العربية و طبعا مع الاسعار الى انت قولتها انا متاكد ان الاولنية دى كنبة لان ال sir متقلش عن 55 الف و تكون مفهاش كمليات لان انا لسه جايب واحدة لواحد صحبى ب 65 و كانت sir على ابوه مش متعدلة و فبريكة بره و جوا و صالون امريكى الى هو الكرسى ابو حامل واحد الكرسى الامريكى و اكصدام الى قدام فيه شنب اسود من تحت و العربية لونها احمر جنوت 16 و هفشة بتتعلى و تتوطة باصواميل عربية من الاخر يعنى و كانت عاملة 65 و كمان صحبها كان محتاج فلوس عشان يسافر لولا كده العربية دى متقلش عن 70 الف جنيه فا خد وقتك فى الكشف على اى عربية قبل ما تخدها و بعد ما تكشف تعال و قول حالة العربيتين و احنا نقولك تتوكل على الله و تجيب ايه و متنساش تشوف العفشة كمان عشان فى عفشة هتبقا طنابير 13 و عفشة كنابير 14 و طبعا مستحب الطنابير ال 13 عشان تيلها رخيص شوية اما التنية تيلها مش موجود عند اى حد و الى بيبيعو عارف انو نادر فا بيضرب فى سعرو السما و عموما انت تشوف هتشتخدمها كا عربية عائلية ولا شغل سبور و تعديل و كده و اسف على الاطالة