إعـــــــلان

Collapse

.

,
See more
See less

تجربة قيادة لانسر بومة لمسافة 500 كم

Collapse
X
 
  • Filter
  • الوقت
  • Show
Clear All
new posts

  • تجربة قيادة لانسر بومة لمسافة 500 كم

    طبعا ناس كتير هتستغرب اية علاقة اللانسر بالهوندا , بس انا عملت الموضوع دة عشان بجد حسييييييييييييييييييييت بحاجات كتير اوى لازم اقولها واللى هاقولة دة عرفنى فعلا مميزات الهوندا وعيوبها بكل وضوح قصاد سيارة احدث منها ب15 سنة

    بسم الله الرحمن الرحيم

    الاول انا كنت مسافر امبارح بسيارة لانسر بومة موديل 2007 1600 سى سى اتوماتيك بدون DS السيارة حالتها ممتازة يعنى نظيفة ومعمولها الصيانات اللازمة مافيش اى مشاكل

    طبعا انا ركبت عربيات كتير بس انى اركب عربية للمسافة دية محصلش قبل كدة بس اهوة ركبت ودية التجربة

    العربية انا ركبتها عادى مالاحظتش فرق بينها وبين الهوندا غير الاختلاف فى وضعية الجلوس لانها اعلى والعربية من جوة اوسع شوية من الهوندا ودة طبعا ناتج عن الارتفاع فى السقف عن الهوندا , كل حاجة زى ماهية الابعاد واحد العرض يمكن الهوندا اعرض

    * العربية صوت ماتورها هادىء جدا على السلانسية , تقفيلها كويس

    وما ان بدأت فى الانطلاق وبدوس دوسة البنزين الطبيعية فى الهوندا , العربية بطيئة جدا ولازم عشان اجرى يبقى اعمل حاجة من الاتنين يأما اسايس العربية لحد ماتعدى حاجز ال100 يأما اعمل كيك داون عشان العربية تجرى

    الفرامل اداءها متوسط غير الهوندا نهائى

    العربية على طريق السفر مزعجة جدا وغير مريحة نهائى للمسافات الطويلة بعكس الهوندا لما كنت بسافر بيها بحس انى ملك الطريق بروح شمال ويمين فى اى وقت والعربية اقل دوسة بنزين بطيرها على فكرة انا بتكلم عن الهوندا ال1600 الاتوماتيك مش بتكلم عن ال SiR عشان تكون المقارنة عادلة
    كمان العربية غير ثابتة فى المنحنيات بعد ال120 ومطبات الهوندا بعكس الهوندا كنا بنمشى 160 170 غرز وشمال ويمين ومافيش اى حاجة انت بتحس بيها

    الحاجة الوحيدة اللى كانت مريحانى فى العربية دية انى ماكنتش شايل هم مطبات او اى حاجة مفاجأة بعكس الهوندا كنا بنشيل هم اى حاجة فى الطريق نظرا لاقتراب السيارة من الارض خصوصا مع التحميل

    المشكلة كمان اللى واجهتنى فى اللانسر هية صوت الهواء المزعج جدا والتجميع البطىء قوى بعد سرعة 140 بعكس الهوندا نهائى

    وانا راجع كنت بشد مع لانسر بومة ايضا 1600 وهو كان طلع الاول وانا دايس لغاية الاخر العربية حالفة ماتجيبة وبعد كدة وقفنا وانا اللى طلعت الاول المرة دية وبردة عربيتة حالفة ماتجيبنى

    فى النهاية انا طلعت من المقارنة دية بنقط مهمة جدا وهية :

    عيوب الهوندا : صعب تجرى بيها وانت محملها تحسبا لاى مطب مفاجىء او حتى مطب هوا
    التعود على الثبات المفرط وقوة المحرك شىء سىء فعلا
    كان نفسى سقف العربية يعلى شوية , ساعتها العربية دية كانت هتبقى اسطورة

    مميزات اللانسر : مش هتمشى وانت مقلق طبعا المشى الطبيعى لان فعلا العربية كنت راكبها ومش حاسس بأى خوف من ناحية المطبات وفعلا احساس حلو
    - العربية مساحتها معقولة جدا جدا ومناسبة اوى ومن راى اوسع من الهوندا من ناحية الفرق مابين رجل الراكب الخلفى وكرسى السائق بس مش للدرجة بس اوسع وحتى مع الارتفاع دة بردة رأس الراكب الخلفى قريبة جدا من السقف , العربية عرضها صغير يعنى كانوا ثلاثة راكبين ورا اتنين رفيعين وواحد مليان شوية خفيفة والباب اتقفل بالعافية
    - العربية عفشتها كويسة لكن ناشفة قليلا

    مميزات الهوندا : ثبات تحفة بجد بيخليك تملك الطريق , محركات تحفة وقوية جدا حتى بعد مرور 15 عاما على تشغيلها , مريحة جدا فى السفر ومافيش اى ارهاق يذكر , ناعمة جدا ودة راجع لانك مش بتحتاج تضغط على البنزين عشان العربية تجرى

    عيوب اللانسر : غير ثابتة على السرعات العالية , استجابة محرك بطيئة , غير مريحة للقيادة فى المسافات الطويلة لكل الركاب لانهم تعبوا من اول 80 كم بالظبط سواء انا او الراكب اللى جنبى او الخلفيين , العدادت قرائتها فى غير مستوى الرؤية + الطارة متعبة جدا جدا جدا جدا جدا للصبح اربع ازرع مش متوزعين بشكل مناسب نهائى كمان مع السرعة العالية وعايز اشغل النور او ادى رعاش بقيت بروح بأيدى التانية لانى خايف اشيل ايدى من على الطارة
    لكن الهوندا فى الموضوع دة بجد 10\10 تمسك الطارة بأيد واحدة تضرب كلكس وتشغل كل حاجة من غير ماتشيل ايدك نهائى وفعلا هية دية سواقة الهوندا الرياضية ماتشغلكش عن الطريق نهائى

    من الاخر : الهوندا سيارة رياضية فى المقام الاول وعائلية فى المقام الثانى

    اللانسر : عائلية جدا فى المقام الاول , لا اميل لها من الناحية الرياضية نهائى الا بتعديلات كتير

    معلش طولت عليكوا ياهونداية بس انتوا معاكوا كنز اسمة هوندا
    [CENTER][SIZE=6]SEMSEM KANE سابقا[/SIZE][/CENTER]

    [img2]http://nileup.com/up/uploads/nilemotors_13635570671.jpg[/img2]

  • #2
    فعلا يا سمسم انا لحد دلوقتى سوقت البومه الكامله والشارك والاتنين بصراحه عمرهم ما يجيوا جنب الهوندا حاجه :)

    الحمد لله على نعمة الهوندا :) هوندا زا باور اوف دريمزززززز :d

    وتسلم يا كبير على التقرير الجامد ده ...وادعيلى هوندتى تخلص بقى علشان تعبتنى :( كلها كام يوم واوريك الشغل :)
    <center><iframe align="center" id="IW_frame_1438" src="http://www.tvquran.com/add/Fares.htm" frameborder="0" allowtransparency="1" scrolling="no" width="302" height="334"></iframe></center>
    [CENTER]Waelemam2008 سابقاً[/CENTER]

    Comment


    • #3
      اتفق معاك بخصوص الاستجابة للانسر بعد ال 100 . بطئ جدا
      انا جربتها في سفر مانيوال واوتوماتيك . المانيوال بتاعها ما شاء الله رائع جدا جدا .
      وكمان سوقت الهوندا كتير لانها مع واحد صاحبي si واستجابتها فعلا جميلة ما شاء الله .

      اختلف معاك في الراحة . اللانسر اريح في السفر . انعم كتير من الهوندا 92
      الطارة في اللانسر غبية فعلا . الهوندا انعم واريح .
      الثبات الهوندا بالفعل تتفوق .
      [CENTER][SIGPIC][/SIGPIC][/CENTER]

      Comment


      • #4
        ايوه يا سمسم هو ده الكلام المظبووط

        بس يا وائل الشارك مختلفه تماما عن البومه ... انا ركبت و جربت الاتنين ... البومه كلام سمسم عليها صح 100 %
        و لو ركب الشارك هيغير فكرته عن الميتشوبيشى

        و بالنسبه لموضوع السقف الواطى عندنا فى الهوندا ... دى بقى احلى ميزه بالنسبه الى .. بحس العربيه و انا بعدى من جنب الناس انى راكب f1
        [CENTER][U]<a href="http://www.flickr.com/photos/89551410@N05/8149127679/" title="7-11-2010 by fekry2011, on Flickr"><img src="http://farm9.staticflickr.com/8336/8149127679_1cde56f366_z.jpg" width="640" height="455" alt="7-11-2010"></a>[/U]
        [B]العضو رقم (17)فى العصابه الهونداويه[/B]
        [/CENTER]

        Comment


        • #5
          المشاركة الأصلية كتبت بواسطة al_manara مشاهدة المشاركة
          اتفق معاك بخصوص الاستجابة للانسر بعد ال 100 . بطئ جدا
          انا جربتها في سفر مانيوال واوتوماتيك . المانيوال بتاعها ما شاء الله رائع جدا جدا .
          وكمان سوقت الهوندا كتير لانها مع واحد صاحبي si واستجابتها فعلا جميلة ما شاء الله .

          اختلف معاك في الراحة . اللانسر اريح في السفر . انعم كتير من الهوندا 92
          الطارة في اللانسر غبية فعلا . الهوندا انعم واريح .
          الثبات الهوندا بالفعل تتفوق .
          انت اكيد سوقت ال si ال2 كامة بدون vtec لان دة الماتور الوحيد الخشن فى الهوندا لكن لو سوقت ال1 كامة او الوحش ال sir اللى بجد انعم واحد فيهم وقوتة صاروخية كنت غيرت رأيك

          على فكرة انا نسيت اقول كمان حاجات

          1- الطارة معمولة من مطاط غريب الشكل بيخلى ايدى تعرق بطريقة فظيعة بعكس الهوندا نهائى

          2- العربية اضاءة التابلوة بتاعتها وحشة جدا بجد تحس ان الجزء ناحية اليمين دة كلة فاضى , حتى لمض نقلات الفتيس ضعيفة غير الهوندا نهائى اصلا شكل التابلوة + نور جهاز التحكم فى التكييف + نور الانتظار , ونور الساعة اللى فيها خاصية انك ممكن تعرف الساعة كام من غير ماتفتح الكونتاكت بعكس اللانسر اللى لازم تدور

          3- درج التابلوة صغير , المرايات رؤيتها وحشة , النور الابيض الخاص بالريفيرس ضعيف يعنى كانت الدنيا ضلمة كحل ومش حاسس ان النور الابيض كاشفلى اى حاجة اقدر اشوفها
          بعكس الهوندا لما النور بتاعها بيشتغل بيكشف جزء كبير جدا للعربية وخصوصا المرايات وبجد دية ميزة فى العربيات المنخفضة انك بتشوف كل حاجة فى الارض عن قرب وبتبقى التحكم فيها ممتاز

          4- العفشة الخلفية ناشفة

          5- عداد الحرارة لازم تكون حافظ مكانة كويس لان اى ارتفاع مفاجىء للحرارة ولو بشرطة بسيطة مش هتعرف لان مافيش علامات تحديد المؤشر مكانة المظبوط فين

          6- الباور بتاعها كويس فى الركن بس للاسف بيخف مع السرعات جدا بعكس الهوندا مع انة زيت بس تحس انة بيتقل مع السرعات ودة طبعا ناتج عشان الحساس اللى موجود فى طلمبة الباور وطبعا اغلب الناس ماتعرفوش

          عموما اعتقد ان السوبر اكشن ممكن تتفادى بعض العيوب دية وان ماكنتش اغلبها بس بردة التقييم دة مش بيقلل من اللانسر بس المشكلة قد ماحنا عازيين نعرف مين اللى يقدر يتحدى الهوندا لحد سنة 2008 طبعا انا اقصد الجيل الخامس والسادس لان دية اكتر سيارات ممتعة جدا فى القيادة

          على فكرة انا سوقت كمان هيونداى ماتريكس اخر 2010 الشكل الجديد بجد كل اللى اقدر اقولة .................. ؟؟ خمنوا بقى
          [CENTER][SIZE=6]SEMSEM KANE سابقا[/SIZE][/CENTER]

          [img2]http://nileup.com/up/uploads/nilemotors_13635570671.jpg[/img2]

          Comment


          • #6
            المشاركة الأصلية كتبت بواسطة omar_fekry مشاهدة المشاركة
            ايوه يا سمسم هو ده الكلام المظبووط

            بس يا وائل الشارك مختلفه تماما عن البومه ... انا ركبت و جربت الاتنين ... البومه كلام سمسم عليها صح 100 %
            و لو ركب الشارك هيغير فكرته عن الميتشوبيشى

            و بالنسبه لموضوع السقف الواطى عندنا فى الهوندا ... دى بقى احلى ميزه بالنسبه الى .. بحس العربيه و انا بعدى من جنب الناس انى راكب f1
            ياباشا انا مش بتكلم ان السقف وحش بالعكس انا بتكلم على نقطة ان السقف دة لو على شوية كانت العربية دية اصبحت اوسع عربية فى فئتها بجد + انها هتاخد شريحة كبيرة جدا شباب وعائلات لان اغلب الناس الكبيرة مش بيحبوا يركبوها عشان انها واطية

            فطبيعى لو كان سقفها اعلى كان الكرسى بقى ارتفاعة اعلى

            لكن انا عايز اقولك انا بعشق اصلا العربيات اللى بشكلها كدة لانى عارف حاجة واحدة انها بتبقى رياضية جداااااااااا وبيحافظ عليك عن طريق الثبات العالى + الايرودينامك
            [CENTER][SIZE=6]SEMSEM KANE سابقا[/SIZE][/CENTER]

            [img2]http://nileup.com/up/uploads/nilemotors_13635570671.jpg[/img2]

            Comment


            • #7
              أولا بجد ياسمسم عجبنى جدا التقرير المفصل عن لانسر بومة ومقارنتها بالهوندا بجد مفيد قوى

              المشاركة الأصلية كتبت بواسطة semsem kane مشاهدة المشاركة
              6- الباور بتاعها كويس فى الركن بس للاسف بيخف مع السرعات جدا بعكس الهوندا مع انة زيت بس تحس انة بيتقل مع السرعات ودة طبعا ناتج عشان الحساس اللى موجود فى طلمبة الباور وطبعا اغلب الناس ماتعرفوش

              على فكرة انا سوقت كمان هيونداى ماتريكس اخر 2010 الشكل الجديد بجد كل اللى اقدر اقولة .................. ؟؟ خمنوا بقى
              معاك حق فعلا الباور في الهوندا بيفصل بعد سرعة 100 عشان زيادة الثبات ودى تقريبا مش موجودة فى عربيات كتير
              وانا متوقع رأيك فى الماتريكس 2010

              المشاركة الأصلية كتبت بواسطة semsem kane مشاهدة المشاركة
              عيوب اللانسر : غير ثابتة على السرعات العالية , استجابة محرك بطيئة , غير مريحة للقيادة فى المسافات الطويلة لكل الركاب لانهم تعبوا من اول 80 كم بالظبط سواء انا او الراكب اللى جنبى او الخلفيين , العدادت قرائتها فى غير مستوى الرؤية + الطارة متعبة جدا جدا جدا جدا جدا للصبح اربع ازرع مش متوزعين بشكل مناسب نهائى كمان مع السرعة العالية وعايز اشغل النور او ادى رعاش بقيت بروح بأيدى التانية لانى خايف اشيل ايدى من على الطارة
              لكن الهوندا فى الموضوع دة بجد 10\10 تمسك الطارة بأيد واحدة تضرب كلكس وتشغل كل حاجة من غير ماتشيل ايدك نهائى وفعلا هية دية سواقة الهوندا الرياضية ماتشغلكش عن الطريق نهائى
              برضه بتفق معاك جدا فى النقطة دى لان الهوندا الطارة فيها كذا زرار للكلاكس متوزع بشكل مريح جدا لليد بحيث سواء بتسوق باليمين او الشمال اوحتى بالاتنين تقدر تتحكم احسن تحكم ممكن ده غير نعومة الباور والكلاكس مش فى نص الطارة زى الغالبية العظمى للعربيات

              Comment


              • #8
                المشاركة الأصلية كتبت بواسطة yones مشاهدة المشاركة
                أولا بجد ياسمسم عجبنى جدا التقرير المفصل عن لانسر بومة ومقارنتها بالهوندا بجد مفيد قوى



                معاك حق فعلا الباور في الهوندا بيفصل بعد سرعة 100 عشان زيادة الثبات ودى تقريبا مش موجودة فى عربيات كتير
                وانا متوقع رأيك فى الماتريكس 2010



                برضه بتفق معاك جدا فى النقطة دى لان الهوندا الطارة فيها كذا زرار للكلاكس متوزع بشكل مريح جدا لليد بحيث سواء بتسوق باليمين او الشمال اوحتى بالاتنين تقدر تتحكم احسن تحكم ممكن ده غير نعومة الباور والكلاكس مش فى نص الطارة زى الغالبية العظمى للعربيات
                يونس باشا اخبارك اية ياباشا

                اكيد طبعا انت توقعت رأى فى الماتريكس

                بالنسبة بقى للطارة بتاعة اللانسر هية المشكلة كمان انك لو ماشى سريع شوية مثلا 120 او 130 وحبيت تدى نور او رعاش محتاج حاجة من الاتنين يأما تبعد ايدك كلها وطبعا خطر جدا على عربية زى اللانسر انك تعمل كدة لانى جربت كدة فعلا وحسيت ان العربية ممكن تحدف منى , والحل التانى انك تروح بأيدك التانية على الرعاش وطبعا حركة غريبة بس أأمن ودة اللى انا فضلت اعملة

                كمان اصلا مسكة الطارة نفسها غريبة يعنى الطارة فى الهوندا الصراحة قمة التحكم فى كل شىء واحسن توزيع لاى وضعية . ودة شىء مريح فعلا ليك لان مافيش تشتيت والطريق كلة انت مابتخرجش فكرك عنة , بجد انا سافرت بعربيتى واقسم بالله محسيت بأى حاجة وكنت مشغل التكييف ولا اى حاجة وكان معايا واحد صاحبى لما كان بيسافر فى اى عربية كان على طول بطنة بتقلب ركب معايا وهو عارف ان بطنة هتقلب بس كان مضطر انة يسافر وفضلنا ماشيين مستنين مافيش اية ياعم انت خفيت ولا اية راح قايل طيب استنى كدة اما اجرب اكل وفعلا كل ولا الهوا , وبعد ماوصلنا قالى تصدق انا محستش بأى حاجة ولا كأنى مسافر اصلا وانا كنت نازل عادى جدا ولا كأنى سايق , بعكس اللانسر تعبتنى جدا من اول ساعة سفر

                عموما الهوندا هوندا يامان
                [CENTER][SIZE=6]SEMSEM KANE سابقا[/SIZE][/CENTER]

                [img2]http://nileup.com/up/uploads/nilemotors_13635570671.jpg[/img2]

                Comment


                • #9
                  5- عداد الحرارة لازم تكون حافظ مكانة كويس لان اى ارتفاع مفاجىء للحرارة ولو بشرطة بسيطة مش هتعرف لان مافيش علامات تحديد المؤشر مكانة المظبوط فين
                  ------------------
                  دايما كنت بفكر فى النقطه الغبيه دى
                  جروب مالكى وعاشقى لانسر كريستاله
                  https://www.facebook.com/groups/lancer.egypt.1996.2000/

                  Comment


                  • #10
                    المشاركة الأصلية كتبت بواسطة semsem kane مشاهدة المشاركة
                    يونس باشا اخبارك اية ياباشا

                    اكيد طبعا انت توقعت رأى فى الماتريكس

                    بالنسبة بقى للطارة بتاعة اللانسر هية المشكلة كمان انك لو ماشى سريع شوية مثلا 120 او 130 وحبيت تدى نور او رعاش محتاج حاجة من الاتنين يأما تبعد ايدك كلها وطبعا خطر جدا على عربية زى اللانسر انك تعمل كدة لانى جربت كدة فعلا وحسيت ان العربية ممكن تحدف منى , والحل التانى انك تروح بأيدك التانية على الرعاش وطبعا حركة غريبة بس أأمن ودة اللى انا فضلت اعملة

                    كمان اصلا مسكة الطارة نفسها غريبة يعنى الطارة فى الهوندا الصراحة قمة التحكم فى كل شىء واحسن توزيع لاى وضعية . ودة شىء مريح فعلا ليك لان مافيش تشتيت والطريق كلة انت مابتخرجش فكرك عنة , بجد انا سافرت بعربيتى واقسم بالله محسيت بأى حاجة وكنت مشغل التكييف ولا اى حاجة وكان معايا واحد صاحبى لما كان بيسافر فى اى عربية كان على طول بطنة بتقلب ركب معايا وهو عارف ان بطنة هتقلب بس كان مضطر انة يسافر وفضلنا ماشيين مستنين مافيش اية ياعم انت خفيت ولا اية راح قايل طيب استنى كدة اما اجرب اكل وفعلا كل ولا الهوا , وبعد ماوصلنا قالى تصدق انا محستش بأى حاجة ولا كأنى مسافر اصلا وانا كنت نازل عادى جدا ولا كأنى سايق , بعكس اللانسر تعبتنى جدا من اول ساعة سفر

                    عموما الهوندا هوندا يامان
                    ازيك ياسمسم باشا ؟ ايه الاخبار
                    طبعا الهوندا هوندا مفيش كلام واكيد الثبات العالى اهم عامل مخلاش صاحبك يحس بقلبة معدة اوتعب

                    Comment


                    • #11
                      ماشاء الله تقرير مفصل وجميل جدا

                      والنقاط اللى حضرتك ذكرتها في البومة ناس كتير اوي اتكلمت فيها وماشاء الله حضرتك جبتها من اول تجربة

                      والهوندا طبعا مافيش كلام عليها كفاية انك بتقارن مابين عربية موديل السنة بعربية بقالها 15 سنة على الطريق ! ! !

                      معلش لو هخرج برة نطاق الموضوع بس كنت عايز استفسر عن حاجة

                      عندي صديق ليا مقبل على الشراء ولسه النهاردة بيكلمني وبيفكر اما في السيفيك 2010 او الفانتزيا وبيقولي انا نويت على الفانتزيا عشان اثبت على الطريق قلتله ازاي الهوندا برضوا ثابتها جميل قالي لاء مش زي الفانتزيا

                      بالاضافة انه بيقول ان خامات التبلو والتقفيل الداخلي في السيفيك مش كويس وتحس انه بلاستيك

                      بشكل عمومي هو اهم حاجة عنده عربية ثابتة على الطريق وتستحمل البهدلة

                      طبعا انا مركبتش سيفيك قبل كدة فمعرفتش ارد عليه

                      فهل الكلام ده صحيح ؟ لان انا النقلة الجاية ان شاء الله هتبقى على السيفيك بس لما اتخرج على خير وبصراحة تقدر تقول اني بفكر فيها من زمان فلو بعد ماربنا كرمني وجبتها لقيتها مش زي مانا متخيل ممكن يجيلي اكتئاب وحالة نفسية

                      وهل السيفيك 2012 الشكل الجديد نزلت خلاص السوق المصري ؟
                      ..

                      Comment


                      • #12
                        ياباشا ربنا يخليك ومنورنا دايما فى قسم الهوندا ياباشا

                        بالنسبة للسيفيك ولا الفانتازيا فالموضوع هنا هيختلف تمام

                        دية مقارنة مابين الاتنين

                        1- قوة الماتور : السيفيك تكسب

                        2- الثبات : الاتنين كويسين جدا وممتازين والفرق مابينهم هيبقى سواق

                        3- الخامات : الاتنين تقفيل ممتاز , خامات كويسة جدا , الفانتازيا الجلد فيها اكتر من السيفيك

                        4- الاوبشن والتجهيزات : الفانتازيا تكسب

                        5- الرحابة : الفانتازيا اوسع شوية ودة ناتج بسبب السقف المنخفض للسيفيك

                        6- التكييف : السيفيك تكسب بكتيييييير

                        7- قطع الغيار : متوافرة ولكن ارخص لصالح السيفيك والفرق مش كبير اوى العادى يعنى

                        8- الفخامة : الفانتازيا

                        9- راحة الركاب : الفانتازيا عفشتها ناشفة بطريقة واضحة بعكس السيفيك ولا ناشفة ولا طرية

                        10- استهلاك البنزين : لصالح السيفيك بس بفرق قليل جدا

                        دية مقارنة سريعة مابين العربيتين بس عموما

                        اداء وثبات وشكل رياضى يبقى السيفيك احسن اختيار

                        شكل وبرستيج وعربية تكبرك يبقى الفانتازيا

                        انا عن نفسى هوندا ثم هوندا ثم هوندا لانى بكرة العربية اللى محركها من نوعية الفانتازيا معلش السيفيك الحمد لله مافيش حد بيشتريها وبيندم عليها ابدا او مرة عطلت بية , سواء موديل قديم او جديد لانها فعلا سيارات بتتعمل بالمواصفات القياسية

                        وبعدين لما تركب هوندا اركب ال vti هية مبالغ فى سعرها جدا بس متعة لاتضاهى

                        وبانسبة لموديل 2012 لسة مانزلش وعموما هية هتكون موجودة فى الربع الاول من العام القادم وماعتقدش ان حد هيفكر فيها بس خلى بالك الجديدة كويسة جدا وعالجت حاجات فى الشكل القديم بس انا هسيبها دلوقتى لانها هتنزل بسعر مستفز اوى
                        [CENTER][SIZE=6]SEMSEM KANE سابقا[/SIZE][/CENTER]

                        [img2]http://nileup.com/up/uploads/nilemotors_13635570671.jpg[/img2]

                        Comment


                        • #13
                          انا متفق في معظم النقاط لكن اول مرة اشوف حد بيقول على السيفيك 92/93 مريحة ..انا اعرف ناس غيروها عشان جابت لهم عمود فقري :(
                          People who worship money are very easy to spot, their favourite colour is green
                          [shr71=http://i55.tinypic.com/15g9lk9.jpg]Physics[/shr71]

                          Comment


                          • #14
                            المشاركة الأصلية كتبت بواسطة AutoTycoon مشاهدة المشاركة
                            انا متفق في معظم النقاط لكن اول مرة اشوف حد بيقول على السيفيك 92/93 مريحة ..انا اعرف ناس غيروها عشان جابت لهم عمود فقري :(

                            :36_9_4:

                            Comment


                            • #15
                              المشاركة الأصلية كتبت بواسطة AutoTycoon مشاهدة المشاركة
                              انا متفق في معظم النقاط لكن اول مرة اشوف حد بيقول على السيفيك 92/93 مريحة ..انا اعرف ناس غيروها عشان جابت لهم عمود فقري :(
                              هو طبعا وجهة نظرك تحترم تماما

                              بس والله انا مش بقول كدة عشان هية معانا,فعلا العربية انا فضلت سايقها اكتر من 6 ساعات فى وسط البلد والحمد لله بعد مانزلت محستش بأى تعب فى رجلى او ان ظهرى متكسر او انى نازل مش قادر اقف , مع العلم ان عربيتى مانيوال مش اوتو بس الحمد لله دبرياج الهوندا لايذكر اصلا انت مش بتدوس على حاجة

                              على فكرة دة مش كلامى لوحدى دة كلام كل ملاكها وكل اللى ساقها كتجربة واللى بينزل منها بتلاقية تانى يوم بيدور على واحدة بسبب شدة اعجابة بيها

                              يعنى واحد زميلنا هنا باع هيونداى نيو اكسنت كان جايبها زيرو وباعها بعد 6 شهور فقط لمجرد انة ركب سيارة هوندا موديل 1992 ex حالتها مش قد كدة وانبهر بيها , نزل يشتم فى النيو اكسنت وباعها
                              [CENTER][SIZE=6]SEMSEM KANE سابقا[/SIZE][/CENTER]

                              [img2]http://nileup.com/up/uploads/nilemotors_13635570671.jpg[/img2]

                              Comment

                              Working...
                              X