خلاصة أسعار قطع غيار وأجزاء سيفيك 2006 -2011

[mr_joooe]

الى كل ملاك هوندا سيفيك FD من موديل 2006 الى 2009
أحب انقل لكم خبرتى فى تجديد العربية وخلاصة أسعار معظم تجارالحرفيين لبعض قطع الغيار بعد الحادثة الاولى فى حياتى للسيفيك 2009 (اللون اسود) ربنا ميكتبهاش على حد فيكم أن شاء اللة .

(( ممكن الاسعار تختلف فى بعض الفترات طبعا حسب أحتياج السوق والمتوفر بة ))

- باب أمامى شمال (باب السواق) بالمراية VTI بالاشارة + الزجاج اللون اسود 3500 جنية (أستراد)
- باب أمامى يمين بالمراية VTI بالاشارة + الزجاج اللون اسود 3000 جنية (أستراد)
- باب أمامى شمال (باب السواق) بالمراية VTI بالاشارة + الزجاج أبيض أو نبيتى أو رمادى أو أزرق 2700 جنية (أستراد)
- مراية VTI بالاشارة والزجاج 900 جنية (أستراد)
- شنطة بدون الفوانيس أو المفصلات 2500 جنية لون أسود أو الفضى (أستراد)
- شنطة بدون الفوانيس أو المفصلات 1500 جنية لون أبيض أو نبيتى أو فرانى (أستراد)
- رفرف فقط خلفى يمين أو شمال بدون القائم الخلفى 1200 جنية كل الالوان متقاربة بنفس السعر (أستراد)
- ربع كامل خلفى بالبطيخة بدون القائم الخلفى 4000 جنية لون أسود (أستراد)
- ربع كامل خلفى بالبطيخة بدون القائم الخلفى 3500 جنية لون نبيتى أو رمادى أو سماوى (أستراد)
- فانوس خلفى جزء الشنطة يمين أو شمال 2009 650 جنية (جديد) لايوجد أستراد أو قليييل جدا
- فانوس خلفى جزء الرفرف يمين أو شمال 2009 القطعة 400 جنية (أستراد)
- أكصدام أمامى 2009 بدون فوانيس الشبورة أصلى 2000 جنية (جديد)
- أكصدام أمامى 2009 بدون فوانيس الشبورة تايوان 650 جنية (جديد)
- أكصدام خلفى 2009 أصلى 1500 جنية (جديد)
- أكصدام خلفى 2009 تايوان 450 جنية (جديد)
- فانوس شبورة 2006 ألى 2008 Della كورى 260 جنية (جديد بالضفيرة ومفتاح بالتبلوة)
- فانوس شبورة 2009 ألى 2011 Della كورى 450 جنية (جديد بالضفيرة ومفتاح بالتبلوة)
- مفصلة شنطة يمين 200 جنية (جديد موجودة بالتوكيل فرع جسر السويس فقط)
- مفصلة شنطة شمال 181 جنية (جديد موجودة بالتوكيل فرع جسر السويس فقط)
- فرش الشنطة من الداخل لل 500VTI جنية ( جديد موجودة بالتوكيل فرع جسر السويس أو فرع القاهرة الجديدة)
- غطاء للمفصلات VTI يمين أو شمال 85 جنية للقطعة ( جديد موجودة بالتوكيل فرع جسر السويس أو فرع القاهرة الجديدة)
- غطاء السماعات الخلفى بالكامل + أستوب الفرامل لم أجد ألا اللون الفرانى ولايوجد الون البيج أو الاسود حتى الأن (جديد موجودة بالتوكيل فرع جسر السويس فقط)
- زجاج خلفى صناعة صينى 550 جنية

جميع السعار الى أنا جبتها من أكبر موزعين قطع غيار هوندا فى الحرفيين (الدسوقى - اليبانية - الاندلس .. للاسف مش متذكر باقى الاسماء
فى ناس غريبة قبلتهم قالوا لى لو عايز اللون الاسود فى الابواب لازم تاخد الاربع أبواب كاملين و مينفعش تاخد واحد بس !!!! مش عارف لية وكان السعر 10000 جنية للاربعة..!!!
وحاولت كتيييير أنى أخد الباب الشمال قدام بس لكن ابدااااا مع أن من النادر جداّ ان فى واحد هياخد الاربعة مع بعض ألا لو كانت العربية مدمرة بالكامل بقة ومطحونة كلها ؟؟
لاحظت أن اللون الاسود نادر جدا وملقتش الباب الاسود غير عند واحد ولاحظت بعد كدة ان الاسود و الفضى أغلى الالوان وكنت بعتقد أن الناس بتغلى عليا علشان انا عايز اللون الاسود وبيستغلوا الموقف ؟؟ لكن بعد كدة سألت على بقيت الالوان بعد وقبل الاسود فى أماكن منفصلة وعند تجار كتييروأتأكدت أن الاسود والفضى مطلوبين كتير ومش موجودين كمان علشان كدة غليين والتجار ماسكين فيهم جامد وطبعا بيكسابوا فيهم جامد علشان هما بيشتروا لوطات بجميع الالوان و بعدين بيقاسموا وبيقطاعوا فى الصاج والناس بمزاجهم ..!

أعتقد أن الاسعار فى بورسعيد اقل من كدة وهتكون متوفرة أكتر وجبت عناوين ناس كتير لكن مكنش فى وقت وكنت عايز أشترى وخلص بسرعة ..
ملاحظة : جميع قطع الغيار تركب على السيفيك FD من 2006 الى 2011
ملاحظة : المفصلات بتاعت الشنطة لا توجد مستعملة خالصصصص فى الحرفيين لا جديدة ولا أستراد

انتظروا الجزء الثانى >>> بأزن اللة هجبلكم باقى الاسعار علشان نجمع معظم اسعار قطع غيار العربية بالكامل

وقريب أوى أسعار البدى كيت العادى والرياضى Mugen RR + الفوانيس الامامية والخلفية + الاسبويلر (النوعان) + الشكمان الفردى والزوجى مع الصور لعربيتى بعد التركيب ..

[ramyhanafy]

والله برنس تسلم ايدك علي المجهود ده

[HISHAM80]

حمد الله على السلامه وشكرا على الموضوع ويارب ان شاء الله محدش من الاعضاء يحتاج حاجه منها

[No Comment]

شكراً على تقرير الاسعار ... وربنا يكون فى عونك ويستر طريقنا جميعاً .

[tarekzein]

حمدا لله على السلامه

وشكرا على التقرير المفيد جدا

وربنا يستر طريقك

[mr_joooe]

شكرا لكم كلكم .. ويارب محدش يحتاج قطع الغيار دى علشااان انا بعانى وللاسف العربية كانت zero خبطات .. بس الحمد للة على كل حاجة..

[wdramiz]

مستر جو
خالص الشكر
وفي انتظار الجزء الثاني
الان احس بندم اني جبت الهوندا سيفيك 2010 .... قطغ الغيار نار .... هل هذا طبيعي بالنسبة للياباني ....
ام قطغ الغيار الهوندا اسعارها مرتفعه
وربنا يستر علينا جميعا ومحدش يحتاج لقطع غيار من هذا النوع

[Mahmode]

تسلم إيدك على التقرير الرائع وربنا يكفينا جميعا شر الحوادث

[mmharoun]

شكرا على الموضوع المتميز هذا وتسلم ايدك

[mr_joooe]

مستر جو
خالص الشكر
وفي انتظار الجزء الثاني
الان احس بندم اني جبت الهوندا سيفيك 2010 .... قطغ الغيار نار .... هل هذا طبيعي بالنسبة للياباني ....
ام قطغ الغيار الهوندا اسعارها مرتفعه
وربنا يستر علينا جميعا ومحدش يحتاج لقطع غيار من هذا النوع

متندمش أبدااااااا ..... لانها بجد عربية مميزة جدااااا
من شهر بناير 2009 حتى وقتنا هذا وانا كل مركب أى عربية من عربيات أصحابى أحس بأن هوندا بجد عربية محترمة ( كفاية أنى بعد 3 سنين مزهقتيش منها أبدااااا ) والعربية لسة بئزن اللة لسة هتعود معايا مش اقل من 4 سنين علشان أفكر اغير, وشوف عربية مناسبة ليا وتتفوق عليها ..
ربينا يكفيك شراها .

[wael ahmed]

مجهود رائع يا جوووو ...تسلم ايدك :) وربنا يباركلك فى عربيتك ويحفظهالك

واخيرا هونداوى تانى من الغردقه يا جدعان :)) ينفع كده نبقى هونداويه ومن بلد واحده ومنعرفش بعض يا راجل :)))))

[checo4lamor]

موضوع شديد يا ريس ولله و فى انتظار الجزء التانى لانى بفكر افتح محل قطع غيار و عاوز اعرف اسعار العربية دى لانى معرفش الا الاسعار لحد موديل 2001 بعد كده معرفش اى معلومات هههههههه اصل دى العربيات الى اتلطمت فيها فا ادينا نكسب من خبرات بعض و ياريت لو تعرفلى اسعار المكن بتعها الرياضى و العادى عشان سمعت عن مكنة 1800 بتعدل ال 10000 الالف جنيه فا حكيتها ايه دى بس مش تيب ار مكنة رياضية تقريبا عادية مش عارف بس هى مش تيب ار انا متاكد لان استحالة تيب ار هتبقا بالسعر ده

[mr_joooe]

مجهود رائع يا جوووو ...تسلم ايدك :) وربنا يباركلك فى عربيتك ويحفظهالك

واخيرا هونداوى تانى من الغردقه يا جدعان :)) ينفع كده نبقى هونداويه ومن بلد واحده ومنعرفش بعض يا راجل :)))))

ياباشا فرصة سعيدة جدااااا ... أنا عايش فى الغردقة ومدير فندق فى مرسى علم كلمنى ياباشا فى وقت ...وتحت الخدمة !!