عايز اعرف عيوبHonda Civic

[cooleye]

العربيه مافيهاش اي عيوب خالص غير انها واطيه نسبيا بس ده بيديلك ثبات علي السرعات
ومفيش فيها كماليات كتير
بس العربيه ماشاء الله احسن عربيه في فئتها

[Hisham_ElFeky]

عيوب السيفيك هقوله علشان شريف شاركر عمل موضوع وانا وعدته إني أقول عيوبها قبل مميزاتها

بس بشرط أن شريف شاكر يقول رأيه بموضوعية (واخد بالك يا ريس بموضوعية)



١- الفرامل بصراحة انا شايف انها تقريبا كل ١٨ الف تتغير دا صعب شوية انما قدرة الفرامل
تعتبر جيدة وليست ممتازة


٢- في حالة وجود خمسة أفراد في العربية لازم هتحك لو مطب مجنون ودا أعتقد موجود في أغلب فئتها ولو أربعة مش هتحك عن تجربة (شارع امام طيبة مول به أربعة مطبات متنوعة)بس لو مطب عبيط بقا وانت داخل علي سرعة ٢٠ حتي أكيد هتحك لو راكب شيروكي

٣ - نور الفوانيس أنا شايف إنها ضعيفة وحسيت أنها اتحسنت شوية لما ركبت الفوجات

٤- الكمالات مش كتير طبعا مقارنة بالكرولا وعربيات تانية بالنسبة لسعرها


المميزات (ممكن أقولها يا شريف):

1- الشكل الخارجي جميل (أذواق طبعا)

2- الصالون الداخلي من أروع الصالونات في الفئة دي والتابلوه طبعا جامد جدا وقعدة الكرسي بصراحة رائعة والدركسيون عاجب شاركي يبقي جامد (ودي بقا مش أذواق)

3- سحب الأتوماتيك بصراحة بحس أنه رائع جدا "ويكاد" يقترب من المانيول وذلك حتي سرعة ١٦٠ وبعد ذلك يتم التجميع ببطئ واخر سرعة وصلت ليه كانت 190 ولا أريد أكثر من ذلك
وكريم منير جرب دا وعارف انها ممكن توصل ٢١٠

4 - توسيع قاعدة العجلات بجد فارق أول في المنحنيات علي السرعات العالية معايا جدا
وبحث بثبات العربية ومع السرعات العالية لاتوجد أي نسبة قلق من موضوع الثبات دا
من كلام المهندس شريف شاكر



وأخيرآ أنا مش أحد المتخصصين في تقييم السيارة ولكن بقول احساسي الشخصي في تجربة للعربية 11000 كيلو وشكرا

[SAbuhashem]

يا هشام هو في أحلى من الموضوعية

عندك حق في كل إلي قلته وأحييك عليه يا مان

بس الهدف إن مينخدعش حد من التعليقات إلي طلعت على الهوندا في بداياتها واللي بدون زعل أنا شايفها تعليقات ساذجة جداً ذي الطيارةوالصاروخ والحاجات دي :)

عموماً هجيبلك الليون يا عم لو جيت المقابلة اللي جاية إن شاء الله واتفرج عليها وسوقها وقول رأيك بكل وضوح وصراحة متناهية
وبموضوعية بردو :)

Thanks
Eng.Sherif Shaker

[Hisham_ElFeky]

يا هشام هو في أحلى من الموضوعية

عندك حق في كل إلي قلته وأحييك عليه يا مان

بس الهدف إن مينخدعش حد من التعليقات إلي طلعت على الهوندا في بداياتها واللي بدون زعل أنا شايفها تعليقات ساذجة جداً ذي الطيارةوالصاروخ والحاجات دي :)

عموماً هجيبلك الليون يا عم لو جيت المقابلة اللي جاية إن شاء الله واتفرج عليها وسوقها وقول رأيك بكل وضوح وصراحة متناهية
وبموضوعية بردو :)

Thanks
Eng.Sherif Shaker

هو دا كان غرضي:)... ان اجرب الليون اللي اختارها شريف باشا شاكر بين كل الفئات




وعلي فكرة انا جبت النمر في 18 دقيقة ماشي:arghh:

[SAbuhashem]

يا معلم أنا دخلت المرور حوالي الساعة ٤ بدون نمر
بعون الله وحده حوالي الساعة ٤:٤٥ كنت طالع بالنمرتين والرخصة .

احنا مش شويه في البلد دي يا مان

مش عايز قر أحسن ادعي عليكوا لو الرخصة إتسحبت :)


Thanks
Eng.Sherif Shaker

[miro092]

thx ya hisham 3ala el rad dah

[Hisham_ElFeky]

يا معلم أنا دخلت المرور حوالي الساعة ٤ بدون نمر
بعون الله وحده حوالي الساعة ٤:٤٥ كنت طالع بالنمرتين والرخصة .

احنا مش شويه في البلد دي يا مان

مش عايز قر أحسن ادعي عليكوا لو الرخصة إتسحبت :)


Thanks
Eng.Sherif Shaker

ضعيففففففففففففففففف بقولك 18 دقيقة


وبرضو مش عايز قر أحسن أدعي عليكو لو الرخصة اتسحبت

[Hisham_ElFeky]

thx ya hisham 3ala el rad dah

U WELCOME MIRO092

[أبو عبدالرحمن]

الفوجات

٣ - نور الفوانيس أنا شايف إنها ضعيفة وحسيت أنها اتحسنت شوية لما ركبت الفوجات

هشام باشا ،،انت ركبت فوجات التوكيل ولا ركبتها بره،،،،وهل لو بره فيه مشاكل مع الضمان عشان ضفيرة الكهرباء ولا ليها توصيلات جاهزة يدوب توصل الفوجات وخلاص؟؟؟

[qwertyqwerty]

ملاك الهوندا
هل يوجد تعليقات اخرى..
اخبار اعادة البيع ايه - حد شهد واقعة لاعادة بيع السيارة وبكام

[Hondawy_2008]

ملاك الهوندا
هل يوجد تعليقات اخرى..
اخبار اعادة البيع ايه - حد شهد واقعة لاعادة بيع السيارة وبكام

باشا الله أكبر ولله الحمد مفيش حد بيفكر يبيع قبل 10 سنين ولو عايز تتأكد أدخل على car100100.com و اعاده البيع كويسه ولكن أقل من الكرولا مثلا وده راجع لتخلف الشارع المصري اللي بيخلي عربيه زي الكورولا تتباع أغلى من السيفيك مع ان السيفيك أحسن بكتير في رأيي