ده ازاى كده !!

[OmaR_FekrY]

السلام عليكم يا عصابه
النهارده كنت نازل مشوار لمصر الجديده
و طلعت دائرى من الهرم
كنت طالع بالاكورد
و للعلم هى 2000 سى سى انجكشن يعنى 145 حصان
بدات اجرى شويه و من عند نزله كورنيش المعادى
كانت ماشيه جمبى هوندا سيفيك نبيتى نظيفه اوى اوى si علشان كان فيها فتحه سقف بس طبعا معرفش موتورها كان ايه
بس المهم انه كان بيجرى مع سيراتو كوبيه كان بيجرى هو معايا من اول الدائرى
بس كان متبهدل .. كنت بجريه ورايا بالكيلو و الاتنين
لحد م حس ان مفيش امل منى .. فسابنى و بدأ يجرى مع السيفيك
الولد اللى سايق السيفيك داس كيك داون .. و انا اتخضيت من صوت موتوره .. صوت موتوره اعلى و احسن من موتورى , و بدا يجرى و يبعد جاااااامد و السيراتو وراه و انا وراهم عايز اتفرج بس مش اكتر
...
مش هقول اكتر من ان بتاع السيراتو اتبهدلت كرامته لحد ما بطل جرى وراه من نزله المعادى لحد برج سما و مشى يمين

الصراحه حاولت اسخن بتاع السيفيك
فضربت كيك داون و قرصت و عديت من جمبه
راح الباشا دايس هو كمان ورايا علطول
يادوب ملحقناش نجرى و الطريق وقف .. كان واقف جمبى
و اول م الطريق فتح طلعنا من الثبات
لحد ال80 او ال 90 و انا بتخانق علشان اجيبه و مش عارف
و لاحظت انه من بعد ال 60 بدا يفرق عنى كمان جامد عن الاول يعنى كان كبوتى فى شنطته
و بعد ال100 كنت جمبه بالظبط و ثابتين مع بعض لحد 110 و بعد كده بدات انا افرق لحد 150 و ببعد عنه جامد و بعدين اسمع من عربيته كيك داون و يجيبنى و يعدينى ,, اروح عامل نفس الحوار و اجيبه و اعدينه ... و هكذا لحد 180 و سبته و نزلت

ما تم ملاحظته اثناء الجرى :

1- مع احترامى لكل ملاك السيراتو كوبيه
العربيه م عملتش حاجه لا معايا ولا مع بتاع السيفيك و الفرق سواء كان بينى و بينه او بينه و بين السيفيك كبيييير جدا
الله و اعلم ممكن يكون السواق على قده و مش عارف يجريها صح
2- انا مستغرب جدا من اللى حصل .. ازاى السيفيك تسبق بالطريقه دى
يعنى جرانى وراه بدون مبالغه حوالى 8 كيلو
مع العلم ان المفروض عربيتى امكانتياتها اعلى فهتسبق بسهوله
ده ميمنعش انى جريته ورايا برضو شويه محترمين بس انا كنت متوقع انه عمره م هيسبق مهما عمل
3- احترمت هوندا اكتر و اكتر لاننا كنا بناخد غرز ورا بعض مقفوله قفله سوده و يا دوب على قد العربيتين
و العربيه مكنتش بتتحرك سنتى زياده لا يمين ولا شمال عن حركه الدركسيون
4- اكتشفت ان عربيتى عايزه ترصص :)
5- التفويله نزلت للنص :(


يا عصابه انا عايز اعرف العيب دلوقتى من العربيه ولا من اللى سايقها :)

اه .. ال 3 عربيات كانوا فاضيين , يعنى السواق بس اللى كان جواها

[aymenseef]

على ما اعتقد ممكن السيفيك مسقط مكنه sir

[OmaR_FekrY]

على ما اعتقد ممكن السيفيك مسقط مكنه sir

يا باشا ده هو وش مسقط sir .... لازم طبعا مع كل اللى عمله ده يكون مسقط

بس حتى المفروض لو هو مسقط اصد معاه شويه حلويين ... مش 5 -6 دقايق بيجرى ورايا و الباقى هو ماسح الطريق كله

هو طبعا هورس باور اعلى + وزن اخف = سرعه اكبر و تجميع احسن

بس برضو اللاكورد مش بطه مثلا ولا على قدها !!! هتجنن !

[Hamdy Masria]

ارحم نفسك يا فكرى وارحم عربيتك معاك
فى التأنى السلامة
وبعدين متجريش ريقى بقى وانا قاعد فاضى
معنديش حتى بسكلتة !!!!!!!

[SAMEH_FOUAD]

على فكرة دة هتلاقية ماتور si عادى لان لو كان sir ولا كان اى حد هايشوفة وانا عارف انا بقولك اية لانى كنتى بجرى مع اكورد موديل 2003 ومعرفش يعمل معايا اى حاجة خالص

[OmaR_FekrY]

ارحم نفسك يا فكرى وارحم عربيتك معاك
فى التأنى السلامة
وبعدين متجريش ريقى بقى وانا قاعد فاضى
معنديش حتى بسكلتة !!!!!!!

ههههههه والله يا حمدى باشا انا مبحبش دلوقتى اجرى بالعربيه خالص
بس مفيش ما يمنع ان من كل فتره و التانيه الواحد يطمن على عربيته :))

على فكرة دة هتلاقية ماتور si عادى لان لو كان sir ولا كان اى حد هايشوفة وانا عارف انا بقولك اية لانى كنتى بجرى مع اكورد موديل 2003 ومعرفش يعمل معايا اى حاجة خالص

ليييييييييييييييييييييييييييييه يا سمسم !!

و هى الاكورد 100 سى سى :)

دى اكورد يا كبيييير ... يعنى و لامواخذه التوب فى الهوندا ... بس لو كلامك صح .. ايه الاسباب اللى يخليه يسبق بالطريقه دى .. و انا اعمل ايه فى العربيه علشان تجرى زيها ؟؟

[tarekzein]

أظن فرق الهورس باور مع فرق وزن لصالح السيفيك مع عزم أقوى على سرعات منخفضه

كل ده يؤدى للى أنت شفته

[No Comment]

أظن فرق الهورس باور مع فرق وزن لصالح السيفيك مع عزم أقوى على سرعات منخفضه
كل ده يؤدى للى أنت شفته

[SAMEH_FOUAD]

ليييييييييييييييييييييييييييييه يا سمسم !!

و هى الاكورد 100 سى سى :)

دى اكورد يا كبيييير ... يعنى و لامواخذه التوب فى الهوندا ... بس لو كلامك صح .. ايه الاسباب اللى يخليه يسبق بالطريقه دى .. و انا اعمل ايه فى العربيه علشان تجرى زيها ؟؟

ياعم ماقولناش حاجة الاكورد وحش وكل حاجة بس تعالى هنا نشوف وزن دية كام ووزن دية كام وعلى فكرة علية عامل كبير جدا دة غير ان الايروديناميك بتاع السيفيك احسن من بتاع الاكورد

وبعدين انت كود ماتورك F20A صح يعنى 133 حصان مش 145 حصان والسيفيك ال SI 130 HP مع فرق 250 كجم للوزن يبقى كدة انت تمام اوى سواء انت او هو لان زى مانت بتقول شوية هو يسبقك وشوية انت تسبقوا

اهم حاجة انكوا انتوا الاتنين علمتوا على السيراتو بس كدة

المهم عرفت لية انا قولتلك ان العربية دية مش SIR لان ال SiR عدادة مابيقفش بمجرد انك دوست خلاص العداد بيفضل شغال لحد مايجى عند 200 كم ويبدأ يهدى

وعموما ياباشا مبروك عربيتك تمام مافيهاش اى حاجة ماتقلقش بس لو انت عايز تزود الاداء شوية يبقى عليك وعلى فلتر اسبور + بوجيهات سبليت فاير + بنزين 92 نظيف لان نسبة انضغاط ماتورك 9:5 فمش محتاج بنزين 95 , وممكن كمان تعمل حاجة جميلة اوى تنظف الرشاشات + تنظيف فلتر البنزين + تنظيف البوابة كل دة هتلاقى حاجة تانية خالص تحت رجلك

[Yones]

ههههههه والله يا حمدى باشا انا مبحبش دلوقتى اجرى بالعربيه خالص
بس مفيش ما يمنع ان من كل فتره و التانيه الواحد يطمن على عربيته :))



ليييييييييييييييييييييييييييييه يا سمسم !!

و هى الاكورد 100 سى سى :)

دى اكورد يا كبيييير ... يعنى و لامواخذه التوب فى الهوندا ... بس لو كلامك صح .. ايه الاسباب اللى يخليه يسبق بالطريقه دى .. و انا اعمل ايه فى العربيه علشان تجرى زيها ؟؟

ياعم ماقولناش حاجة الاكورد وحش وكل حاجة بس تعالى هنا نشوف وزن دية كام ووزن دية كام وعلى فكرة علية عامل كبير جدا دة غير ان الايروديناميك بتاع السيفيك احسن من بتاع الاكورد

وبعدين انت كود ماتورك F20A صح يعنى 133 حصان مش 145 حصان والسيفيك ال SI 130 HP مع فرق 250 كجم للوزن يبقى كدة انت تمام اوى سواء انت او هو لان زى مانت بتقول شوية هو يسبقك وشوية انت تسبقوا

اهم حاجة انكوا انتوا الاتنين علمتوا على السيراتو بس كدة

المهم عرفت لية انا قولتلك ان العربية دية مش SIR لان ال SiR عدادة مابيقفش بمجرد انك دوست خلاص العداد بيفضل شغال لحد مايجى عند 200 كم ويبدأ يهدى

وعموما ياباشا مبروك عربيتك تمام مافيهاش اى حاجة ماتقلقش بس لو انت عايز تزود الاداء شوية يبقى عليك وعلى فلتر اسبور + بوجيهات سبليت فاير + بنزين 92 نظيف لان نسبة انضغاط ماتورك 9:5 فمش محتاج بنزين 95 , وممكن كمان تعمل حاجة جميلة اوى تنظف الرشاشات + تنظيف فلتر البنزين + تنظيف البوابة كل دة هتلاقى حاجة تانية خالص تحت رجلك

عاش عاش الاكورد والسيفيك إيد واحدة إيد وااااااااااحدة

[checo4lamor]

هو فعلا يا ريس دى استحالة تكون مكنة sir استحالة و احتمال تكون مكنش vtec 1600 بس حلتها حلوة لسه نضيفة يعنى و ده وارد انها تعمل كده غير ان انتى مقولتش انت مكنتش اوتو متيك ولا منوال و برضو هو عربيتو منوال ولا اتومتيك قولى بس الحجات دى و انا هقولك ايه السبب اصل الموضوع ده حصل معايا انا كان عربيتى sir منوال و طلعت من اكورد بتاعت واحد صحبى مكنتو 2000 سى سى بس معرفش نوع المكنة كان ايه بظبط بس فى رخصتها كان مكتوب 20000 سى سى و هو كان اوتوماتك على فكرة فا قولى بس الى سالتك عليه و انا هقولك ايه السبب انا اصلى كنت نايم فى وسط المكن ده فترة طويلة و سمعت عنو انواع كتير

[OmaR_FekrY]

أظن فرق الهورس باور مع فرق وزن لصالح السيفيك مع عزم أقوى على سرعات منخفضه

كل ده يؤدى للى أنت شفته

هورس باور اعلى + وزن اخف = سرعه اكبر و تجميع احسن
ده انا شفت العجب !!

هورس باور اعلى + وزن اخف = سرعه اكبر و تجميع احسن

ياعم ماقولناش حاجة الاكورد وحش وكل حاجة بس تعالى هنا نشوف وزن دية كام ووزن دية كام وعلى فكرة علية عامل كبير جدا دة غير ان الايروديناميك بتاع السيفيك احسن من بتاع الاكورد

وبعدين انت كود ماتورك f20a صح يعنى 133 حصان مش 145 حصان والسيفيك ال si 130 hp مع فرق 250 كجم للوزن يبقى كدة انت تمام اوى سواء انت او هو لان زى مانت بتقول شوية هو يسبقك وشوية انت تسبقوا
اه ده كود موتورى بس انا كمان انجكشن ... متهيالى الانجكشن اعلى فى الهورس باور
اهم حاجة انكوا انتوا الاتنين علمتوا على السيراتو بس كدة
متخفش يا كبييير ... الولد بتاع السيراتو كان قرب يعيط ... و بيبصلنا باستغراب فظيع
هههههههه و الله انا لسه فاكر شكله
المهم عرفت لية انا قولتلك ان العربية دية مش sir لان ال sir عدادة مابيقفش بمجرد انك دوست خلاص العداد بيفضل شغال لحد مايجى عند 200 كم ويبدأ يهدى
بالمناسبه مافيش sir بس للاكورد ... انا عايز حاجه برضو من اللى مابتوقفش دى :))

وعموما ياباشا مبروك عربيتك تمام مافيهاش اى حاجة ماتقلقش بس لو انت عايز تزود الاداء شوية يبقى عليك وعلى فلتر اسبور(موجود بس صينى ... و جبتلها من كام يوم فاتر سيموتا اصلى الكبير .. بس بيدايق فى البطاريه و لسه الماسوره عايزه تتقص سنه علشان الكبوت يقفل ) + بوجيهات سبليت فاير(مركب فيها بوجيهات دنسو ) + بنزين 92 نظيف لان نسبة انضغاط ماتورك 9:5 فمش محتاج بنزين 95 (الراجل اللى كنت واخدها منه كان دايما بيحطلها 92 و انا كملت المسار ) , وممكن كمان تعمل حاجة جميلة اوى تنظف الرشاشات(اه ياريت ... بس فين ؟؟) + تنظيف فلتر البنزين ( مش لاقيه يا سمسم !! ) + تنظيف البوابة كل دة هتلاقى حاجة تانية خالص تحت رجلك(تم تنظيفها من يومين بالظبط و ظبط حساس الهوا )

سمسم .... العربيه اللى حلتى بااااااظت ... مش عارف مالها بدورها النهارده لاقيتها متلته و الشكمان بيطلع دخان كتيييييييييير و ماخره كهرباء و بتفصل عند 4 ار بى ام ..... و كل ده و لوحدها و كانت زى القرد امبارح و بتجرى و ... لما كنت ظبطت العربيه عند الميكانيكى فى رمضان ظبطلى الموتور لدرجه انه كان بيعرق !!!

عاش عاش الاكورد والسيفيك إيد واحدة إيد وااااااااااحدة

ههههههههههه الهوندا رافعه راسنا

هو فعلا يا ريس دى استحالة تكون مكنة sir استحالة و احتمال تكون مكنش vtec 1600 بس حلتها حلوة لسه نضيفة يعنى و ده وارد انها تعمل كده غير ان انتى مقولتش انت مكنتش اوتو متيك ولا منوال و برضو هو عربيتو منوال ولا اتومتيك قولى بس الحجات دى و انا هقولك ايه السبب اصل الموضوع ده حصل معايا انا كان عربيتى sir منوال و طلعت من اكورد بتاعت واحد صحبى مكنتو 2000 سى سى بس معرفش نوع المكنة كان ايه بظبط بس فى رخصتها كان مكتوب 20000 سى سى و هو كان اوتوماتك على فكرة فا قولى بس الى سالتك عليه و انا هقولك ايه السبب انا اصلى كنت نايم فى وسط المكن ده فترة طويلة و سمعت عنو انواع كتير

انا اوتوماتيك يا باشا و طول جرييى بالعربيه على ال d و ال ار بى ام ماكنش بيعدى ال 3و نص
و هو معرفش بس طلعته كانت اسرع فاكيد كان مانيوال

[Ahmod]

ياعم ماقولناش حاجة الاكورد وحش وكل حاجة بس تعالى هنا نشوف وزن دية كام ووزن دية كام وعلى فكرة علية عامل كبير جدا دة غير ان الايروديناميك بتاع السيفيك احسن من بتاع الاكورد

وبعدين انت كود ماتورك f20a صح يعنى 133 حصان مش 145 حصان والسيفيك ال si 130 hp مع فرق 250 كجم للوزن يبقى كدة انت تمام اوى سواء انت او هو لان زى مانت بتقول شوية هو يسبقك وشوية انت تسبقوا

اهم حاجة انكوا انتوا الاتنين علمتوا على السيراتو بس كدة

المهم عرفت لية انا قولتلك ان العربية دية مش sir لان ال sir عدادة مابيقفش بمجرد انك دوست خلاص العداد بيفضل شغال لحد مايجى عند 200 كم ويبدأ يهدى

وعموما ياباشا مبروك عربيتك تمام مافيهاش اى حاجة ماتقلقش بس لو انت عايز تزود الاداء شوية يبقى عليك وعلى فلتر اسبور + بوجيهات سبليت فاير + بنزين 92 نظيف لان نسبة انضغاط ماتورك 9:5 فمش محتاج بنزين 95 , وممكن كمان تعمل حاجة جميلة اوى تنظف الرشاشات + تنظيف فلتر البنزين + تنظيف البوابة كل دة هتلاقى حاجة تانية خالص تحت رجلك

هونداوي اصييييييييييييييييييييل :b4_388: :b4_388: :b4_388:

[SAMEH_FOUAD]

هونداوي اصييييييييييييييييييييل :b4_388: :b4_388: :b4_388:

اهلا بيك ياباشا منور القسم

انا كلمتلك كريم منير عشان اجيبلك استيكر خاص بتويوتا زى ماحضرتك كنت طالبة منى

[Ahmod]

اهلا بيك ياباشا منور القسم

انا كلمتلك كريم منير عشان اجيبلك استيكر خاص بتويوتا زى ماحضرتك كنت طالبة منى

الف شكر يا باشا وان شاء الله اخده من حضرتك في مقابلة يوم الاتنين

تعبتك معايا