العربية طلعت من الورشة لا إله إلا الله

[محمد-علام]

سلامو عليكم يا رجالة ا;هوندا
النهاردة طلعت العربية من الورشة ...نزلت فيها مساعد الكوني الرهيب وعافسها جديدة من a to z من عند عمو مجدي ...لدرجة إني من كتر مابروح عليه كتير بقى يبعتلي حاجتي دليفري ...وطبعا الجنط 15 بكاوتش دانلوب ياباني 15/50/205 ....دخلت العربية الحرفين أسبوع طلعت منها صارف 20000 جنيه غير تمن العربية ...مع العلم إنها si ومكنه si بس فيها الحمد لله حاجات حلوة جدا


أطلع اجرب أولاني تاني تالت ...ألاقي العربية العاجل بتاعها كل واحد في حتة والاغرب من كده إني لقيت 3 مساعدين ارتفاعهم مظبوط والمساعد خلفي يمين اعلا من كل المساعدين بحوالي سبعين زياده بين الكاوتش والرفرف ....قلت ماشي يمكن لسه مخدش وضعه ...مش عارف إزاي مع إنها كوني ...بس ماعلينا ...قولت يمكن ...برده المساعد منزلش ....رحت اتفرج على العربية من وراه ....لقيت الفردة اللي عندها المساعد وقفة عدل والشمال فيها كامبار ....وطبعا العربية ضايعة زاوية يعني بتعوم مني بهزايان آخر حاجة ...فهل لو رحت لبتاع زاوية كويس ممكن الدونية تظبط والمساعدين يرجعوا زي بعد ولا موقن يكون مساعد منهم بايظ ...مش عارف ...بس بكرة إن شا2 الله هرُوح عند اشرفكوفي الحي السادس علشان اظبط زوايا ويارب الدونية تظبط ..إن شاء الله

[SAMEH_FOUAD]

اولا الف مبروك ياباشا ربنا يباركلك فيها بس معلش 20000 الف جنية لية فى عفشة واية الزوائد اللى اتحطط فى العربية تعمل 17000 الف جنية من غير ماتلعب فى الماتور

[tarekzein]

عايز أقولك مبروك

بس مخضوض من الرقم

[Yones]

ألف مبروك وربنا يحفظهالك ممكن تعمل ضبط زوايا عجل وشوف ايه الاخبار وارد يبقى العجل محتاج ضبط زوايا وترصيص

[wael ahmed]

الف مبروك يا باشا :) وربنا يباركلك فيها

وحضرتك بعد شغل العفشه ده كله لازم تظبط زوايا لان هتلاقى العربيه معاك عايمه خالص
بالنسبه للعفشه انت غيرت اربع جناب استيراد ولا عملت ايه ؟؟ والمساعد الكونى جبته من فين وبكام ؟
وفرده الكاوتش عامله كام :)

علشان لسه هجيب كاوتش ولسه مش عارف اجيب كومهو اكستا ولا نوع تانى مع انى نفسى اجيب بريدجستون بس سعر الكاوتش ضرب فى السما اووى :((

وشغل العفشه عملته عند مين ؟؟

[OmaR_FekrY]

مبروك يا باشا :))

ان شاء الله عزيزه هتروح زياره برضو للحرفيين ... بس مش هيبقى 20000 الف دى ابدا :)

[checo4lamor]

سلام عليكم


الف الف مبروك يا ريس اولا اى شغل فى العفشة لازم تظبط بعديه زوايا ظبعا عشان كل حاجة تتظبط و البيض بيتربظ عليه فى الاتجاه الصح المهم انا الوقتى معرفتش هو انت شدبت العربية كلها ولا ايه ولا ال20000 الف دول عكلت بيه ايه بظبط و العفشة دى انت جيبها استيراد ولا جديد اصل بتهيالى الاستيراد مفهاش كونى عشان انا كل العفشة الاستيراد الرياضى كانت قدامى و مفيش حاجة بتيجى غيرهم و كلها انواع محترمة بس مش بتبقا كونى فا عاوز اعرف ياريت تقولى انت جايب استيراد ولا جديد حاجة كمان انت بقيت العفشة كنت مركبها جديدة ولا استيراد برضو اخر حاجة بقا الماساعد الى انت ركبتو بيتعلى و يتوطى ولا ثابت و لو ثابت انصحك تجيب الى بيعلى و بوصى و بو معرفتش تجيبو قولى انا عندى ليك حل جامد جدا بس اوعى تروح للعفشى و يوقصلك فى اليايات بتعت المساعد مدام المساعد رياضى اوعى تلعب فيه و تقصى فى اليايى قولى بس ايه الدنيا و جوبنى على الى قولتهولك و انا هقولك تعمل ايه عشان انا مجرب فى الحوار ده جامد و مركب عندى عفشة كاملة فى عربيتى قبل ما ابعها و كنت هركب رياضى الاول كمان و صحبى مركبلو رياضى و كلو تمام بس الرياضى الى عندو بتعلى و توطى بصمولة تحت اليايات عموما الف مبروك مرة تنية و مستنى ردك و بالنسبة للجنت انت مع العفشة دى المفروض تضربلك حاجة 17 هتلاقى العربية بقت اسد و على فكرة الكونش الكمهو الكورى جميل جدا ولله انا مجربو و زى الفل هو يا كورى يا هندى يا مليزى حاجة من دول و هو رهيب ولله رخيص و فى نفس الوقت جميل جدا انا قعد معايا فى العربية يجى سنة و نص و بعتها و هما فيها و كان بحلتهم لسه جداد

[محمد-علام]

اولا الف مبروك ياباشا ربنا يباركلك فيها بس معلش 20000 الف جنية لية فى عفشة واية الزوائد اللى اتحطط فى العربية تعمل 17000 الف جنية من غير ماتلعب فى الماتور

واللهِ يا سامح حاجات كتييير قوي .....أولها إن مفيش حتت حديدة في العفشة كلها من قدام ووراه متغيرتش ....كله اتغير اوريجينال وجديد من عند مجدي الدسوقي الحاجات اللي اتغيرت في العفشة بس من عنده تقريبا دخلت في 5000 بس ...ده العفشة بس ...وحكتب بكل حاجة صرفتها على العربية من a to z ده غير طبعا مساعدنا الكوني الظريف الأصفر اللي طبعا قلناه عارفينه وده كان بـ 4800 واتعمل عليه خصم 10% وطبعا في حاجات جبتها للموتور منها طبعا السيور كلها هوندا بارت جنوين ....وإنت طبعا عارف ايه هو البارت جنوين ....شمعة احتراق ngk iridum iv spark blug وطبعا ماينفعش البوجيه ده من غير split fire تقريبا الطقم ده عامل لوحده 700 جنيه ....فلتر بنزين بـ 300 جنيه سيستم فرامل nissin بالتيل بتاعه وراه وقدام كرسي recaro type R فلتر k & N بالماسورة لوحدهم 700 جنيه ...جنوط سبور وعجل دانلوب ياباني 15/50/205...وحاجات تانية كتير حبقى أقول بيان مفصل بيها .....واللهِ يا سامح أنا بصرف على العربية وانا عارف إني بحبها وعارف أكتر إني ححافظ عليها ..يابني ده أنا بمسح الجنط بكلينكس ايه تاني بأه ....وإن شاء الله حانزل صور ليها قريب ...وشكرا ليك يا سامح

[محمد-علام]

الف مبروك يا باشا :) وربنا يباركلك فيها

وحضرتك بعد شغل العفشه ده كله لازم تظبط زوايا لان هتلاقى العربيه معاك عايمه خالص
بالنسبه للعفشه انت غيرت اربع جناب استيراد ولا عملت ايه ؟؟ والمساعد الكونى جبته من فين وبكام ؟
وفرده الكاوتش عامله كام :)

علشان لسه هجيب كاوتش ولسه مش عارف اجيب كومهو اكستا ولا نوع تانى مع انى نفسى اجيب بريدجستون بس سعر الكاوتش ضرب فى السما اووى :((

وشغل العفشه عملته عند مين ؟؟

الله يبارك فيك بالنسبة للعفشه ولا حاجة فيها استيراد ...كله جديد زيرو والمساعد من ارابكم بـ 4800 وكان عليه خصم 10% وفرده الكاوتش بـ 450 دانلوب ياباني ...ولو عايز حاجة تانية ممكن eltoyo tire بس طبعا الفردة عاملة 800 جنيه

[محمد-علام]

عايز أقولك مبروك

بس مخضوض من الرقم

إنت بتهرج يا طارق ..إنت كمان مش عايز تقول مبروك ....متشكرين يا ذوق

[محمد-علام]

ألف مبروك وربنا يحفظهالك ممكن تعمل ضبط زوايا عجل وشوف ايه الاخبار وارد يبقى العجل محتاج ضبط زوايا وترصيص

الحمد لله الدونية ظبطت وبقت زي الفل ...شكرا يايونس وميرسي على المباركة

[wael ahmed]

منتظر التقرير يا باشا :)

ومعلش سيستم فرامل nissin ده.... يعنى طنابير قدام وورا والتيل ماركه Nissin ولا ايه ؟؟

وايه البارت جنوين ده :)))))))))

وربنا يباركلك فيها ويكفيك شرها :)

[hugan]

ربنا يبارك لك فيها
في انتظار الصور

[MOMO_EGY]

مع احترامى لسيدتك و حبك للعربيه
بس انت لو كنت جيت بورسعيد هنا كنت هتشترى مكنه i-vtec 1800 cc ب 5 الاف جنيه و العفشه الكونى رياضى كامله ب 3 و هتجيب جنط momo ايطالى اصلى بالكتير اوى 2000 من غير الكاوتش يبقى كده 10 الاف جنيه و قول مصنعيه ل كل دوللل 1500 جنيه بالكتير اوى يبقى كده 11500 مش 20 و بعدين بورسعيد بلد الهونداااااا

[pop_king3]

بورسعيد ملهاش حل