تأكيد مقابلة معرض اتوماك اخبار اليوم للسيارات

[SAMEH_FOUAD]

اذيكوا ياهونداوية اخباركوا اية يارب تكونوا بخير

ان شاء الله انا بأكد عليكوا موعد المقابلة الخاصة بمعرض اتوماك اخبار اليوم واللى هتكون بإذن الله كالتالى :

1 - الحدث : معرض اتوماك اخبار اليوم للسيارات

2- الموعد : يوم الاتنين القادم ( بعد غد ) الموافق 26-9-2011

3- الزمان والمكان : الساعة الخامسة عصرا امام شباك التذاكر فى مركز القاهرة الدولى
للمؤتمرات والمعارض مدينة نصر
ان شاء الله ياريت نلتزم بالموعد عشان نقدر نغطى اكبر قدر من المعرض لان السنة دية فية شركات كتير مكانتش موجودة قبل كدة وهتشترك السنة دية فية دة غير السيارات الجديدة اللى نازلة الاسواق

ودة رقم تليفونى 0103088605 عشان لو حد جية متأخر يكلمنى وهقولة احنا فين بالظبط داخل المعرض

ملحوظة : المعرض هيقفل بدرى السنة دية يعنى هيقف الساعة 10:30 مساءا

يعنى مش عارف هل الساعة الخامسة مساءا دية هنلحق نخلص المعرض كلة ولا لأ عموما انا احتمال اجى بدرى شوية لانى لازم اخلص كمية كبيرة من السيارات

[sniperwolf]

ممكن تقولى حضرتك المكان بتاعة فين بالظبط فى ارض المعارض و هل الدخول بفلوس ولا اية النظام و بيبقى فية فعلا جميع انواع السيارات علشان الواحد يشوفها ؟

[SAMEH_FOUAD]

هو المكان هيبقى بجانب استاد القاهرة الدولى ارض المعارض على فكرة هو واخد القاعات كلها تقريبا 12 صالة عرض وفية كمان اكسسوارات عربيات بيبقى عليها تخفيض

الدخول تقريبا ب20 جنية

المعرض بيبتدى من الساعة الثانية عشر ظهرا وينتهى فى العاشرة والنصف مساءا

بالنسبة لتجربة السيارات طبعا 90% من السيارات بتبقى مفتوحة لتجربة الخامات والمساحات والتقفيل

والسيارات الفارهة او الذى يزيد تمنها عن 300 الف جنية مابتبقاش مفتوحة الا بعض منها

التصوير طبعا بالاضافة الى brochure خاص بكل سيارة فيها كل ال specification بتاعتها بالاسعار

المهم ان الحدث دة الناس كلها بتستناة لانة بجد مهم جدا لاى واحد بيحب السيارات , او عايز يشترى عربية

[SAMEH_FOUAD]

نسيت اقول

وطبعا بيبقى فية اكتر من 250 شركة عارضة سياراتها من ضمن ال250 شركات قطع غيار + اكسسوارات وفرش سيارات

تقريبا جميع الكورى واليابانى بس هوندا تقريبا مش هتكون السنة دية موجود لسة مش متأكد وطبعا الالمانى ماعدا مرسيدس مش هتكون موجود السنة دية بنسبة كبيرة لان مافيش اى اخبار عنها

عموما هتلاقى الموضوع رائع ومفيد ليك جدا

[Ahmod]

لسه كنت عايز اقول لحضرتك تكتب موضوع التأكيد

انا ان شاء الله هاجي واحتمال هيكون معايا عمر فكري بس لسه هأكد معاه

هطلع من الجامعة على المعرض علطول هخلص جامعة تقريبا في حدود 2.30 وهتحرك بعدها مباشرة يعني اعتقد هوصل بدري يمكن قبل خمسة

المشكلة في الطريق هيبقى قدامي تلت حلول (الجامعة في اكتوبر)

1- امسك الدايري من طريق اكتوبر اللى دخلته بعد دريم بارك بشوية وبعدين اخد وصلة المريوطية كدة هبقى في دايري المعادي ده اسهل حل بس المشكلة اني مش عارف نزلة مدينة نصر بالظبط وحاسس اني هتوه لو مشيت في الطريق ده

2- الدايري وبعدين نزلة الرماية ثم شارع الهرم فشارع مراد وبعدين العجوزة وامسك كوبري اكتوبر (وده هيبقى سحلة السنين )

3 - المحور من اكتوبر لحد المهندسين وبعدين طلعة اكتوبر من البطل احمد

فحضرتك تتوقع بالنسبة لمعاد 2.30 - 3 انهي هيبقى احسن طريق في الوقت ده ؟

[SAMEH_FOUAD]

شوف ياباشا انت احسن طريق لو جاى من اكتوبر

انا عايز ابعدك عن الدخول فى المحور وميدان لبنان والطريق ممكن هيبقى واقف لان ساعتها هيبقى وقت خروج المدارس

انت احسن طريق ليك واقرب طريق

هتاخد دائرى المعادى وتنزل النزلة بتاعة اتجاة فم الخليج وبعد كدة تاخد طريق الخيالة اللى هيطلعك على السيدة عائشة ومن هنا اقولك انك بقيت قريب جدا

[SAMEH_FOUAD]

ماشاء الله 41 مشاهدة و2 اللى ردوا

يعنى افهم من كدة ان ال41 جايين بإذن الله يارب يامسهل عايزين المعرض كلة يبقى نايل موتورز

[mmharoun]

انشاء الله انا قادم يا سمسم بس لا تنسى الاستيكر يا باشا

[karemof]

السلام عليكم,

وده اللينك الخاص بالمعرض لكل المعلومات الخاصة به
AUTOMECH AKHBAR EL YOM 2011 - The 16th International African Arabian Exhibition for Vehicles, Buses, Motorcar Workshops, Service Station Equipment, Automobile Spare Parts, Accessories and Feeding Industries - From 14 to 18 June 2011 Cairo Fair Ground

[m3touk_85]

ان شاء الله لو ما كنتش موجود هناك يبقي هاجي معاكم

[Horsepower]

ان شاء الله هاجي ،،،، بس غالبا هاكون هناك من اول اليوم ١٢ الظهر يعني ان شاء الله تلاقوني جوة ،،، تليفوني ٠١٢٠٢٤٤٧٠٠ ،،، نشوفكم على خير جميعا.

[Yones]

أكيد فرصة جميلة جدا بس للاسف المعرض ده كل مابيجى كل سنة مبعرفش اروحه وخصوصا يوم الاتنين بيبقى تقيل عندى فى الشغل والواحد بيرجع هلكان
بس اتمنى انكوا تتبسطوا ان شاء الله ويبقى يوم حلو

[sniperwolf]

انا جاى ان شاء الله اكيد علشان عايز اغير بقى العربية

[OmaR_FekrY]

موجود ان شاء الله و هجيب معايا 2 كمان من نايل موتورز

[Ahmod]

موجود ان شاء الله و هجيب معايا 2 كمان من نايل موتورز

هتتحرك بعد الجامعة علطول ؟ عشان لو كدة ممكن نتحرك مع بعض