طالب جديد في مدرسة الهونداويه وعايز مساعده ضروري

[catmoon]

اخوكو ربنا رزقو بهوندا سيفيك 85 اتوماتيك وطبعا انا قولت رزق سواء حالتها كده او كده لانه كله رزق المهم- العربيه معايا سحبها ضعيف خصوصا في البدايه يعني اكون دايس بنزين حلو والعربيه مش يتسحب مني بالمقدار ال انا حاسه بضغطة رجلي بس بعد كام دقيقه كده بلاقيها سحبت في وقت قصير - المشكله من وجهه نظري اني بلاقي عداد ال rpm وصل لرقم غريب هو 9994 عند سرعه 90 - سؤالي هنا اولا السحب بالشكل ال انا قولته ده طبيعي ولا لا وثانيا موضوع ال rpm برده طبيعي ولا في مشكله وشكرا يا هونداويه واسف للاطاله

[Yones]

اخوكو ربنا رزقو بهوندا سيفيك 85 اتوماتيك وطبعا انا قولت رزق سواء حالتها كده او كده لانه كله رزق المهم- العربيه معايا سحبها ضعيف خصوصا في البدايه يعني اكون دايس بنزين حلو والعربيه مش يتسحب مني بالمقدار ال انا حاسه بضغطة رجلي بس بعد كام دقيقه كده بلاقيها سحبت في وقت قصير - المشكله من وجهه نظري اني بلاقي عداد ال rpm وصل لرقم غريب هو 9994 عند سرعه 90 - سؤالي هنا اولا السحب بالشكل ال انا قولته ده طبيعي ولا لا وثانيا موضوع ال rpm برده طبيعي ولا في مشكله وشكرا يا هونداويه واسف للاطاله

لا رقم كبير جدا 9994 لفة فى الدقيقة (rpm) غالبا اصلا فى معظم العربيات بيبقى اخر عداد ال (rpm)
7000 او 8000 لكن 9000 كتير قوى وهتبقى كده خارج نطاق العداد
ممكن يبقى قصدك 994 مش 9994 كده يبقى الكلام الى حد ما معقول وبالتالى عدد لفات المحرك فى الدقيقة يبقى قليل جدا بس برضه فى نفس الوقت مش منطقى على سرعة 90

[Horsepower]

الف مبروك اولا ،،، ربنا يكفيك شرها وشر الطريق.
موضوع السحب البطيء في الاول ده اسبابه كتير ،،، فلتر هواء محتاج يتنظف او يتغير ،،، فلتر بنزين محتاج يتغير،،، دورة البنزين محتاجة تتنظف ،،، شوف كمان البوجيهات والسلك ممكن يكون فيه بوجيه او سلك مش شغال
موضوع الآر بي ام دي غالبا تخريفة قراءة عداد،،، الاول حضرتك بتقول الآر بي ام بيوصل لفوق ال ٩٩٩٠ على سرعة ٩٠ كم/س ،،، الموضوع مالوش علاقة بالسرعة لان ال ٩٠ كم/س ممكن تجيبها على الغيار الثاني اوالثالث اوالرابع ،،، طبعا على الثاني هاتيجي مع أر بي ام عالي شوية بس الأكيد مش ٩٩٩٠ ،،، وبرضه أكيد مش ٩٩٠ أر بي ام لان العربية وهي ماشية مش هاتقل عن ١٢٠٠ أر بي ام ده وانت شايل رجلك من على دواسة البنزين كمان ،،، لحد معلوماتي ان ده ممكن يكون من البوردة اللي في ظهر العداد وبرضه لو حد من الرجالة يفيدنا يكون افضل