التوكيل و الاكورد

[OmaR_FekrY]

السلام عليكم و رحمه الله يا عصابه
ازيكوا كلكوا ؟؟
طبعا كان فى اخر مقابله تمت هنا فى القسم
(مقابله المعرض )
كان تم الكشف على عربيتى من استاذ سامح و استاذ محمد هارون
علشان نقدر نحدد العيوب فى العربيه
و الحمد لله ربنا وفقنا و قدرنا نطلع عيوب كتيييييييييييييييييييير
و ناوى ان شاء الله اوديها الحرفيين عند جاسم او رفعت او منير
بس قبل الخطوه دى كنت بفكر ادخلها التوكيل يعملولى مقايسه بكل اللى العربيه هتحتاجه
علشان اعرف لما اوديهاله اقل-ه يشتغل فى ايه علطول
خصوصا انى لسه مبتدى فى مجال الميكانيكا
ايه رايكم ؟؟ تكلفه على الفاضى ولا لا
التوكيل هيرضى اصلا يستقبل عربيه مر عليها اكتر من 19 سنه ؟
الكشف على العربيه فى التوكيل كويس .. يعنى هيقدروا يططلعوا كل العيوب ولا هيسقطوا حاجات ؟؟
مين احسن ميكانيكى فى ال3 اللى فو ق دول يكون اشتغل فى اكورد قبل كده و يكون حافظها ؟

سوال لسمسم ( بالتقريب المشاكل اللى عندى تتكلف قد ايه وقت و فلوس ؟؟ )

و طبعا كالعاده تاعبكوا معايا يا عصابه و
ربنا يخلينى ليكوا :))

[No Comment]

صباح الخير عليك يا فكرى الأول ... بص يا سيدى بالنسبة للصنايعى انا شايف ان كل واحد ليه مميزاته وليه عيوبه .
وعلشان متوهكشى كتير أعتقد هيكون رفعت الزول أفضلهم بس يرضى يشتغل فى العربية لانه مبيشتغلشى فى قديم الا نادر او تكون العربية استوك (اتعاملت معاه فى استشارة عن الاستهلاك ودردشت معاه شويتين وحبيت اعرف دماغه وحسيت انه فاهم بس معملتش شغل عنده ورحت مركز الصفا) .
الكشف فى التوكيل كويس بس منصحكشى بيه ... لآنك لازم تمسك اعصابك ساعتها ومتتعقدشى من اللى هيكتبوه فى التقرير لانك ممكن تبيع عربيتك بعدها هههههههه .

[Kareem.ElAraby]

متابع

[SAMEH_FOUAD]

عمر اخبارك اية يارب تكون بخير وانت واحمد امين اللى مختفى من ساعة المعرض

المهم دلوقتى انا عن نفسى بالنسبة للحاجات اللى عندك

1- تظبيط ال vacum بتاع السيارة لازم يتظبط

2- تغير علب الشكمان البايظة لانها صوتها غريب جدا

3- فلتر الهواء اللى عندك دة مش صح ومش هو بتاع العربية

4- زى ماقولتلك سلك الكيك داون يتعمل

5- اكشف على زيت الفتيس وشوف شكلة طالع ازاى

التكلفة قليلة ان شاء الله مش كتير هو بس اللى هيزود الفلوس علب الشكمان وعلى فكرة لازم تجيب حاجة نظيفة , دية التكلفة الخاصة بالشغل فى المحرك

بالنسبة للعفشة :

1- طبعا المساعدين ( 400 ) للاتنين

2- جلب المقصات ( اصلى ب170 جنية للمقص الواحد جلبتين لكل مقص ممكن السعر يزيد حاجة بسيطة

3- كاوتش الميزان ( 75 جنية ) للمسمارين هما اسمهم كدة مسمارين ميزان

4- بارات علبة الدركسيون خارجى وداخلى ( سعر البارتين الداخليتين شمال ويمين ( 200 جنية ) وزيهم للخارجية

5- العفشة الخلفية انا مش مقدرتش احددها كويسة لان مافيش مكان كنا نقدر نجربة فية ساعتها بس غالبا بردة هتفتحها وتشوف فية اية

بالنسبة للتوكيل طبعا ماشاء الله كويس جدا وهيطلعلك مصاريف فى العربية مش اقل من 35000 الف جنية شامل المصنعية والضرائب

بس مشكلة التوكيل انة مثلا لو شاف حاجتين بايظين وحاجة مرتبطة بيهم سليمة جدا هيقولك غير الثلاثة عشان كدة التكلفة بتعلى فى كل حاجة عشان يبقى شغلهم نظيف ومظبوط

[No Comment]

بعد كلام سامح اللى فوق ده ... ربنا يكون فى عونك يا فكرى .
أيه اللى خلاك تخليه يبص على عربيتك ... لا يا عم التوكيل أرحــم .
بعدين عاوزين معلومات أكترعن محمد سعيد ده ... علشان نكمل المجموعة .