سيات كوردوبا 2006 ولا هوندا سيتي 2006

[ahmedrasheed]

انا معايا 65000 وعايز اجيب عربية اتوماتيك كويسة , دورت كتير و ال٢ اللي عاجبوني في السعر دة هما الهوندا سيتي 2006 و السيات كوردوبا 2006 , محتااااااار جدا يا جماعة و عايز اخد رايكم , مين افضل و لية ؟ و شكرا مقدما

[mezo_88]

مش عارف اقولك ايه بس الفرق هيكون ان الكوردوبا اكيد ثبات اعلى غير كده انا ممكن افيدك غى اى حاجة عن السيتى

[wellfine]

ابعد عن السيتي الموديل ده
الكوردوبا احسن

[memoo_1st]

لية يا باشا كدا دا السيتي ال2006 من احسن موديلات السيتي والاوتوماتيك بتاعها جميل واستبترونك 7 سرعات وعربية جميلة.
انا رأيي تجيب سيتي.
وبالتوفيق في الاختيار ان شاء الله.

[SAMEH_FOUAD]

معلش ياجماعة بس عشان تبقوا عارفين المقارنة الصحيحة مابين اى سيارتين مش مجرد حد يقول لأ دية احسن وخليك وفى دية وابعد عن دية تعالوا نقارن صح :

1- من حيث الشكل : الكوردوبا اشيك بس لو هتتكلم عن موديل 2007 هتلاقى ان السيتى اصبحت اشيك بمراحل

2- من حيث الرحابة : الاتنين قريبين من بعض جدا مع الاحساس بان السيتى اكبر لان سقفها اعلى لكن كعرض هتلاقى السيات بتاخد ثلاثة مستريحين عن السيتى

3- من حيث قوة المحرك : السيتى لو بمحرك 1500 cvt 7 speed هتلاقيها وحش والسيات مش هتقف قدامها , لكن لو بمحرك ال 1300 السيات هتعديها

4- من حيث الثبات : طبعا لاغبار السيات كوردوبا هتكسب بسبب قاعدة العجلات الاعرض والاطول , والاقرب للارض

5- من حيث استهلاك البنزين السيتى تكسب بجميع المقاييس ولو 1300 هتنسى شكل البنزينة

6- من حيث توافر قطع الغيار : السيات موجودة بس فية حاجات منها قليلة جدا وكمان اسعارها ناااااااااااااااااار , بعكس السيتى موجودة فى كل مكان اصلى ويابانى وتايوانى وسعرها مش زى السيات نهائى

7- الاعتمادية والتحمل : السيتى ممتازة كتحمل واعتمادية وعربية من الصعب انها تعطل غير لو انت مهمل فى صيانتها , لكن الكوروبا كويسة بس مش زى السيتى

8- النعومة فى المطبات : السيتى بكل جدارة

9: التكييف : السيتى بكل جدارة يتفوق تماما على الكوردوبا

10: سعر اعادة البيع : الاتنين بيخسروا كتير وتقال فى البيع

11- الانتشار : السيتى منتشرة اكتر

12 : النعومة والعزل : السيتى تكسب

ملحوظة : 65 الف جنية دول يجيبوا سيتى 2007 او بداية الشكل الجديد , لان السيتى 2005-2006 بتعمل من 50 الى 55 الف والفئة الكاملة بتعمل 60 الف

[memoo_1st]

باشا السيتي ال2005 بتبقى 1300 وال 2006 و 2007 دول الي انا بتكلم عليهم دول الاتنين 1500 سواء مانيوال او اوتوماتيك ال 2008 1300 بردو وال1500 فيها مميزات اكتر زي استيبترونك و 4 سماعات و ابانوس من جوة وبعد كدا الباقي واحد.

[SAMEH_FOUAD]

باشا السيتي ال2005 بتبقى 1300 وال 2006 و 2007 دول الي انا بتكلم عليهم دول الاتنين 1500 سواء مانيوال او اوتوماتيك ال 2008 1300 بردو وال1500 فيها مميزات اكتر زي استيبترونك و 4 سماعات و ابانوس من جوة وبعد كدا الباقي واحد.

2006 موجودة 1300 سى سى وعاملة 53 الف جنية

[memoo_1st]

ممكن خليجي لكن الوكيل في 2006 و 2007 منزلش 1300.

[SAMEH_FOUAD]

على فكرة كانت قدامى بسعر 50 الف جنية عاملة 14000 الف كيلو و 1300 سى سى موديل 2006

[memoo_1st]

يا باشا عادية دي خليجي مش وكيل.
انا قدامي واحدة 2008 1500 كاملة جنوظ واستيبترونك وابانوس و4 سماعات وكل مميزات ال 2006 بس خليجي جاية من الامارات.

[ahmedrasheed]

شكرا جدا يا جماعة علي الردود , طيب لو انا عايز اكشف علي العربية الهوندا سيتي و افحصها ,اروح فين , مع العلم اني اول مرة اشتري عربية مستعملة و ماليش اي خبرة

[memoo_1st]

لازم تروح التوكيل يا باشا دا اكتر مكان تضمنوا.