هوندا اكورد 83 أفيدونى

[ziko_80]

السلام عليكم ورحمة الله و بركاته
ارجو ا منكم افادتى يا أصحاب الخبرة الهونداوية فى هذا الموضوع
انا سيارتى أكورد 83 اوتوماتيك و بها وش سليندر و بوش فى علبة الدركسيون و لا اعرف ميكانيكى متخصص فى الهوندا الموديل القديم و مش عاوز اوديها عند اى واحد يخربلى الماتور ميكونش بيفهم فيها
افيدونى افادكم الله
ولكم جزيل الشكر

[Yones]

لو الموضوع ينحصر فى جوان وش سيلندر ممكن يتغير عند ميكانيكى هوندا كويس فى الحرفيين ومعتقدش انها معقدة لدرجة ان الميكانيكى يرفض يشتغل فيها
وفى النهاية انا برضه بحترم الميكانيكى اللى مبيتفذلكش ويعترف انه ميقدرش يمد ايده فى حاجة حاسس انه هيفتى فيها
وبالنسبة لموضوع البوش ممكن الشباب هنا يفيدونا اكتر بس ايه اعراض البوش عندك؟

[ahmed_cs]

بالنسبة لموضوع وش السلندر في اجراءت لازم تعمل للتأكد من صلاحية الوش
1- الكشف على وجود تسريب من الصبابات
2- الكشف على وجود شرخ في الوش
3- الكشف على وجود تجعد في الوش
وإذا وجد أي من الثالثه لازم تتصلح قبل تركيب الوش ولجوان
أما عن موضوع بوش علبة الدركسيون انصحك بشراء علبة علشان في تآكل حصل في الأجزاء الداخلية
أتمنى إني أكون افادت

[SAMEH_FOUAD]

بالنسبة طبعا لوش السلندر فيجب التأكد من :

1- سلامة الوش نفسة بحيث لا يكون فية اى اعوجاجات او شروخ

2- التأكد من كفاءة عمل طلمبة المياة

3- التأكد من سلامة جميع الخراطيم والردياتير والمروحة

خطوات مهمة جدا فى تصليح وش السلندر :

1- لازم الوش يروح للخراط يتسنفر ويتقاس عشان يكون كلة مقاس واحد

2- اذا وجد لاقدر الله اعوجاج فى الوش او شروخ نصيحة منى تجيب واحد استيراد فابريكة لان اى قشط فى الوش هتضر انك تركب اتنين جوان وهذا غير مستحب لان المكنة هتبقى زفت بعديها ومش هتتظبط

3- يجب تنظيف دورة التبريد كاملة

4- ربط المسامير من الداخل الى الخارج

5- عدم القرص على السيارة الا بعد التربيط النهائى هذا يتم فعلة بعد اسبوع من عمل الجوان او بعد مسافة سير لاتقل عن 250 كم

6- نصيحة منى ماتجيبش غير الجوانات الاصلية

7- يجب عمل رودية بعد الجوان

* بالنسبة للميكانيكى اللى يقدر يشتغل فى الاكورد بجد ( منير فى الحرفيين لانة هو اللى لية خبرة فى العربيات دية ) وانا عارف انا بقول اية بس ياريت تخلية يشتغل بإيدة

* علبة الدركسيون لو فيها بوش يبقى اى شغل فيها هيبقى مسكنات وممكن تترجلش شوية بس هيبقى على حساب الباور هيتقل شوية حسب الرجلاش

[ziko_80]

أشكركم يا احمد و يا يونس و يا سمسم بجد انتوا افدتونى جدا لأنى مليش خبرة خالص فى الميكانيكا و دى اول عربية اشتريها
بس انا كونت عاوز اعرف منير اللى فى الحرفيين مكانه فين بالظبط او رقم تليفونه ان امكن و لكم كل الشكر و التقدير

[refaat78]

المهندس رشيد فى امبابه..لو عايز تليفونه ابعتلى

[tarekzein]

المهندس رشيد فى امبابه..لو عايز تليفونه ابعتلى

بعد إذنك ياباشا
أنا عايز موبايل رشيد نفسه

عشان عندى شكوى من حد بيشتغل عنده

وده حرصا على سمعته الطيبه