هل استعمال الشيفت يؤثر على الفتيس

[hany63]

صباح الخير يا جماعه
انا معاي VTI 2010 وبأستعمل الشيفت اللي في الطاره عادة في الطرق متوسطة الزحام للاسباب التاليه:
1-تثبيت النقله حتى لو رفعت رجللك من دواسة البنزين ورجعت دوست تاني
2-متعه اكتر فى السواقه
3-تثبيت النقله الرابعه (اعتقد الخاصيه دي غير متوافره في LXI عشان اخرها النقله الثالثه) في الطرق السريعه شديدة الكثافه ( الطريق الدائري مثلا) بدلا من القياده على وضع D و الاضطرار الى عمل كيك داون بكثره كل ما السرعه تنزل ل 60 كم

و في الزحام (start/stop roads) باسوق على وضع D و كذلك فى السفر

السؤال هل الاسلوب ده ياثر على عمر الفتيس الافتراضى

[hany63]

نسيت اقول انى باحرق فى العادي على 3500 لفه ولما باحب اشد بيبقى لحد 4500 لفه او 5000 بحد اقصى مره او مرتين في اليوم

[eng.m7md.ali]

مش غلط طبعا يافندم
ولو كان غلط يبقى اتعمل ليه؟

[devil_storm]

مش غلط طبعا يافندم
ولو كان غلط يبقى اتعمل ليه؟

+11111111
هو معمول علشان متعة السواقة الرياضية و مش غلط طبعا

[hany63]

معلش ياجماعه انا حبيت اتأكد عشان ناس اصحابي حذروني من كثرة استعماله مع ان قناعتي ان الشيفت بيحافظ على الفتيس عشان بتقدر تتحكم فى النقله بنفسك وزمنها و بالتالى عدد نقلات اقل

[beast2004]

هو اسمه shift ولا Cruise Control.

[hany63]

الشيفت عباره عن نظام نقل الفتيس من الطاره يدويا زي الجيتا و السيراتو الجديده

[SAMEH_FOUAD]

الغلط كثرة استخدام الكيد داون بدون داعى

وبالنسبة لل paddle shift وهو دة اللى بيطلق على ناقلين الحركة اللى موجودين خلف الطارة

وطبعا زى ماحضرتك عارف ان دة بيبقى مشابهة جدا للمانيوال فى نقلاتة يعنى تعاملة كأنك بتعامل مانيوال بالظبط , واهم حاجة ماتحاولش تنقل على عدد لفات عالى يفضل تنقل على 6 اربى ام طبعا دة فى ظروف الشد او الجرى , وفى الظروف العادية يبقى اخرك 4000 لفة هتلاقى العزم مناسب معاك جدا , والعربية مظبوطة جدا , وخلى بالك ان القيادة دية بتخلى الكنترول ياخد انطباع ان اسلوب القيادة رياضى فطبعا دة هيزود استهلاك البنزين

[hany63]

ازيك يا استاذ سمسم
طب لو انا متعود اني باسقط نقله واحده بس برجلي (نص دوسه بس بمعنى مابلزقش الدواسه في الارضيه )الار بي ام يطلع من 1800 الى 2700 مره واحده (من الخامس للرابع مثلا) ده يتعب الفتيس برضه

[SAMEH_FOUAD]

ازيك يا استاذ سمسم
طب لو انا متعود اني باسقط نقله واحده بس برجلي (نص دوسه بس بمعنى مابلزقش الدواسه في الارضيه )الار بي ام يطلع من 1800 الى 2700 مره واحده (من الخامس للرابع مثلا) ده يتعب الفتيس برضه

تمام ياباشا الحمد لله يارب تكون بخير , وانا اسمى سامح او سمسم مافيش استاذ كلنا اخوات واصدقاء هنا ياباشا
لأ كدة عادى طالما حضرتك فى نطاق النقلات من اول الثالث وانت طالع يبقى كدة المحرك مستريح , لكن اللى يتعب المحرك والفتيس الكيك داون اللى بيسقط نقلتين مرة واحدة طبعا بيعلى الاربى ام بيوصلة مش اقل من 5 الاف لفة وطبعا بتزود عشان توصل لاقصى سرعة فى النقلة دية وهو دة اللى غلط على الفتيس كتر الكيك داون

وكمان الضغط على بدال البنزين للاخر من سرعة اقل من 20 او من الصفر

وعموما ماتقلقش الهوندا معمرة جدا ومش اى حاجة بتأثر فيها وهتعرف الكلام دة بعد كدة

[hany63]

الف شكر ياسامح باشا
اسف لكثرة الاستفسارات بس الواحد كان راكب قبل كده باسات tsi بفتيس dsg اللي خلاني شفت ايام سوده فاللي اتلسع من dsg ينفخ في ال cvt
ومش عارف احنا اتقابلنا قبل كده و لا لأ انا كنت في مقابلة المقطم

[SAMEH_FOUAD]

على فكرة فتيس ال هوندا مش cvt , فتيس اتوماتيك بخاصية ال drive by wire

ولا يهمك ياباشا وربنا يباركلك فى عربيتك وان شاء الله تستمتع مع الهوندا وهتلاقيها وحش فى كل حاجة