الصوت ده طبيعي و لا لأ ؟!

[NaBeLeOn]

مش عارف يا جماعه انا كده احترت بصراحة .. فى كذا رأى اتقال لحد الوقتى :(

المشكلة ان ظروفى لا تسمح اروح التوكيل حاليا .. انا فى المنصورة مش القاهرة و مش هخلص امتحانات الكلية الا أول شهر 8 ان شاء الله و صعب جدا أسافر المشوار ده حاليا

لكن لو فعلا الموضوع خطير و ممكن يعمل مشكلة لا قدر الله هضطر أروح و أمرى لله .. و ان كنت أميل انه فعلا صوت طبيعي عشان ال Abs

[Hisham_ElFeky]

دا تطبيع للفرامل والصوت هيروح ان شاء الله مع الالف ولو مرحش خليهم يكشفوا علي الطنابير ومبروك يا باشا العربية ربنا يديك خيرها ويكفيك شرها

[modux]

اعتقد موضوع طنايبر مش اكتر

[Hassan]

بص الصوت دة طبيعى من ال Abs لاتقلق مطلقا
لكن بمراجة كتالوج السيارة ستجد تحذير من الاستعمال الشديد للفرامل اول 1000 كم

[kingwawa]

Dah el ABS , nothing wrong at alllll

[NaBeLeOn]

غريب شوية موضوع التحذير ده .. افرض الظروف حكمت انى استعمل الفرامل بقوة فى اول الف .. اسمع كلام الكتالوج و البس فى اللى قدامى و لا ايه

[ahm128]

ولا تقلق خالص ممكن يكون صوت Abs نتيجة نعومة الطريق أو وجود ماء وفى الحالة دى هيكون الصوت طبيعى جدا بس برضه تقول للتوكيل

[م/محمد صلاح]

هل الصوت ده بيكون مصاحب لرجه فى دواسة الفرامل تحت رجلك ؟ .... لو كده يبقى ده علشان ال Abs وماتقلقش خالص ده الطبيعى انا كمان كنت زيك لانى ماركبتش عربيه فيها Abs قبل كده

وحكاية الطنابير والتيل كله هايطبع بعد الالف وهاتتبسط من العربيه قوى بعد التليين بس خلى بالك ماتعديش ال 80 والار بى ام مايعديش التلاته ولا تشغل التكييف

[NaBeLeOn]

ميمو باشا شكرا على الرد و الاهتمام .. مش متأكد بصراحة من موضوع الرجة ده لان الحركة دى حصلت معايا مرتين تلاتة مثلا بالكتير لكن أغلب الظن مفيش رجة و لا حاجة أو يمكن الصوت هو اللى كان بيشد انتباهى اكتر فمكنتش باخد بالى من الرجة اللى قصدك عليها دى
===
بالنسبة للتليين هو بصراحة أ/سيد الجداوى مدير فرع اسكندرية و انا بستلم كان قال مفيش كلام من ده و اطلع على full speed و شغل التكييف عادى .. أنا قلت اخد بالاحوط برضه و مشغلتش التكييف و لا الار بى ام جاب معايا 3 خالص بس بصراحة انا عديت ال80 و جبت لحد 120 و 130 .. مش عارف مقدرتش امسك نفسي لحد نهاية الالف :)
====

شكرا يا جماعه لكل الناس اللى اهتمت و ردت و ربنا يبارك فيكم جميعا :)