حد يقدر يساعدنى رجرجه جامده على السلانسيه

[mohmmedzohier]

كيا اسبكترا 2005
1600 CC


اولا: المشكله دى بقلها سنتين ومفيش حد عارف ايه اللى فيها وهى

احيانا ادور العربيه الصبح فقط القيها بتدرجرج جامد لدرجه يد الفيتيس بيدرجرج جامد جوه ادوس بنزين تروح اشيل رجلى ترجع تانى للسلانسيه

وترجرج الموضوع دا بياخد بتاع 20 ثانيه وبعد يها كله زى الفل فى حاجه كمان الموضوع دا ممكن مره كل

اسبوع او كل شهر او ممكن مرتين فى اليوم هى بحالات الموضوع دا بيزيد فى الشتاء

تانيا : العربيه وهى بارد ادور العربيه حتى لو مفيش رجرجه ال ار بى ام بيبقى على الواحد او اقل كمان ويفضل ينزل احد 500 لفه تقربيا
ودا طبعا مش مظبوظ لانها كانت اعلى من الواحد وينزل لحد 850 لفه


مع العلم غيرت بوجيهات 3 مرات الاصلى

سلك بوجيهات 4 مرات

حساس tps
حساس maf
حساس idle
البوابه نفسها
الموبينه
طبعا الفلاتر كلها
وتنظيف رشاشات

ومش عارف اعمل ايه ياريت لوحد يفدنى

[No Comment]

ممكن تكون قواعد الماتور ... والمشكلة بتقول بيزيد فى الشتاء مع البرودة العالية ساعة بدء التشغيل ولا مع الحرارة العالية للماتور والجو بشكل عام ...؟

[SAMEH_FOUAD]

طبيعى كدة حضرتك بتقول العربية بتبقى على 1000 ار بى ام او اقل لما العربية بتسخن وممكن تلاقيها وممكن ماتلاقيهاش وممكن تيجى اكتر من مرة فى اليوم

طيب انا كدة هستبعد القواعد

وبقولك اكشف على الكنترول والضفيرة هتلاقى فية مشكلة فيهم لان مالهاش حل ثالث

ومعلش حضرتك غيرت الحساسات دية بناء على اية , دلوقتى حضرتك لما تحب تعمل اسكان على العربية دية يبقى تكون العربية باردة واكيد هتلاقى فية مشكلة لائما فى الفيش او الضفيرة , او ان الكنترول فية مشكلة مابيقدرش يظبط نسبة الهواء والبنزين اللى محتاجاها العربية صباحا لاتمام عملية التسخين , لان كدة انت موقفك عامل زى سيارة كربراتير بتسخنها لو دورتها صباحا وسيبتها من غير ماتحط رجلك على البنزين هتعمل نفس الرجة

يبقى حضرتك هتعمل الاتى بالترتيب :

1- الكشف على ال choke الخاص بالسيارة ( ودة وظيفتة عدد لفات المحرك عندما يكون المحرك بارد وذلك لاعطاء كمية هواء وبنزين اعلى من المعتاد لاتمام عملية التسخين دون تدخل من السائق وفى اسرع وقت لانها تكون محسوبة عن طريق الكنترول ( يتم تنظيفة اولا ثم التجربة )

2- الكشف على ال ecu + ضفيرة السيارة وذلك لان ممكن يكون كل الحساسات عندك سليمة ولكن العيب فى الكنترول اللى مش بيقدر يشغلها صح او فية مشكلة فى ضفيرة السيارة كأن مثلا هناك سلك فى مشكلة او فيشة على وشك انها تتقطع وقراياتها ضعيفة على انها تشغل الحساس بكفائتة , وحضرتك بتقول ان المشكلة بتروح مع التسخين التام للسيارة ودة لان خلاص الحساس بيبقى بأقل جهد يقدر يظبط العربية

وربنا يسهلها

[mohmmedzohier]

الchock دا مش هو الidle control
انا نظفته اكثر من مره وبعد كدا الوضع واحد

[SAMEH_FOUAD]

ال choke غير بلف الايدل كنترول

ال choke دة مسؤل عن زيادة نسبة خليط الهواء والبنزين لما بتكون العربية باردة وبعد كدة خلاص

لكن الايدل كنترول وظيفتة ظبط كمية الهواء الداخلة للمحرك عن طريق الاحمال اللى موجودة على المحرك ( مثال لو انت مثلا شغلت التكييف هتلاقى الايدل كنترول قام برفع نسبة خليط الهواء والبنزين لكى يتوائم مع الجهد الذى زاد على المحرك عشان مايبطلش , وطبعا لية كمان علاقة بالباور لو زيت + ولية علاقة بالفرامل يعنى لو الايدل كنترول وحش هتلاقى الاربى ام واطى حتى والعربية سخنة وطبعا هيأثر على الباور لانة مرتبط بسير من المحرك فبياخد قوة منة , وكمان الفرامل لان السيرفو يعمل عن طريق سحب هواء من المحرك

يبقى كدة حضرتك تشوف ال choke الاول

[mohmmedzohier]

انا متشكر ليك
طيب الchock دا فين انا مش عارفه وبعدين العربيه واطيه حتى بعد ما تسخن