أنهي أحسن سيفيك خليجي ولا وكيل؟

[Mahmode]

الكلام على سيفيك 2009 مع العلم إن الخليجي فوانيسها من ورا الشكل القديم. وبرضه أنا مستغرب إزاي خليجي و1600 سي سي! مش السيفيك بتنزل في الخليج 1800 سي سي برضه؟؟

[SAMEH_FOUAD]

يبقى مش خليجى لان الخليج بتنزل كلها 1800 سى سى هية ممكن تكون شرق اسيا تأكد من المنشأ عن طريق ال vin number او عن طريق اللوحة المعدنية الموجودة فى السيارة

[over6]

الكلام على سيفيك 2009 مع العلم إن الخليجي فوانيسها من ورا الشكل القديم. وبرضه أنا مستغرب إزاي خليجي و1600 سي سي! مش السيفيك بتنزل في الخليج 1800 سي سي برضه؟؟

الخليجي 1600 = تجميع تركي اما التوكيل تجميع ياباني

[mahamedaraby]

تقريبا مفيش خليجى 1600 نهائيا ممكن تكون من بلد تانيه

[Mahmode]

ما هو من الواضح إنها التركي بس بيقولو عليها خليجي عشان الناس تقبل عليها.

[szaalouk]

طبعا وكيل لأنها ياباني اما الخليجي فهي تقفيل تركي

تحياتي

[memoo_1st]

التركي ( الي هيا بيتقال عليها خليجي ) هيا نزلت في 2008 وبعدين الوكيل عمل مشكلة ومبقتش تنزل منها زيرو تاني هيا فيها اوبشن اكتر من الوكيل لكن تركي مش ياباني لكن من جوه وبرة هيا هيا.
لكن ال 2008 التركي كان في منها الكاملة ب فتحة السقف و 8 ايرباج ( الكاملة في الوكيل من اول 2009 فيها 4 بس والعادية 2 ) و الوكيل 2009 عدلو الطنابير الي ورا التركي متعدلة من 2008 .
في النهاية اهم حاجة حالة العربية وطبعا التركي هتكون اقل في السعر لانها في 2008 كانت كاملة كل حاجة ب 160.000 لكن الكاملة الوكيل في 2009 كانت ب 180.000 و 190.000.
وتحت امرك في اي استفسار.

[Mahmode]

شكرا ميمو الأول على التوضيح الشامل. إنت جبت الخلاصة. أنا كان قدامي واحدة تركي بس قلقت منها وماخلصتش فيها. خلاص قدامي واحدة وكيل 2009 وإن شاء الله حاخلص فيها بعد العيد وربنا يكرم.