شويه استفسارات بخصوص البطرايه و الكهربا فى سيفيك 2009

[hamada_amg]

بسم الله الرحمن الرحيم

كام سؤال كده يا شباب فى دماغى و قلت اتناقش معاكم فيهم

اولا بالنسبه للبطاريه بتاعت السيفيك لو انا عايز اجيب واحده تكون اكبر يا تى فى نفس مقاس البطاريه بس تكون اكبر فى الامبير و لو موجوده تكون فين و نوعها ايه ؟
يعني اللى فى العربيه بتكون 44 امبير لو عايز اخليها 60 امبير مثلا او 55 هلاقى نفس المقاس بتاع البطاريه من بره عشان تركب فى نفس المكان و لا الحل ايه ؟

ثانى سؤال بقى و ده المهم :
لو عايز اغير لمبه النور العالى مثلا او الواطي ( علما انها فى تى اى يعني الواطي زينون )
العالى h3 و 12 فولت /60 وات
و الواطي d2r و12 فولت /35 وات

لو انا جبت لمبه العالى h3 و 12 فولت بس 100 وات و برده نفس الموضوع فى الواطي غيرتها بوات اعلى هتفرق حاجه فى الكهربا هتأثر على حاجه يعني ؟
محتاج مثلا اركب حاجه زياده او اعمل حاجه تانيه عشان اقوى اللمبه و لا مجرد انى اغير و خلاص ؟

[M_Nabil]

البطارية بتكون 60 امبير والصافى بتاعها 45 امبير

بس سؤال اية سبب انك تجيب بطارية امبير أكبر؟ ممكن تسئل عند ممدوح غطاطى بتاع البطاريات

وموضوع اللمبات ممكن في العالى تجيب لمبات اقوى بس أعتقد ممكن تحتاج كتاوت خارجى عشان تقومهم صح وبتالى اى لعب في الجزء ده هيطلعلك الكهرباء من الضمان انما لمبات الواطى الزينون d2r هيا 35 وات وبرضه المديول اللى مشغالها 35 وات حتى لو جبت لمبات 55 وات مش هتفرق معك اى حاجه عشان لازم برضه تغير المديول بـ 55 وات ودى قصة ومصاريف احنا في غنا عنها والفرق في اعتقادى ميستهلش

[hany63]

انا معايا vti و نفسي ابدل العالي بنور ابيض مش لازم زينون هشان بصراحه النور العالي (ابيض على اصفر) شكله بصراحه عره فياريت حد يفيدني

[hamada_amg]

البطارية بتكون 60 امبير والصافى بتاعها 45 امبير

بس سؤال اية سبب انك تجيب بطارية امبير أكبر؟ ممكن تسئل عند ممدوح غطاطى بتاع البطاريات

وموضوع اللمبات ممكن في العالى تجيب لمبات اقوى بس أعتقد ممكن تحتاج كتاوت خارجى عشان تقومهم صح وبتالى اى لعب في الجزء ده هيطلعلك الكهرباء من الضمان انما لمبات الواطى الزينون d2r هيا 35 وات وبرضه المديول اللى مشغالها 35 وات حتى لو جبت لمبات 55 وات مش هتفرق معك اى حاجه عشان لازم برضه تغير المديول بـ 55 وات ودى قصة ومصاريف احنا في غنا عنها والفرق في اعتقادى ميستهلش

انا عارف ياباشا ان البطاريه بتكون الصافى بتاعها 45 امبير و بسأل لو حبيت ازودها عشان لو حبيت انى ازود اى حاجه فى العربيه من كاسيت و لا سماعات و لا غيره من الحاجات اللى هتحتاج بطاريه اكبر و المشكله انى لما دورت على البطاريه ملقتش غير الحجم ده اللى يركب على العربيه عشان كده بسأل لو فى حد ركب بطاريه اكبر فى نفس المكان و لا غير حاجه و لا ايه الكلام

طيب لو جبت اللمبات ده من بره و طلبت من التوكيل هيركبها و لا لا ؟

انا معايا vti و نفسي ابدل العالي بنور ابيض مش لازم زينون هشان بصراحه النور العالي (ابيض على اصفر) شكله بصراحه عره فياريت حد يفيدني

نفس الفكره ياباشا و الله ان الاتنين مع بعض شكلهم مش حلو خالص بصراحه و كمان بحس ان العالى اضعف من الواطي

[szaalouk]

متابع باهتمام.......

[hany63]

العالي مش اضعف هو بيثبت الزينون (الواطي) + اللمبه الصفرا الضعيفه فا مبتحش بفرق غير ان النور شكله وحش في الارض بفكر اركب زينون في العالي بس ده يطلع من الضمان عشان كده عايز اغير لمبه العالي بلمبه تدي نور ابيض بنفس قوة القديمه مش مهم زينون

[M_Nabil]

بخصوص البطارية ما أنا مركب زينون عالى وواطى وفوجات بس لمبات عادية ومركب سمعات 400 وات 6*9 ورا وسمعات في الابواب و صب 1400 وات و امبليفاير 720 وات كل ده على البطارية الـ 60 امبير و بتعيش عادى طلما مبتشغلش الحاجات دى كثير والعربية مطفية

التوكيل في الغالب مش هيرضه يركبلك لمبات من بره ولو فرضنا رضى يركبها مش هتستفيد بكامل قوتها عشان في الغالب هتكون محتاجه كتاوت خارجى يقومها

هو ممكن تعمل حاجه بس محتاجه شوية بحث أنك تركب عدسه جوه الفانوس في العالى وتركب زينون بس دى هتحتاج انك تفتح الفانوس

[hamada_amg]

العالي مش اضعف هو بيثبت الزينون (الواطي) + اللمبه الصفرا الضعيفه فا مبتحش بفرق غير ان النور شكله وحش في الارض بفكر اركب زينون في العالي بس ده يطلع من الضمان عشان كده عايز اغير لمبه العالي بلمبه تدي نور ابيض بنفس قوة القديمه مش مهم زينون

هو مش ضعيف ياباشا لكن انا بحس انه اضعف من الزينون طبعا عشان اضاءته صفرا
و عموما فى لمض فيليبس جميله جدا و بتدى ضوء ابيض و بنفس قوه الاصلى مش محتاجه تعديل

بس الفكره انى طالمها هاغير يبقى اقوى النور مش احط نفس القوه ده الفكره

بخصوص البطارية ما أنا مركب زينون عالى وواطى وفوجات بس لمبات عادية ومركب سمعات 400 وات 6*9 ورا وسمعات في الابواب و صب 1400 وات و امبليفاير 720 وات كل ده على البطارية الـ 60 امبير و بتعيش عادى طلما مبتشغلش الحاجات دى كثير والعربية مطفية

التوكيل في الغالب مش هيرضه يركبلك لمبات من بره ولو فرضنا رضى يركبها مش هتستفيد بكامل قوتها عشان في الغالب هتكون محتاجه كتاوت خارجى يقومها

هو ممكن تعمل حاجه بس محتاجه شوية بحث أنك تركب عدسه جوه الفانوس في العالى وتركب زينون بس دى هتحتاج انك تفتح الفانوس

اولا ياباشا بطاريه السيفيك 44 او 45 امبير مش 60 و ده اللى مضايقنى فيها لانها صغيره و خايف اركب اى زياده و تحمل على البطاريه
يعني كنت بفكر اركب زينون عالى كمان و اغير سماعتها الاصلى ورا بسماعات اعلى شويه و ده سبب سؤالى على البطاريه

موضوع الكتاوت ده كل الناس قالتلى عليه بس خوفى من المغامره انى اخرج العربيه بره الضمان ده اللى مقلقنى و مش عارف التوكيل هيرضى يركبها و لا لا و ده اللى عايز اسأل عليه ان شاء الله

الفوانيس الرينجات انا لقيتها فعلا جاهزه و كامله من غير اى تغيير على الفانوس الاصلى هتشيل و تركب و نوعهم صيني و الاتنين عاملين 1700 جنيه بس انا مش بحب العب فى الاستوك بتاع العربيه اكتر من انى ازود حاجه و مش تبان مش بعمل
يعني اخرى اغير لمبه بواحده اعلى ازود قوه السماعات لكن اشيل و اركب حاجه تغير فى الشكل لا خالص مش انا

[hany63]

[frame="1 80"]
هو مش ضعيف ياباشا لكن انا بحس انه اضعف من الزينون طبعا عشان اضاءته صفرا

[/frame]
العالي اضاءته ابيض (زينون الواطي) على اصفر (لمبه العالي) عشان كل اللمض بتنور في نفس الوقت يعني الفانوس كل لمضه منوره الا لو فيه فرق مابين 2009 و 2010

ياريت حضرتك تقول لي على مكان لمض الفيليبس و اذا كنت متأكد انها نفس مقاس العالي ولا لأ

[HISHAM80]

استاذ حماده أن شاء الله تكون بخير والامور تمام بالنسبه لموضوع النور العالي هو فعلا مصفر شكله بايخ جنب xenon بس بلاش تلعب في الضيفره بدل بس اللمبه فيليبس x-treme هتديلك علي انته عايزه بلاش موضوع الكتاوت الرابط علي تحت لموقع فيليبس هديلك كل أرقام اللمض الي في العربيه
Where to Buy Lookup
اللمبه xenon موجوده على أمازون 35$ على ما أفتكر سيبك من موضوع التوكيل

[hamada_amg]

[frame="1 80"]
هو مش ضعيف ياباشا لكن انا بحس انه اضعف من الزينون طبعا عشان اضاءته صفرا

[/frame]
العالي اضاءته ابيض (زينون الواطي) على اصفر (لمبه العالي) عشان كل اللمض بتنور في نفس الوقت يعني الفانوس كل لمضه منوره الا لو فيه فرق مابين 2009 و 2010

ياريت حضرتك تقول لي على مكان لمض الفيليبس و اذا كنت متأكد انها نفس مقاس العالي ولا لأ

كلامك صح ياباشا فعلا كله بينور اللمبه العالى و الواطي مع بعض
و ده اللى مبوخ الموضوع انه اصفر على ابيض و ده شكله مش ظريف و هى هى اللى فى 2009 نفس ال2010

اللمض الفيليبس بصراحه انا مش بثق فى اى من الوكلاء اللى بتوع هنا و لا المحلات عشان كده هاجيبهم من موقع امازون من بره مصر احسن و اضمن على الاقل برده صيني بس مضمون مش المضروب بتاع هنا

استاذ حماده أن شاء الله تكون بخير والامور تمام بالنسبه لموضوع النور العالي هو فعلا مصفر شكله بايخ جنب xenon بس بلاش تلعب في الضيفره بدل بس اللمبه فيليبس x-treme هتديلك علي انته عايزه بلاش موضوع الكتاوت الرابط علي تحت لموقع فيليبس هديلك كل أرقام اللمض الي في العربيه
where to buy lookup
اللمبه xenon موجوده على أمازون 35$ على ما أفتكر سيبك من موضوع التوكيل

استاذ هشام اخبارك و اخبار السعوديه ايه و الحاج و الاستاذ حسن يارب جميعا تكونوا بخير

انا و الله ياباشا مش عايز العب فى الضفيره و لا اركب طتاوت انا بس عايز اعمل الصح مش اكتر عشان كده قولت اسأل الاول الرجاله هنا و انا كده كده هاشترى اللمض من امازون سيان بقى زينون و لا عاديه مش مشكله لانى مش واثق فى اللى بيتباع فى مصر و زي ما قلت اللمبه ب 35 دولار يعني 210 مصري و بعد الشحن و الجمارك ووووو هتقف بكام يعني ب 400 جنيه على الاقل احسن من التوكيل صح و لا ايه

[HISHAM80]

كلامك صح ياباشا فعلا كله بينور اللمبه العالى و الواطي مع بعض
و ده اللى مبوخ الموضوع انه اصفر على ابيض و ده شكله مش ظريف و هى هى اللى فى 2009 نفس ال2010

اللمض الفيليبس بصراحه انا مش بثق فى اى من الوكلاء اللى بتوع هنا و لا المحلات عشان كده هاجيبهم من موقع امازون من بره مصر احسن و اضمن على الاقل برده صيني بس مضمون مش المضروب بتاع هنا



استاذ هشام اخبارك و اخبار السعوديه ايه و الحاج و الاستاذ حسن يارب جميعا تكونوا بخير

انا و الله ياباشا مش عايز العب فى الضفيره و لا اركب طتاوت انا بس عايز اعمل الصح مش اكتر عشان كده قولت اسأل الاول الرجاله هنا و انا كده كده هاشترى اللمض من امازون سيان بقى زينون و لا عاديه مش مشكله لانى مش واثق فى اللى بيتباع فى مصر و زي ما قلت اللمبه ب 35 دولار يعني 210 مصري و بعد الشحن و الجمارك ووووو هتقف بكام يعني ب 400 جنيه على الاقل احسن من التوكيل صح و لا ايه

الحمد الله كله تمام طبعا بره ارخص بكتيرواضمن ده سعر اللمبه xenon والعاديه أكيد ارخص بكتييرلو حضرتك محتاجه حاجه من هنا قولي