تحذير للى بيشد بالهوندا

[ashouhdy]

ممكن اصلا يكون بتاع السيراتو زنق علية وكان حيخبطة فاتنرفز وجرى وراة وخبطة ولما انت دخلت معاهم جالك من الحب جانب هههههههههه

[OmaR_FekrY]

مفيش تفسير غير انه مريض نفسيا .. وربنا يبعد عننا الاشكال دى

[Mahmode]

حاجة تنرفز بجد. عشان كدة العربيات ال suv وما أكبر حلوة أوي في مصر ليها هيبة كدة وتخوف الأشكال دي.

[hany63]

ياريت ياجماعه اليومين دول ما ننجرش لموضوع الشداو نحتك بحد لسببين :
1-ممكن يكون حد عايز يستفزك ومجرد ما تقف ينزل يسرقك و ياخد العربيه
2-الناس عموما بعد الثوره للاسف اخلاقها بقت زفت و ممكن تلقى ناس بتقتل لمجرد انه حست ان حد كسر او بيتمنظر عليها وده طبعا بسبب الانفلات الامني و السلاح اللي مالي الشارع
ربنا يستر على الكل

[Yones]

الحمد لله انها جت سليمة
الشوارع والله مليانة مجانين حصل معايا موقف من حوالى سنة وشوية كنت مع واحد صاحبى وكنت فى اشارة روكسى وطبعا انتوا عارفين انها متراقبة بالكاميرات و غرامتها خرافية وكنت واقف فى اول الصف وكان واحد ورايا مصمم انى امشى عشان اعديه وكان فاضل ثوانى والاشارة تفتح ونمشى كلنا ونزل اتخانق معايا وقل ادبه كل ده عشان ثوانى
المهم الراجل من غبائه فى وسط خناقته كانت الاشارة فتحت والناس مشيت من بدرىوقعد يشتم ويقولى الكاميرات مبتلقطش بسرعة على الجناب مع ان ناس اتلقطت فى نفس المكان ودفعوا غرامات وقولتله الحوار ده وثوانى وهنمشى بس الدماغ المتعفنة بقى هنقول ايه المهم الراجل مكتفاش بعد غباوته وقلة ادبه بعد مامشينا دخل غرزة قدامى وقعد يقفل عليا بمنتهى الهبل والمعيلة ويفرمل قدامى لدرجة ان منظره كان غبى وعامل زى العيال والناس كانت بتبصله وتستغرب من عبطه وكان مصمم يخبطنى بس الحمد لله مديتلوش الفرصة وسيبته يعك العك بتاعه ومشيت هادى لغايت لما غار بعيد عنى
بجد ناس مريضة ومجنونة بالرغم ان سنه مش صغير فى الاربعينات تقريبا وسبحان الله بيزعق وعامل فيها العملاق بالرغم انه ضعيف البنية جدا وممكن كان بجد يشوف اللى مشافوش منى انا وصاحبى بس الحمد لله احنا ناس محترمة ومرضيناش نعمل حاجة ومكناش فاضينله حتى مهما كان مستعجل مكانش هيعمل كده
سورى على التطويل بس ده موقف من ضمن المواقف وربنا يسلم طريقنا كلنا ان شاء الله

[minicooper20]

شكلويا شارب يا عصبى زياده عن الازوم

[mmharoun]

اكيد مش بتاعتة وسارقها او شارب وكان طاير المهم انك بخير والحمد الله

[tarekomar66]

اعتقد كده ان بتاع السيراتو خبطه فعلا وجرى من ادامه وهوه كان بيحاول يحصله
"" انا بحط نفسى مطرحه ولو حد خبطنى وجرى اكييييييييييييييد ها اجرى وراه ""
دا الاحتمال الاول والاحتمال التانى والاكثر توقع ان الناس دلوقتى بقت بتثور لاتفه الاسباب وماعندهاش مشكله انها تؤذى بعضها لمجرد الاذى
المهم انها جت سليمه والحمد لله ونصيحه بلاش شد اليومين دول

[amirrk]

حصلي موقف مشابه
كنت ماشي علي كورنيش المعادي الساعه 1 بليل كده و ماشي علي 100 تقريبا و الاقي شيروكي كسرت عليا كانت حتدخلني في الرصيف المهم فرملت و قلبت نور و كلاكس عشان يطلعني مش راضي اجي يمين يروح رامي يمين اجيب شمال يكسر شمال بدون اي سبب المهم عديت منه بعد شويه و ابص علي العربيه لاقيتلك واحد و معاه واحده (كانت واحده جدا ههههههههههههه) و شكلهم شاربين و بيرخموا علي خلق الله

[samcar]

حصلي موقف مشابه
كنت ماشي علي كورنيش المعادي الساعه 1 بليل كده و ماشي علي 100 تقريبا و الاقي شيروكي كسرت عليا كانت حتدخلني في الرصيف المهم فرملت و قلبت نور و كلاكس عشان يطلعني مش راضي اجي يمين يروح رامي يمين اجيب شمال يكسر شمال بدون اي سبب المهم عديت منه بعد شويه و ابص علي العربيه لاقيتلك واحد و معاه واحده (كانت واحده جدا ههههههههههههه) و شكلهم شاربين و بيرخموا علي خلق الله

وحظهم يبقى حلو لو حد من خلق الله دول طلع مبرشم ومعاه الى وحياهم بدفعه ولا كسر وخد البت وغربل الواد
وبعدين يقولوا انفلات امنى - ده انفلات اخلاقى اولا

[midoelmodamer]

هو فى كده فى الدنيا !!!! هو صحيح الواحد ياما شاف غباء لكن للدرجادى ايه يا جدعان هو مكتوب على اليافطه قبل ما يطلع على الطريق ايه مكتوب طريق سريع ولا مدينة الملاهى !!