المطلوب لتحويل هوندا

[titofouda]

المطلوب لتحويل هوندا سيفيك 92 من كربيراتير الى انجكشان ولو اسعار قطع الغيار المطلوبه وتكلفة المصنعيه

[SAMEH_FOUAD]

طيب التحويل هيشمل تعديل على المحرك ولا هتسقط محرك تانى ؟؟؟؟

عموما التحويل بعيدا عن تغير المحرك او تعديلة هيكون كالتالى :

1- ضفيرة كاملة + كنترول ( 1200) هتحدد على حسب المحرك

2- تانك يتم تركيب بداخلة طلمبة بنزين كهربائية لان تانك ال ex,el يكون فقط فية العوامة ( 700+ 200 )

3- حساس شكمان ودة طبعا هيختلف حسب نوع المحرك اللى هيركب 150 جنية

4- فلتر بنزين + الحامل او القاعدة بتاعتة 125 جديد يابانى والحامل هيتجاب استيراد ب200 جنية او 150 بس يارب تلاقية

5- عداد سرعة وممكن ماتغيرش العداد كلة ممكن فقط تقوم بتغير عداد الحرارة والبنزين وتجيب بدالة واحد فية لمبة اعطال ( 225 جنية عداد ) ( تعديل عداد 75 جنية )

6- علبة evaporative canister ودية عشان يتوصل بيها الخراطيم الصغيرة الى خارجة من البوابة ودية علبة بيبقى فيها كاربون نشط بيقوم بتنقية الابخرة من عملية الاحتراق والعلبة دية مهمة لانها بتخفض صوت المكنة وبتظبط عدد لفات المحرك ( 150 جنية )

7- سلك بنزين اصلى + سلك كيك داون ( 120 جنية + 120 ) ( استيراد 100 جنية )

8- ماسورة فلتر اسبور + الفلتر + حساس اكسجين لان فى ال ex مافيهاش فتحة فى الشاسية لفلتر الهواء الاصلى ( الاجمالى 400 جنية ) بدون الحساس ( الحساس 80 جنية )

9- هتكبر حجم الردياتير وتجيب بتاع ال si

[lord_of_egypt22]

سامح باشا اخبارك سيادتك ايه
انا بتهيئلي عربيتي كانت injection و صاحبها قلبها كاربيراتير
لان انا عندي لمبه اعطال بس مش شغاله
وعندي علبه بيئة طويله وسودا في سدر الحوض
اتأكد ازاي؟
ثم ايه هي مميزات الانجكشن مع العلم اني كتير با بحط بنزين 80

[titofouda]

باشا باشا باشا شكرا يرافع الهوندا للسماء

[M_Nabil]

في رأى تسقيط ماتور انجكشن D15B - Vtec أفضل من التحويل هو هتدفع زيادة شوية بس هتكون أحسن سيب الماتور اللى عندك لما يجيب أخره بعد كدة سقط واحد انجكشن

[SAMEH_FOUAD]

سامح باشا اخبارك سيادتك ايه
انا بتهيئلي عربيتي كانت injection و صاحبها قلبها كاربيراتير
لان انا عندي لمبه اعطال بس مش شغاله
وعندي علبه بيئة طويله وسودا في سدر الحوض
اتأكد ازاي؟
ثم ايه هي مميزات الانجكشن مع العلم اني كتير با بحط بنزين 80

اتاكد من التانك ان فية فتحتين واحدة للعوامة وواحدة للطلمبة طبعا الاتنين منفصلين عن بعض

اى حاجة عندك هتلاقيها من اللى انا كاتبها يبقى هتشيلها من المتطلبات وهتوفر معاك فلوس مش اكتر

مميزات الانجيكشن ( سحب اقوى - توفير فى ستهلاك البنزين - سرعة اعلى - تكنولوجيا اعلى )

لكن خلى بالك لازم بنزين 92 عشان تحافظ على الرشاشات

[minicooper20]

معلومات ممتازه

[titofouda]

سمسم مين احسن واحد يعمليه التحويل ده

[SAMEH_FOUAD]

سمسم مين احسن واحد يعمليه التحويل ده

طيب هتعدل الماتور بتاعك ولا هتشترى واحد استيراد ؟؟؟؟؟

[titofouda]

سمسم باشا الموتورd16a6هو اصلان انجكشان وركب فى الموتور كربيراتير مع العلم العربيه متجهزه كربيرتير يعنى التنك هيتغير

[titofouda]

ومهم اوصفلك يا سمسم كمية الهرتله اليه عندى فى الموتور بسبب التعديله المتخلفه اليه معمول مش هتصدق

[SAMEH_FOUAD]

اوك ياباشا طيب حالة المحرك نفسة يعنى سيبك من التنتيش والكلام دة انا اقصد :

1- المحرك كبسة كويس ولا بياكل بزيت وفية دخنة بتطلع منة

2- المحرك صوتة ناعم ولا فية حاجات بتخبط

[titofouda]

بص يا سمسم الموتور لسه صاحب العربيه القديم مشتريه من شهر 2اليه فات حتى لسه منزلش على الرخصه عندى ومفهوش حاجه غير انه اصلا انجكشان وصاحب العربيه القديم خله كربراتير عشان يوفر وعشان العربيه متجهزه كربيراتير

[SAMEH_FOUAD]

تمام

اولا جرب تكلمة يمكن يكون معاة البوابة بتاعتة والضفيرة + الكنترول , وساعتها يبقى وفرت على الاقل 1500 جنية بحد ادنى

لان انت كدة هتضطر تجيب الحاجات دية ولازم تكون بالحساسات ( map - tps - idle )

وبردة عايز اشوف حاجة فى البلوكة المفروض يبقى فية حساس حرارة متركب فى البلوكة , دة موجود ولا لأ

عموما احسن واحد هيعدل العربية دية

1- الكهربائى ( حسنى ) الميكانيكى لازم تكون كل حاجة قدام عينك والصراحة مش عارف ارشحلك حد

عموما عندك ( جاسم - عصام - منير )

جاسم نظيف بس غالى , عصام كويس سعر وشغل , منير كويس سعر بس شغل لازم هو اللى يشتغل وللاسف مش بيعمل الحاجة بأيدة بيخلى العيال هما اللى يشتغلوا بس ممكن تضغط علية وهو اللى يشتغل

[titofouda]

اكيد هكلمك يا سمسم لم اتوكل على الله ونفذ الموضوع ده وفين حسنى الكهرباء ده وبياخد كام فى الموضوع ده ويه رايك فى الموتور اليه راكب فى العربيه ولو فى حاجه احسن منه ممكن ترشحها ليه على فكره الموتور رقمه d16a6