تجربة سرعة وفرامل السيفيك

[SAMEH_FOUAD]

اذيكوا ياشباب يارب تكونوا بخير

معلش انا هحكى موقف حصلى من ثلاث ساعات بالظبط ودة كان اول مرة يحصلى والموقف كالتالى :

كنت انا واصحابى وعددهم خمسة رايح هايبر وان اللى فى مدخل الشيخ زايد وطبعا دية ثانى مرة اطلع فيها على المحور من وقت الثورة , وكنت بشوف هنا فى المنتدى ان الردارات رجعت اشتغلت تانى وخصوصا على المحور .

المهم طلعت على الطريق وانا ناوى ماعديش 90 كم زى السرعة المقررة طبعا كنت مخنوق جداااااااااااا , لحد ماصحابى قالى يابنى انا دايس الطريق دة كل يوم والردارات كلها عطلانة وفعلا لقيت العربيات كلها بتعدى بسرعتها وانا الوحيد اللى ماشى قانونى على حسب الارشادات , بردة مش مطمن المهم جيبت 160 كم وجيبت قبل الرادار بشوية لمحتة قلبى ماطمنش رحت نازل لل80 وعديت الرادار.

فى اللحظة دية لقيت عربيتين كيا سول , وفيرنا وعدوا من جنبى مش اقل من 140 الاتنين , وانا عادى صحابى سخنونى وقالولى اجرى هاتهم انا ماصدقت روحت طاير وراهم هما حوالى 16 ثانية كنت جايب 190 كم وجيبتهم فعلا قدامى بس الطريق كان فية عربيات ماشية بالراحة ناحية اليمين وهما ماشيين ناحية الشمال فطبعا كات لازم اهدى لان سرعتى اعلى من سرعتهم المهم نزلت ل160 كم ولقيت منفذ من وسطيهم وهما اصلا كانوا بيجروا مع بعض ويادوبك دوست بنزين عشان اعدى من وسطهم راحوا الاتنين كاسرين عليا مرة واحدة ( عملوا كماشة بالظبط ) عشان ماعديش وانا كنت ماشى على 170 كم وبعديهم , طبعا الحمد لله كل اللى عملتة ان دوست فرامل وكل دة والعربية ولا كأنى عملت حاجة الحمد لله لدرجة ان اصحابى قالوا خلاص احنا لبسنا مش هنلبس لان انا جايب 170 وفجأة لقيت اتنين بيكسروا عليك والله خلاص كنت هلبس فى البابين الخلفيين بتوعهم الاتنين بس الحمد لله فرملت العربية اولا فرملت بدون انحراف نهائى ونزلت بسرعة جدا وطبعا هما راحوا طايرين ولا كأنهم عملوا حاجة روحت طاير تانى وراهم والمرة دية عدتهم وانا جايب 220 كم محدش فيهم اصلا شافنى وانا بعدى من جنبة, ومحدش عرف يحصلنى اصلا , مع انى كنت مركب 5 فى العربية , وهما كل واحد لوحدة فى عربيتة

جية بقى فى بالى موضوع السيفيك اللى كانت الفيرنا عايزة تخبطها عشان سبقتها

قولت بقت هية كدة يعنى , لأن بجد الواحد مش عارف هما عملوا كدة لية انا كنت الاول بجرى مع حد هو عارف ان عربيتة اضعف وانا عايز اعدى بيوسعلى لكن دول ربنا يسامحهم بجد لانهم الاتنين شايفينى فى المرايا وعشان ماعديهمش راحوا الاتنين فى نفس التوقيت كسروا عليا بحيث مايبقاش قدامى اختيار غير انى ادوس فرامل جامد ويحصل اللى يحصل بس الحمد لله ربنا خيب ظنهم

والهوندا بردة علمت عليهم

معلش انى طولت عليكم بس بجد ياجماعة الموضوع مابقاش سهل وبدأ يتكرر كل واحد هيظبط عربية على الطريق يعرف انة كدة اصبح فى خطر ومهدد بأى اسلوب غير حضارى

[minicooper20]

اهو انا المحور ده ماشى عليه بقالى 5 سنين كل يوم تقريبان
و قلبى مجبنيش لاكتر من 180 بس بليل و يكون فاضى
انتا بتشد و جبت 220 ياقلبك
ربنا يباركلك فى عربيتك

[maryano]

اولا حمد الله علي سلمتك و متخليش حد يستفزك و بلاش السرعات العاليه دي في البلد دي بجد الواحد بيكون ماشي 100 و مقلق تجيب انتا 220 ؟؟!! ربنا يبركلك في عربيتك و يحفظهالك
هما فيه عالم غشيمه كدة و بتحب الاذيه متقولش سياتو في فورميلا 1 !!!! بجد لما بشد مع واحد والقيه كدة بسيبو يجري زي مهوا عايز و ببعد عنو مش حضيع عربيتي علاشان واحد فاكر نفسو بيلعب بلي ستيشن
ربنا يسترها معاناا

[romar]

رواية القصة من وجهة نظر أخرى.... مرة كان فيه ثلاث عربيات: هوندا وفيرنا وسول:
1. بيروعوا خلق الله على المحور
2. بيستخدموا الطريق اللي اتعمل من فلوس المصريين بطريقة فيها تعدّي على حق الطريق وتعدّي على حق الناس في أن يسيروا على طريق آمن وبدون وجود من يخاطر ليس فقط بحياته بل بحياتهم هم أيضا من أجل إثبات إن عربيته أجمد من الفيرنا.
3. بيخافوا من الرادار ومش عاملين حساب إن ربنا شايفهم

متزعلش مني... بس أنا شايف القصة كلها بالطريقة دي، وغالبا دي برضه وجهة نظر ناس كتير من اللي انتوا عديتوا عليها على المحور وانتوا بتتسابقوا. ياريت يكون عندك سعة صدر لتقبل الآراء الأخرى

[ahmad--ezzat]

سمسم اعذرنى
انت راجل اعتقد انك كبير
انا شايفك معجب بالعربيه اوى
والله احنا ماشين على عجل
خد بالك من نفسك يعم وملكش دعوه بحد وانت عارف ان عربيتك اسرع منهم فبلاش تجرب ال 220 والكلام دة
والله ماعارف اقلك ايه

[osama_ruan]

رواية القصة من وجهة نظر أخرى.... مرة كان فيه ثلاث عربيات: هوندا وفيرنا وسول:
1. بيروعوا خلق الله على المحور
2. بيستخدموا الطريق اللي اتعمل من فلوس المصريين بطريقة فيها تعدّي على حق الطريق وتعدّي على حق الناس في أن يسيروا على طريق آمن وبدون وجود من يخاطر ليس فقط بحياته بل بحياتهم هم أيضا من أجل إثبات إن عربيته أجمد من الفيرنا.
3. بيخافوا من الرادار ومش عاملين حساب إن ربنا شايفهم

متزعلش مني... بس أنا شايف القصة كلها بالطريقة دي، وغالبا دي برضه وجهة نظر ناس كتير من اللي انتوا عديتوا عليها على المحور وانتوا بتتسابقوا. ياريت يكون عندك سعة صدر لتقبل الآراء الأخرى

1111111111111111111

[khaled_yassin]

رواية القصة من وجهة نظر أخرى.... مرة كان فيه ثلاث عربيات: هوندا وفيرنا وسول:
1. بيروعوا خلق الله على المحور
2. بيستخدموا الطريق اللي اتعمل من فلوس المصريين بطريقة فيها تعدّي على حق الطريق وتعدّي على حق الناس في أن يسيروا على طريق آمن وبدون وجود من يخاطر ليس فقط بحياته بل بحياتهم هم أيضا من أجل إثبات إن عربيته أجمد من الفيرنا.
3. بيخافوا من الرادار ومش عاملين حساب إن ربنا شايفهم

متزعلش مني... بس أنا شايف القصة كلها بالطريقة دي، وغالبا دي برضه وجهة نظر ناس كتير من اللي انتوا عديتوا عليها على المحور وانتوا بتتسابقوا. ياريت يكون عندك سعة صدر لتقبل الآراء الأخرى

مع انى بحب سمسم وبحترم اسلوبوا ديما فى الكلام ومساعدته لناس
بس الراجل دة كلاموا صح

[yasserelsayad]

الموضوع مش قصة سيفيك ولا غيرها .. الموضوع غشامة سواقين مش اكتر.

بس معلش انت بتجرى معاهم ليه اصلا ..
يعنى هما مواترهم مش فى نفس قوة موتورك وانت عارف كدا كويس
ومتأكد انك هتعديهم فا ايه سبب شدك معاهم من الاول اصلا ... يعنى هتستفاد ايه

[mando_07]

رواية القصة من وجهة نظر أخرى.... مرة كان فيه ثلاث عربيات: هوندا وفيرنا وسول:
1. بيروعوا خلق الله على المحور
2. بيستخدموا الطريق اللي اتعمل من فلوس المصريين بطريقة فيها تعدّي على حق الطريق وتعدّي على حق الناس في أن يسيروا على طريق آمن وبدون وجود من يخاطر ليس فقط بحياته بل بحياتهم هم أيضا من أجل إثبات إن عربيته أجمد من الفيرنا.
3. بيخافوا من الرادار ومش عاملين حساب إن ربنا شايفهم

متزعلش مني... بس أنا شايف القصة كلها بالطريقة دي، وغالبا دي برضه وجهة نظر ناس كتير من اللي انتوا عديتوا عليها على المحور وانتوا بتتسابقوا. ياريت يكون عندك سعة صدر لتقبل الآراء الأخرى

+1111111111111111111111111111111111111111111111

[SAMEH_FOUAD]

طبعا ياجماعة انا ماقولتش ان اللى عملتة دة صح وعارف انة غلط والسرعة فعلا وحشة , انا معاكوا فى كل اللى انتوا قولتوة وانا اصلا مش بجرى معاهم لانى عارف الفرق بس فعلا انا بقالى كتير جدا ماجيبتش سرعات عالية بالعربية وكنت منتهز فرصة ان الطريق كان فاضى والحمد لله ربنا عداها على خير بس انا فعلا ماليش دعوة بيهم خالص واصحابى يعنى عارفين كدة كويس انى هعديهم بمنتهى السهولة بس انا ماكنتش بجرى معاهم والدليل اللى انا بتكلم فية ان كان فية بعديها سيارة النترا 2006 و نيو اكسنت بيجروا مع بعض ماجيتش جنبيهم وسيبتهم يجروا عادى
وانا اصلا مش عامل الموضوع دة عشان اقول انى سبقتهم والكلام دة لأ انا عاملة عشان اقول اية مدى الاستهتار ان واحد شايفة بيجرى وانا اصلا مش بجرى معاهم وماليش دعوة بيهم انا واحد معدى عادى من جنبيهم يروحوا عاملين كدة , فدة الموقف اللى حصل , وبحكية لان فعلا الناس مابقتش زى الاول
وعلى فكرة وانا راجع مشيت عادى جدا معديتش سرعة 140 كم وماليش دعوة بحد خالص وناس كانت طايرة من جنبى وعادى

وبعدين ياجماعة الحمد لله انا بخاف على الناس اكتر من نفسى والحمد لله فى تاريخ سواقتى كلة ماضريتش حد ابدا

[newcar2011]

على فكرة الى بيجرى على المحور يستاهل الى بيحصله اتفرج على السور الى فى النص كام فردة كاوتش معلمه عليه وكام عربيه دخلت فيه واتحطمت ده غير طبعا جوانب الطريق والحواجز الى سقطت من الحوادث المحور دة العربيات بتعوم من عليه ومتقليش ليه عيب اسفلت ولا عيب ايه انا اخرى على المحور طاير 120 كيلو مع ان قلبى ميت بس العقل حلوسيبك من عربيتك وفكر فى الضرر الى ممكن تسببه لغيرك

[Ahmod]

طبعا ياجماعة انا ماقولتش ان اللى عملتة دة صح وعارف انة غلط والسرعة فعلا وحشة , انا معاكوا فى كل اللى انتوا قولتوة وانا اصلا مش بجرى معاهم لانى عارف الفرق بس فعلا انا بقالى كتير جدا ماجيبتش سرعات عالية بالعربية وكنت منتهز فرصة ان الطريق كان فاضى والحمد لله ربنا عداها على خير بس انا فعلا ماليش دعوة بيهم خالص واصحابى يعنى عارفين كدة كويس انى هعديهم بمنتهى السهولة بس انا ماكنتش بجرى معاهم والدليل اللى انا بتكلم فية ان كان فية بعديها سيارة النترا 2006 و نيو اكسنت بيجروا مع بعض ماجيتش جنبيهم وسيبتهم يجروا عادى
وانا اصلا مش عامل الموضوع دة عشان اقول انى سبقتهم والكلام دة لأ انا عاملة عشان اقول اية مدى الاستهتار ان واحد شايفة بيجرى وانا اصلا مش بجرى معاهم وماليش دعوة بيهم انا واحد معدى عادى من جنبيهم يروحوا عاملين كدة , فدة الموقف اللى حصل , وبحكية لان فعلا الناس مابقتش زى الاول
وعلى فكرة وانا راجع مشيت عادى جدا معديتش سرعة 140 كم وماليش دعوة بحد خالص وناس كانت طايرة من جنبى وعادى

وبعدين ياجماعة الحمد لله انا بخاف على الناس اكتر من نفسى والحمد لله فى تاريخ سواقتى كلة ماضريتش حد ابدا

معلش يا سامح انا مش متفق معاك في النقطة دي

انت مش واحد عادي بتعدي من جمبه انت واحد بتشد معاهم

هما اساسا طايرين وبيجرو فطبيعي لما يلاقو عربية جاية من بعيد طايرة معاهم اكيد ده بيجري وسخن معانا

بدليل ان اصحابك سخنوك وانت شديت عشان تعديهم

شوف اللى بيجري وبيشد لازم يستحمل الكلام ده وانا شايف ان اللى حصل ده شئ طبيعي جدا

انا مثلا لما بكون بشد و ورايا عربية عارف ان الطريق لو فتح هيعلم عليا بقفل عليه الطريق ومش بخليه يطلع

من كام يوم على كبري اكتوبر سخن معايا كوبر s يظهر ال Racing stripes اللى لسه عاملها جديد في العربية بقت بتسخن اي حد

وبرضوا كل مايجي يطلع اقفل عليه

طبعا الواحد مش بيقفل بهبل يعني مايبقاش هو جاي من بعيد مجمع واقوم رامي عليه كدة انا بموته وبموت نفسي

ونفس السناريو ده بيحصل كتير وعملته قبل كدة برضوا مع BMW الفئة الخامسة على المحور

وقدام عيني مزادا 3 على الصحراوي عمال يقفل على مرسيدس C200 وكانو طايرين مش اقل من 180

فده طبيعي بالنسبة للناس اللى بتجري

يعني انت منتظر انهم يوسعولك الطريق عشان تعدي وتبقى علمت عليهم ؟ ؟ اكيد هيقفلو عليك

واانا من وجهة نظري ان اللى بيجري وبيشد يستحمل التقفيل والتزنيق ومش بعيد اللى بتجري معاه يحاول يلبسك في اي حاجة

يعني من الاخر بتشد يبقى استحمل اي حاجة مفاجأة تحصلك

[newcar2011]

الحمد لله انا معايش فرامل الى هيقفل عليا هدمرة فخلى بالك من الانوس الى بتشد للخلف

[ahmad--ezzat]

شوف اللى بيجري وبيشد لازم يستحمل الكلام ده وانا شايف ان اللى حصل ده شئ طبيعي جدا



من كام يوم على كبري اكتوبر سخن معايا كوبر s يظهر ال Racing stripes اللى لسه عاملها جديد في العربية بقت بتسخن اي حد

مهو اللى حصل دة طبيعى انا معاك..بس لاقدر الله لو اترزع فى عربيه منهم والعربيه اتقلبت او ولعت او او مش هيبقى طبيعى نهائى
وليه دة كله يعنى مش مستاهله تماما..... الواحد يمشى هادى مع اغنيه شياكه وعيششششش
وبعدين انت بتشد بايارس ال 1300 مع المينى كوبر :) (بسخنك)

[Ahmod]

مهو اللى حصل دة طبيعى انا معاك..بس لاقدر الله لو اترزع فى عربيه منهم والعربيه اتقلبت او ولعت او او مش هيبقى طبيعى نهائى
وليه دة كله يعنى مش مستاهله تماما..... الواحد يمشى هادى مع اغنيه شياكه وعيششششش
وبعدين انت بتشد بايارس ال 1300 مع المينى كوبر :) (بسخنك)

ماهو انا بقولك انه طبيعي طالما الواحد بيقفل بعقل وبحدود يعني مثلا لو هو ورايا مباشرة وكل مايجي يمين اجي انا يمين وهكذا

او ابقى ماشي في الوسط وواخد الحارتين قافلهم ده طبيعي

لكن مش معقول هلاقي واحد جاي مجمع من ورة واروح رامي عليه كدة انا بستهبل

فانا مش عارف هما قفلو على سامح ازاي لكن كان المفروض يتوقع انه ده يحصل خاصا انه جيه يعدي منهم في الاول الطريق قفل

بعدها لاقى مساحة من وسطهم تسمح انه يعدي فحرق عشان يعدي وده معناه انه ماكنش جاي من ورا مجمع وفرق السرعة مابينه ومابينهم ماكنش كبير والله واعلم برضوا التفاصيل دي ممكن يقولنا عليها سامح

وعلى فكرة الكوبر هو اللى سخن معايا مش انا اللى سخنت معاه

وطبيعي اغلبية الناس لما بتلاقي عربية معمول فيها شغل بيسخن معاها

ان شاء الله لما اخلصها هنزل الصور كلها وتقولي رايك انا حاليا خلصت الشغل في الكبوت والشنطة ناقص البابين مع الاسبويلر وتبقى كملت على خير