صيانة الـ 1000 كم للسيفيك

[tksy1260]

محتاج أعرف كل شيء عن صيانة الألف للسيفيك وكم يتطلب ذلك من انتظار وهل لابد من الحجز
لأنني سأذهب هذا الأسبوع

[NaBeLeOn]

انا سمعت ان مركز صيانة التجمع الخامس عليه زحمة و يفضل الحجز ( بس فى واحد صاحبي راح بدون حجز عادى ) لكن الأفضل انك تحجز ..

مركز المأمون اللى فى اسكندرية ده أكيد من غير حجز لأن الحركة عليه أهدى من التجمع
===
عموما بعد اذنك تبقى تقولنا على تفاصيل الصيانة لما تعملها على خير ان شاء الله لانى حاليا داخل على 700 كيلو يعني هانت برضه :)

[adelkarim]

صيانة الألف فى مركز التجمع بتاخد من ساعه لساعه و نص. مش بتحتاج حجز بس لو رحت متأخر ممكن تستنى أكتر و لو رحت يوم السبت متأخر حاتستنى أكتر و أكتر. أنا روحت الساعه 8:30 صباحا يوم السبت استلمت العربيه الساعه 10:00 بالضبط.

الصيانه مافيهاش غيار زيت, مجرد تربيط و فحص كامل, عشان كده الصيانه دى مجانيه. أى صيانه بعد كده بتبقى لازم تحجز قبلها و طبعا بيبقى ليها حساب.

[Hondawy_2008]

ممكن يا جماعه توصفولي ازاي ممكن اروح من المنيل لفرع التجمع ؟؟؟

[abf-nassar]

من المنيل اطلع علي كوبرى الطريق الدائرىمن المنيب او من المعادى الاتجاه الي طريق
مدينة نصر وخليك ماشي علي الدائرى متخرجش منه هتلاقي التوكيل على يمينك

[tksy1260]

صيانة الألف بدون حجز وإذا ذهبت بدري قبل الثامنة والنصف ستتسلم العربية قبل الساعة 11
وهي شيك أب مجانا

[qwertyqwerty]

هل اكيد ان صيانة الـ 100 كيلز ليس بها تغيير زيت
طيب ازاى تكون السيارة اتكملت تليين لانه اعتقد ان تغيير الزيت لازم؟
ارجو الافادة