عيوب الهوندا اية ؟؟؟؟؟؟؟

[SAMEH_FOUAD]

طبعا كلنا عارفين ان كل حاجة صنعها الانسان لازم تكون فيها عيوب وبما ان الانسان مليان عيوب يبقى لازم الحاجة اللى بيصنعها يبقى فيها عيوب ( والكمال لله وحدة )

فالموضوع دة احنا عايزين فية نتعرف على عيوب الهوندا من كل الاجيال عشان بردة الناس اللى بتشترى تبقى عارفة عيوب الهوندا اية لانى شايف انة كلة شكر شكر شكر واكيد مافيش عربية من غير عيوب
ياريت ذكر الموديل , ونوع السيارة , وطريقة الصيانة من حيث تركيب قطع غيار سواء اصلية او يابانى او استيراد , ونوع القيادة هل عنيف او متوسط او هادىء

واكثر حاجات متضايقاك فيها اية سواء فى التصميم او الشكل او الثبات او الاعتمادية

ياريت يبقى الكلام موضوعى وحيادى

[mimmohonda]

انا الحمدلله معايا 2 هوندا سيفيك هاتشباك والسيدان موديل 93 ووالله عمرهم مزعلووووووونى ابدا بالعكس انا اقسم بالله كل يوم يجيلى ناس عاوزين يخدوهم بس ليه انا متوفر ليا والحمدلله كل شىء فى العربيتين .......والحمدلله على نعمه الهووووووووووووووندا

[No Comment]

الموديل : الجيل الرابع 91
النوع : ذكـــر (قصدى سيفيك)
طرق الصيانة : عند صنايعية الهوندا فى الحرفيين وقطع الغيار بحطها ما بين الأصلى واليابانى والمستورد وكلهم متوفريين وبكفائة (مفيش قطع مضروبة كتيرعندنا زى ماركات تانية )
نوع القيادة : عنيفة وهادية ومتوسطة والحمد لله بتدينى اللى عاوزه منها حسب المزاج عندى

نييجى بقى للعيوب اللى انفتحلها الموضوع ده أصلاً : شايف من وجهة نظرى وبالنسبالى
- وطوو العربية (يعنى اقترابها من الارض) بس فى المقابل ثبات عالى
- عندى الاستهلاك عالى شوية (يمكن علشان طرقى زحمة شوية وكربراتير)
- أهم حاجة فى العيوب شايفها بصراحة هى الصنايعية ... نفسى الاقى صنايعى هوندا استريحله واعتمده للتعامل علطووول (للأسف يفضل إذا ما كانش لازم يكون متخصص فى الهوندا وإن كان بيبقى اغلى من الباقى وللأسف منزلتش الحرفيين الا علشانها وعلشان بعض قطع الغيار الاستيراد منها)


معلومة 1 : دى تبقى رابع عربية امتلكها وسوقت وجربت عربيات كتيرة جداً فى حياتى وبصراحة مينفعشى انزل من الهوندا واستريح فى ركوب عربيات تانية غيرها الا لبعض الماركات فى الالمانى .
معلومة 2 : بمناسبة الموضوع ده امبارح والنهاردة ناس بتوقفنى وتسألنى بايع أقوم رادد عليهم بكل ثقة وبأبتسامة ... لا مش للبيع .

[OmaR_FekrY]

الموديل : الجيل الرابع 91
النوع : ذكـــر (قصدى سيفيك)
طرق الصيانة : عند صنايعية الهوندا فى الحرفيين وقطع الغيار بحطها ما بين الأصلى واليابانى والمستورد وكلهم متوفريين وبكفائة (مفيش قطع مضروبة كتيرعندنا زى ماركات تانية )
نوع القيادة : عنيفة وهادية ومتوسطة والحمد لله بتدينى اللى عاوزه منها حسب المزاج عندى

نييجى بقى للعيوب اللى انفتحلها الموضوع ده أصلاً : شايف من وجهة نظرى وبالنسبالى
- وطوو العربية (يعنى اقترابها من الارض) بس فى المقابل ثبات عالى
- عندى الاستهلاك عالى شوية (يمكن علشان طرقى زحمة شوية وكربراتير)
- أهم حاجة فى العيوب شايفها بصراحة هى الصنايعية ... نفسى الاقى صنايعى هوندا استريحله واعتمده للتعامل علطووول (للأسف يفضل إذا ما كانش لازم يكون متخصص فى الهوندا وإن كان بيبقى اغلى من الباقى وللأسف منزلتش الحرفيين الا علشانها وعلشان بعض قطع الغيار الاستيراد منها)


معلومة 1 : دى تبقى رابع عربية امتلكها وسوقت وجربت عربيات كتيرة جداً فى حياتى وبصراحة مينفعشى انزل من الهوندا واستريح فى ركوب عربيات تانية غيرها الا لبعض الماركات فى الالمانى .
معلومة 2 : بمناسبة الموضوع ده امبارح والنهاردة ناس بتوقفنى وتسألنى بايع أقوم رادد عليهم بكل ثقة وبأبتسامة ... لا مش للبيع .

تبييع يا استاذ ؟!

[OmaR_FekrY]

اهم عيب بيواجهنى دلوقتى و غالبا هو عندى بس استهلاك البنزين !!

العربيه ولا كانها 8000 سى سى

تخيلوا فى 40 كيلو تاكل الصفيحه بالكامل .... و نبى ده حرام !!

[SAMEH_FOUAD]

انا هسيبكوا تقولوا العيوب والمشاكل وانا فى الاخر هقول حاجات يمكن تريح الدنيا شوية

[Tarek218]

فية عيب محيرنى فى العربية دية

لية لما واحد بيبقا معاة سيفيك نضيفة مبيبعهاش؟

يعنى مثلا واحد زى حالاتى دايخ على si ومش لاقى

[No Comment]

تبييع يا استاذ ؟!

يحنن يا بنى ...

لية لما واحد بيبقا معاة سيفيك نضيفة مبيبعهاش؟

بص لو عربية مريحاه وفول اوبشن ومشاكلها قليلة وأعتمادية ... هيبيعها ليه إلا للتجديد أو لظروف خاصة .
انا قعدت سنة كاملة ادور لحد ما ربنا وفقنى فى العربية اللى معايا دلوقتى ... أصبر تلاقى .

[eng_maged]

اسمحولي استخدم نفس الشكل ده حاسس انه منظم

الموديل : هوندا سيتي 2009
طرق الصيانة : توكيل ولاشيء غير التوكيل
عدد الكيلومترات: 40 الف
نوع القيادة : معظم الوقت عنيفة

نييجى بقى للعيوب من وجهة نظرى
- ارتفاع اسعار قطع الغيار
- كاوتشات العربيه الاصليه رفيعه عشان يقللوا استهلاك البنزين وده بيجي على حساب الثبات
- قله الكماليات في الفئه الاساسيه

[khaled607]

بالنسبة لتجربتي مع السيتي 2010 انا مش شايف عيب غير انها واطية علي الأرض وخصوصا لو معاك ناس تبقي ماشي بيحسس علي المطبات ده ناقص اني انزل اشيلها اعديها المطب وبصراحة العيب مش بس في العربية المشكلة عندنا في المطبات الغبية اللي معمولة عشان كل واحد بقي يصحي من النوم يروح عامل مطب قدامه
وبخصوص استهلاك البنزين ساعات بحس انها اقتصادية جدا وزي الفل وساعات التنك يفضي ومعملتش 200 كم انا كنت مرة رايح الغردقة وطبعا المشوار من أول القطامية لغاية ما وصلت للمكان اللي قعدت فيه حوالي 460كم وصلت وكان نعايا بنزين يكفين بتاع 50كم كمان لكن وانا راجع التنك فضي عند الزعفرانة واعتقد ان ده بسبب ان الهواء كان عكسي وبرده كله يرجع لإسلوب السواقة بتاعة كل واحد غير كده العربية تحفة ولما بتزنق بتسد معايا بجد

[Tarek218]

يحنن يا بنى ...

بص لو عربية مريحاه وفول اوبشن ومشاكلها قليلة وأعتمادية ... هيبيعها ليه إلا للتجديد أو لظروف خاصة .
انا قعدت سنة كاملة ادور لحد ما ربنا وفقنى فى العربية اللى معايا دلوقتى ... أصبر تلاقى .

ربما يطمنك

[SAMEH_FOUAD]

طيب انا هاقول على عيوب العربية اللى انا شايفها :

اولا : بالنسبة للشكل الخارجى :

1- الصاج ضعيف نسبيا بس مش زى عربيات اليومين دول بس بردة ضعيف

2- السيارة منخفضة عن الارض ودة بيسبب مشاكل لو انت محمل او اى ضعف بيحصل فى المساعدين او السوست بتلاقى العربية هبطت بمجرد اى حد بيركب فيها

3- السقف منخفض من الخلف ودة بيعمل مشكلة بسيطة لطوال القامة فقط لكن غير كدة محدش هيحس بية

ثانيا : صالون السيارة :

1- كان نفسى هوندا تعمل العربية دية لون تانى اضافى غير الرمادى × اسود بس للاسف ماتوافرش اللون التانى اللى هو الاسود غير فى ال SiR وبجد كان هيبقى شكلها تحفة

2- الدركسيون كان ممكن يصغر شوية كان هيبقى ممتاز هو كدة كويس بس لو صغر شوية بيبقى ممتع لانى سوقت هوندا 1993 بدركسيون 2008 كان تحفة الصراحة ومدى وسع غريب فى العربية

3- العربية فيها انذار لو باب السائق مفتوح لكن من غير لمبة ودة موجود فى ال SI , SiR لكن ال EL موجود رسمة العربية وكل باب لية نور لوحدة وكمان الشنطة مش عارف لية مش موجودة فى ال SI موجود بس الشنطة

4- العربية دية فى كمية اوبشن زى ( 2 كراسى كهرباء - دفايات فى الكراسى - مالتى فانكشن - مثبت سرعة - 2 ايرباج - ABS - مرايات ضم - ايموبليزر - التحكم فى اضاءة العداد وارتفاع المصابيح ) نفسى اعرف لية مش بتنزل بيهم بجد والله كانت هتبقى احسن من اى عربية موجود فى فئتها والاعلى منها كمان

ثالثا : المحركات :

1- كل اللى عايز اقولة حرام عليكى ياهوندا كمية محركات لنفس فئة العربية بس البلد مختلفة وكلهم قدرة واحدة او قريبة من بعض مش عارف لية مصممين يتوهوا الناس

2- استهلاك عالى للمحرك اثناء الضغط علية يعنى انا كنت حاطط 20 لتر جيبت 220 رجعت تقريبا استهلكت اقل من المعتاد ب40 كم

دية عيوب العربية ولو لفيت كل العربية مش هتطلع غير دول

[hany63]

هوندا الجيل التامن vti 2010
المميزات : عربيه ناعمه - مريحه -اعتماديه عاليه-شكل جذاب
العيوب:
1-قوه الفرامل لاتتناسب مع قوه الموتور
2-درجة ثبات اقل من الالماني وعدم الاحساس الكامل بالامان في السرعات العاليه بسبب الفرامل
3-مسند اليد مالوش اي تلاتين لازمه لانخفاضه عن مستوي الكوع و ماهانش عليهم يعملوا له عدة درجات للعلو
4-عدم وجود عداد السرعه المعتاد و استبداله بالديجتال يعطي انطباع ان العربيه ما بتسحبش
5-الدركسيون ملمسه ناشف اوحش من lxi مما يؤدي الي صعوبة التعامل معه وفي الاخر لازم تجيب كسوه تبوظ الشكل عشان تعرف تسوق
6-شكل الايقونات و الوانها اللي بتنور في التابلوه بتاعة الانوار و مثبت السرعه معفن ومش لايقه

[Yones]

1-انخفاض العربية عندى وقربها من الارض دى مشكلة كبيرة لانها بتتبهدل من المطبات للاسف جامد
2- قعدة العربية برضه منخفظة بالتبعية وبتلاقى نفسك قاعد فى مستوى منخفض عن العربيات اللى حواليك بس مع ذلك بتديك احساس رياضى اكتر
3-قطع غيار غالية طبعا واحيانا مش موجودة

3- العربية فيها انذار لو باب السائق مفتوح لكن من غير لمبة ودة موجود فى ال si , sir لكن ال el موجود رسمة العربية وكل باب لية نور لوحدة وكمان الشنطة مش عارف لية مش موجودة فى ال si موجود بس الشنطة

4- العربية دية فى كمية اوبشن زى ( 2 كراسى كهرباء - دفايات فى الكراسى - مالتى فانكشن - مثبت سرعة - 2 ايرباج - abs - مرايات ضم - ايموبليزر - التحكم فى اضاءة العداد وارتفاع المصابيح ) نفسى اعرف لية مش بتنزل بيهم بجد والله كانت هتبقى احسن من اى عربية موجود فى فئتها والاعلى منها كمان

موضوع انذار الباب المفتوح لكل باب على حدى عندى و موجود فى هوندا اكورد اى فئة ده غير انذار الشنطة ولمبة التحذير عن عطل فى لمبة الفرامل وكمان التحكم فى اضاءة المفاتيح ولمبة صلاحية زيت المحرك وفلترالزيت ومعاد الصيانة ده غير عندى كمان فيه كونسول علوى فى السقف فيه 4 لمبات صغيرين 2 قدام و2 ورا ولمبة كبيرة فى النص بصراحة مشفتش الكونسول ده فى اى عربية تانية ولمبة فى كل باب من تحت بتنور لما الباب بيفتح
ده غير مثبت السرعة موجود فى بعض فئات الاكورد مش كلها فى المانيوال والاوتوماتيك

[sherifunmis]

إن كان هناك عيب خطير فى السيفيك
فهو الاعتمادية .... طب ازااااى يا عم الحاج ؟
الاعتمادية العالية تعطيك ثقة زائدة
يعنى بنصبر على العيب ( أو العطل ) فترة طويييلة
طالما العربية ماشية
مما يؤدى إلى تفاقم العطل
و تحياتى ‘