أيهما أفضـــل ؟؟

[tiger_lool]

لو سمحت يا جماعه .. عايز أعرف ايه أحلى .. هوندا 99 ولا 2000 .. و ليه .. عشان أنا كل ما أسأل حد يقولى خليك فى ال99 .. عاوز أعرف ايه الفرق ؟؟ و شكرا مقدماا

[sanhory]

سيدي الفاضل من قال لك هذا فقد افتى فتي السنين

لان الاختلاف بيكون بين موديلات 96 و 97 و 98 دول و بين 99 و 2000

بمعني ان 96 الى 98 واحد
و 99 -2000 واحد هما هما

ايه بقى الاختلاف

اختلاف مش جوهري و هي هي العفشة و الصالون و نفس نوعية المواتير واحدة لكن الاختلاف بس ان
في موديلات 96-98 في بكتات في الكسدامات و في 99-2000 مفيش

و 99-2000 اتغير شكل الفانوس و الشبكة حاجة بسيطة يمكن مش اي حد يلاحظها

الناس بقى اللي فاهمة بتقول خليك في 96-98 عشان فوانيس و اكسدمات ال 99-2000 مقرفين شوية في الشراء

بس ياسيدي

[SAMEH_FOUAD]

تمام زى ماقالك سنهورى بالظبط لا يوجد شىء مختلف نهاااااااااااااااائى غير اللى ذكرهم وممكن يتغيروا بمنتهى البساطة

الله ينور ياسنهورى

[tiger_lool]

شكرا ليك يا باشااا و عالمعلومات المفيده ...
بس كان ليا سؤال تانى معلش :) :$ هاقل عليك .. ايه الفرق بين هوندا 2000 أمريكانى و يابانى .. و أيهما أفضل ؟؟ :d

[sanhory]

سمسم باشا ,تسلم يا زعيم

حكاية الامريكي و الياباني دي بتفرق حسب المنطقة اللي جاية منها العربية

يعني هنا الياباني اللي بينزل لمصر او بمعني اصح للشرق الاوسط كله نفس الاوبشن

الامريكي بقى ممك يجي ب abs او مثبت سرعة و بتبقى كراسيه مختلفة شوية كدا يعني لكن لو لقيت عربية نظيفة متترديتش انك تاخدها لو فيها اوبشنز زيادة

دي المعلومات اللي عندي بالنسبة لموضوع امريكي و ياباني و البركة في بقيت الاعضاء وسمسم لو عندهم معلومة اكيد مش حيبخلوا
و انا تحت امرك لو في حاجة تانية

[tiger_lool]

شكرا ليييك يا سنهورى باشااا .. أنا أدامى عربيه 2000 أمريكانى و حالتها أكتر من ممتازه .. بس كذا واحد يعد يقولى اليابانى أحلى و أنا معرفش أصدق مين ولا أكدب مين يا باشاا .. بس منكم نستفيد و الواحد لما ييجى يسأل يسأل خبراء زيكو كده .. و يا ريت تعرفونى ايه الأحلى يابانى او أمريكانى ؟

[sanhory]

يا باشا تحت امرك في اي وقت ,

فكرت ياباني احلى و امريكي احلي ده على اي اساس ؟؟؟

هي هي و نفس الركوبة و نفس قطع الغيار بنسبة 95 %

قولي بس ايه الاوبشنز اللي فيها و مطلوب فيها كام

[M_Nabil]

في مواصفات امريكى وكندى وفي اوروبي وفي يابانى و في خليجى ( الشرق الأوسط )

اليابانى اليابانى مش موجود طبعاً عشان دركسيون يمين

الامريكى فئة EX = هنا الـ VTi بس اغلبها فتيس مانيوال كاملة فتحت سقف ماتور كامة واحدة VTEC ويزيد عليها ايرباج زيادة ومثبت سرعة وممكن ABS حسب سنة الصنع وتلقى الفانوس الخلفى مختلف كبير وعريض عن العادى في موديلات 99-00 واختلاف في شكل كنسولة التكييف وزراير التحكم غير وش العربية اللى اتكلم عليه سنهورى والـ LX = هنا EXi , الـ DX = هنا Lxi لكن الماتور بدل 1.5 بيكون 1.6 بس بدون VTEC والـ Si موديل 99-00 = هنا الـ SiR بس كوبيه ولون ازرق فقط بس ماشوفتش منها هنا الصراحة، غير جنوطها :)

بختلاف ما ذكر كله زى بعضه ونفس قطع الغيار زى ما قال سنهورى باشا