استفسار بخصوص السيفيك lxi

[yalahwy2010]

السلام عليكم يا رجالة
انا كنت عايز أكشف على سيفيك 2009
ايه أحسن مكان أكشف فيه؟
وهل الكشف بيعرفنى عاملة كام كيلومتر بالظبط؟؟؟؟؟؟؟؟؟؟
انا سمعت ان العداد ممكن يتصفر...............ازاى أعرف عدادها مظبوط ولا لأ؟؟ يعنى اللى قدامى عاملة 17 ألف كم.............هل فى طريقة ممكن يصفر بيها العداد وبعد كدة يعدى بيها 17000 ويقول هى ما مشيتش
والكشف بيشمل كل حاجة ؟؟؟؟........سمكرة ودوكو وعفشة وميكانيكا وكهربا ولا ايه؟؟؟
والتكلفة كام تقريبا
وشكرا

[SAMEH_FOUAD]

اكشف فى التوكيل احسن مكان لانك هتاخد full report عن العربية وسعر الكشف 250 جنية شامل كل حاجة ( صالون- محرك - شاسية - دهان )

[yalahwy2010]

اكشف فى التوكيل احسن مكان لانك هتاخد full report عن العربية وسعر الكشف 250 جنية شامل كل حاجة ( صالون- محرك - شاسية - دهان )

ألف شكر يا سمسم باشا على سرعة الرد
طيب وايه رأيك فى موضوع تصفير العداد.......هل الموضوع ده صحيح؟؟؟...........وهل التوكيل بيعرف حاجة زى كدة ولاأعرفها ازاى؟
المفروض متهيألى انه يعرفها....عشان الضمان
صح ولا ايه؟
مش الضمان بتاع السفيك 3 سنين او 100 ألف كم..........وايهما أقرب
فا العربية فى الضمان
ولا ايه؟
انا قلقان جدا............المبلغ مش قليل......زدى تحويشة العمر

[SAMEH_FOUAD]

حالة العربية هية اللى بتحدد وعموما التوكيل هيعرفها لان الكنترول بيبقى علية تخزين عدد الكيلومترات اللى هتقطعها السيارة وعموما السيارة فى الضمان فاكيد كل الداتا عندهم اى مسمار اتعمل فيها هتلاقية موجود عشان كدة الكشف فى التوكيل احسن حاجة

[yalahwy2010]

شكرا يا سمسم باشا
معلش هتقل عليك عشان انا جديد خالص فى الهوندا
هو التوكيل بتاع الهوندا اللى أكشف عنده مكانه فين؟

[hany63]

على الدائري بعد كارفور بعشر دقائق و انت رايح القاهره الجديده بعد اول نفق على اليمين

[SAMEH_FOUAD]

فية عندك اتنين واحد عند القاهرة الجديدة زى ماوصفلك الاستاذ hany63

والتانى عند نادى الترسانة فى ميت عقبة

[szaalouk]

اكشف فى التوكيل احسن مكان لانك هتاخد full report عن العربية وسعر الكشف 250 جنية شامل كل حاجة ( صالون- محرك - شاسية - دهان )

استاذي سمسم باشا ...... كل سنه و حضرتك طيب .
تعقيب صغير بس و هو ان سعر الكشف 330 جم + 10% ضريبه المبيعات يعني الأجمالي 363 جم انا لسه عامل الموضوع ده من اقل من شهر في المركز اللي علي الدائري .
و زمن الكشف حوالي 4 ساعات و طبعا بتكون حاجز قبلها و واخد موعد لأن ما ينفعش تروح كده فجأه و تقول لهم انك عاوز تكشف .
و انشاء الله نبارك عليها قريب .

تحياتي .