النجدة عداد السرعة هيس بعد النظافة

[medododo]

أجمد تحية علي أجمد شباب كل سنة وانتم طيبين
أجازة العيد كانت طويلة والواحد طبعا لازم إيده تاكله يعمل إي حاجة في العربية نزلت قعدت فيها شوية لأيت كله تمام مرة واحدة جه في بالي شكل العدادات مليان تراب قولت وماله
بسم الله الرحمن الرحيم
جبت مفك تيست صغير وأبتدي المشوار مسمارين فوق العدادات ماشي مش عيب
فبرة وطلعتها لبرة تمام
4 مسامير حاولين العداد وماله مش عيب
شد العداد لبرة بزاوية طلع معايا
3 فيش ورا العداد فك يلا بئا ظاطط
وطلع في إيدي (معرفش ليه إفتكرت مسرحية فؤاد المهندس لما اتنشلت منه الفانلةمن تحت البدلة)
طلعت البيت والدم قصدي والعداد في إيدي مع نظرات عجيبة من كل اللي في البيت عملت نفسي مش واخد بالي ودخلت الاوضة مع علبة مناديل
وكملت فكيت كل اللمض اللي في ضهر العداد مسحتها كلها
فكيت البلاستيك الشفاف من اللي علي العداد ومسحت المؤشرات كلها وأرضية العدادات
(طلع بلاوي) المناديل كانت بتسود مش تراب وبس لأ ده كربون من الموجود في الجو ربنا يسترها معانا يارب وركبت كل حاجة ذي ما هي بالظبط
بصراحة الموضوع فرق جامد جدا شكله بئا يفرح ونوره ذاد كده
بس المشكله إن كل حاجة إشتغلت ما عدا عداد السرعة بيجي عند 80 ويقف
ولما بوصل العربية ل 120 بسمع جرس التنبيه بس العداد واقف على 80
أرجو المساعدة؟؟؟؟؟؟؟

[mahlove]

ادى اخرة اللغوصة, هههههه

ربنا معاك...

[minicooper20]

ههههههههههههههههههههههههههههههه
متابع اصلى بحب الغوص

[medododo]

ادى اخرة اللغوصة, هههههه

ربنا معاك...

أه ياااااااااااااااااارتني خدت الوصل ههههههههههههههههههه

ههههههههههههههههههههههههههههههه
متابع اصلى بحب الغوص

غوص ايه بس احنا في الشتا الدنيا برددددددددد ههههههههههههههه
النجدة يا قوم

[Ashraf_Ashraf]

هههههههههههههههههههههههههههههههههههههههههههه
ياباشا لغوص براحتك اومال الورش هتكسب من مين هههههههههههههههههههههههههه
اعتقد كده انك عوجت مؤشر السرعه وبيحك فى اللوحه بتاعته عشان كده بيقف عند 80 راجع حركته وبص على الزمبرك اللى ورا اللوحه ممكن تكون عوجته وانت بتنظف

[mohammedabdallh]

فكك الى انت عملته تانى وركبه من اول وجديد وشوف نسيت ايه

[SAMEH_FOUAD]

هو انت كدة ياباشا مع تنظيف المؤشر اتفك من مكانة حضرتك هتفك بس الوش الشفاف بتاع العداد وهتضغط بأيدك , لحد ماتسمع صوت التكة , وحركة بأيدك بالراحة لبعد سرعة 120 وشوف فية عائق ولا لأ

[medododo]

هههههههههههههههههههههههههههههههههههههههههههه
ياباشا لغوص براحتك اومال الورش هتكسب من مين هههههههههههههههههههههههههه
اعتقد كده انك عوجت مؤشر السرعه وبيحك فى اللوحه بتاعته عشان كده بيقف عند 80 راجع حركته وبص على الزمبرك اللى ورا اللوحه ممكن تكون عوجته وانت بتنظف

ههههههههههه
لأ الاحتمال ده مستبعد لأن اللوحة اللي ورا بلاستيك وانا مفكتهاش بس هشوف المؤشر

فكك الى انت عملته تانى وركبه من اول وجديد وشوف نسيت ايه

هو انت كدة ياباشا مع تنظيف المؤشر اتفك من مكانة حضرتك هتفك بس الوش الشفاف بتاع العداد وهتضغط بأيدك , لحد ماتسمع صوت التكة , وحركة بأيدك بالراحة لبعد سرعة 120 وشوف فية عائق ولا لأ

شاكر ليكم جدا هفكه النهاردة بالليل تاني وأوافيكم بالأخبار

[minicooper20]

ههههههههههههههههههههههههههههههه
متابع اصلى بحب الغوص

لا الغوص جايه من اللغوصه

[tarekzein]

ألغوص ....يغلوص ....لغوصة....فهو لغووووص

المعجم الوسيط فى اللغوصه والتزغيط

[mmharoun]

ولو معرفتش فى بتاع عدادات متخصص فى شارع المنيل وحنين جيدا ممكن اوصفهولك واديك امارة لية هتفرق جامد فى المصنعية بس جرب طريقة سمسم الاول ولو منفعتشة بتقى تقولنا واحنا معاك ولا تقلق

[medododo]

ولو معرفتش فى بتاع عدادات متخصص فى شارع المنيل وحنين جيدا ممكن اوصفهولك واديك امارة لية هتفرق جامد فى المصنعية بس جرب طريقة سمسم الاول ولو منفعتشة بتقى تقولنا واحنا معاك ولا تقلق

ألف شكر يا غالي

[medododo]

بارك الله فيكم جميعا وألف شكر يا أستاذ semsem kane
النهاردة فكيت العداد تاني والحمد لله إشتغل ومش كده وبس
إشتغلت حاجة كمان انا مش عارف ازاي حاجة كده جنان
جرس التنبيه كان بيشتغل الأول فوق 120 بشكل متصل
دلوئتي لما بجيب 100 بيبدأ يرن لحد 110 ويسكت ويرن تاني من 120 وطالع بشكل متصل
قولت يمكن المؤشر مش مظبوط السرعة بتاعته عشان أتأكد خليت واح صاحبي يمشي جنبي بنفس السرعة وراجعت معاه العداد لحد 130 على الموبيل كله تمام والحمد لله ونزلي أوبشن جديد كمان
وأكرر شكري مرة تانية